Monday, June 13, 2005

يواسيني وأنا الميت

قصيدة كتبها شاب عمل حادث سيارة و والدته كانت معاه وكان مسرعا

نتيجة هذا الحادث

الوالدة توفت نتيجة الاصابات الخطيرة

و هو إصابته كانت خفيفة

و هذي الأبيات قالها للي يواسونه




يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني


:'(


9 comments:

Eagle's_Wings said...

بصراحة شعر يبجي ...

انا ضاق خلقي ... بصراحة يحرق القلب
لكن في النهاية هذا قضاء الله و قدره ...... ولازم يكون الواحد ايمانه قوي .. وكلنا نبي نموت
الله يرحم امه وجميع المسلمين آمين ..

LiTTLE BiG said...

:(
لا حول و لا قوة إلا بالله

MASS said...

Allah yer7amha
we ya9br weldha

Q8Lioness said...

حرااام :(
الله يرحمها ويصبر قلبه
عورتي قلبي

cosimfree911 said...

alaah ey3enaa eshloan yegder yensaa elly 9ar

alaah kaream


alaah yer7amhaa

esTeKaNa said...

واي يا بعد قلبي قلبه
عسى ربي يرحمها وعساها بجنات النعيم
وعسى ربي يصبر قليبة ويرحمه بحرمته يا رب العالمين:(
شعر صادق يعور القلب
جم مرة قريت
وطارت النومة ضاق خلقي:(

kuwaite said...

الله يرحمها ويسكنها فسيح جناته

ويصبر اهلها ويوسع صدر ولدها
-----------------------
روان اسمعي مرثيه الام

للشاعر بندر الرشود

Ra-1 said...

شنو مرثية الأم؟

kuwaite said...

قصيدة للشاعر اعلاه