Saturday, January 13, 2007

(1) مذكرات حجية



Thu.Dec.28.o6
تأخرت الطيارة فوصلنا جدة متأخر ... أول ما هبطنا انزلت أقنعة الأكسجين فوقنا
بس آنا وأخوي الوحيدين بالطيارة كلها
LOL
استغربنا وقعدنا نضحك



السايق ودانا العزيزية وهناك كان ناطرنا
eb9ara7a
ودانا فوق وقالي آنا واختي

هذي شقتكم
شنو مو معاكم؟
لا الحريم بروح والرياييل بروح
يعني معانا حريم ما انعرفهم؟
طبعا اشعبالج
Hmm okay

جان أطالع إختي واقولها
you only have one first impression, so u better make it a good one ;p
اضحكوا خالي واخواني وراحوا
آنا وإختي دشينا
إختي أصغر مني بس آنا كله معتمدة عليها يعني شكلي وطبعي أصغر فكلمن عباله اهيه الكبيرة
LOL
دشينا ولا وحدة جبالنا أبتسم لها ما تبتسم
أقول حق إختي

اشفيها امعصبة؟؟؟
مادري فشلتينا اسمعتج
إي خل تسمع عادي هذا الصج
لقينا غرفة نوم فيها ثلاث فرش خالية
اخترنا فراشين يم بعض وحطينا أغراضنا
اطلعت الي معصبة معانا بالغرفة وغيرها أم وبنتها هم بعد ما يبتسمون
شنو مو عاجبهم إن احنا معاهم؟؟؟
مادري بس انتي ياية حج
أحس جنه مخيم أو مدرسة داخلية
and no one looks friendly at all !!!

اختي اتعبت من حنتي قامت تحقرني قمت أكلم نفسي

طلعت بعض أغراضي وقعدت أرتب


اتصلت على أخوي
أبي أروح فندق
شنو فندق تعرفي عالناس
كلهم عصبيين

:(
لا مو عصبيين زهبوا أغراضكم بننام بعرفة اليوم

our handbag and my sleeping bag for Arafa ...

I planned to use my talent, I told my sis am gonna make all those angry girls and ladies love me and they are gonna come and ask to be my friends not me ;D

okay mashalla 3alech { tet6anaz lol }
بيوم واحد تعرفت على الأغلبية وإلي المفروض تكون أكثر وحدة عصبية

إلي أول يوم دشينا الشقة شفناها

صارت

my best friend !

Fri. Dec. 29. o6

بعد صلاة الفجر كلهم ناموا حتى إختي

هالبنت شافتني ألبس جنطتي وجوتيي

قالتلي منتي نايمة؟

قتلها لا من صجج أنام آنا رايحة الجبل

قالتلي بيي معاج

اتيين معاي؟

إي أبي أيي

قلت حق أخوي بروح

قالي انتي ينيتي خطر

رحت حق الواعظات من وزارة الأوقاف

اليوم شنو المفروض انسوي؟؟؟

الحين ترتاحون أو تنامون وبعد صلاة الظهر تدعون إلى المغرب

يعني تقعدون طول اليوم بالخيمة؟

إي

بس آنا بطلع ما أحس إني بعرفة وانا قاعدة داخل خيمة

أبي أشوف الناس والحجاج أبي أصعد الجبل أو على الأقل بس أشوفه

انتي مو ياية رحلة سياحية

أدري مو رحلة سياحية بس ما يمنع إن بأول حجة لي إني أشوف كل شي

مافي شي تشوفونه لا تروحون

وكلمن نسأله يقول لنا أنصحكم ماتروحون

وبعضهم عطونا أوامر يعني ماكو مجال نفكر نروح أصلا
طلعنا بره الخيمة وقعدنا على الأرض

طلعت كامرتي وصورت



يت وحدة من الحريم خزت كامرتي وقالت لنا

اليوم اليمعة إقروا صورة الكهف

قلت لها قريناها

شكلها انصدمت لأن عبالها إحنا يايين نستانس وناسين عبادتنا

يزاها الله خير نيتها طيبة بس ليش سوء الظن

قمت وقلت حق رفيجتي آنا رايحة

If all of them are going to spend this great day inside a tent, am not gonna do it, dangerous? so what? I die here? it will be the best thing ever happened to me !جان توقف وقالت حتى آنا

قتلها خالج ما رضا

ما علي بروح

تتحملين النتايج؟

إيييي

عبالي بس آنا عنيدة :]
off we go without telling anyone ...
It was a totally different world outside !!! we walked in the crowd towards the mountain ...

شعور عجيب قمة الوناسة

اتفقنا ما نسولف وندعي ونذكر الله سبحانه وتعالى

واحنا ماشين عشان نستغل هاليوم المبارك

وعيونا تطالع يمين ويسار

سبحان الله كل هالناس يوا حق هدف واحد ولمكان واحد

يدعون رب واحد وبلغات مختلفة وأشكال مختلفة وألوان مختلفة

ناس كبار شياب وعيايز وبالغصب يمشون

بينما احنا حصلنا فرصة انحج بشبابنا وصحتنا

الحمدلله الحمدلله الحمدلله

people selling food and fruits, others seling Qur'ans, praying carpets, umberellas, toys, etc ...

إلي بالسيارات والباصات انحكروا بين الناس ما يقدرون يمشون

كل الناس يمشون باتجاه واحد

كلهم رايحين الجبل

كلهم مسلمين نعم كلهم مسلمين

:]
مشينا حوالي الساعة يمكن أكثر

كل ما نسأل أحد وين الجبل يقول بعد جدام بعيد

مشينا وايد ويقولون بعيد

شفناه من بعيد بس ما قدرنا انقرب أكثر

وصلنا مرحلة مستحيل نمشي

انفقصنا بين الناس

قتلها إذا مشينا زيادة مستحيل نقدر نرجع

اتفقنا نرجع

على الأقل حاولنا وشفنا وسوينا إلي ببالنا

الرجعة كانت صعبة لأن إحنا الوحيدين راجعين

ونمشي عكس الناس

it was really hard

بس الحمدلله ردينا وما ضيعنا الطريج

it was something that we will never forget ...
وصلنا قبل صلاة الظهر وكلمن انصدم إنا رحنا

وايد سمعنا

ها سويتوا إلي بخاطركم؟

استانستوا الحين؟

lol

من صلاة الظهر لي المغرب الفترة إلي لازم ندعي فيها وما انضيع ولا دقيقة

بدايتها حسيت إني مو قادرة أدعي مو قادرة أركز

ناس تسولف وناس تحوس ويهال

وحتى إذا أحد يدعي يمي ماعرف

أبي أكون بروحي

بالحرم سهل ألقا مكان بروحي بس اهني ما لقيت

فكرت أطلع أدور ناس فقارى ما يتكلمون عربي واقعد بينهم

عشان أحس إني إنسانة ما أسوى شي ومو أعلى من أحد بشي

رحت عند أخوي أبجي قتله ماقدر أدعي مو قادرة أركز ولا أندمج بالدعاء

ضايق خلقي إن الوقت قاعد يمشي

ضحك علي طبعا

قالي تبين أكلمهم أقولهم ما يسولفون؟

مو عن يسولفون حتى الي ساكتين ماعرفت أدعي يمهم

انتي دلوعة شنو ما تقدرين

محد فاهمني خلاص مابي شي
قعدت أمشي لقيت ممر ضعيف ورا الخيمة

مشيت فيه ورحت ورا خيمة الرياييل وآخر شي طريج مسدوديعني محد يدش ولا أحد يشوفني

قعدت بالزاوية على الأرض

أحلى مكان وأحلى شعور

دعيت بكل إلي بخاطري

توقعت أدعيتي اتخلص لأن الوقت طويل

بس سبحان الله ما حسيت بالوقت وأدعيتي ما اتخلص

راحة نفسية عجيبة

أحب الله سبحانه وتعالى أحبه وايد :]
بعد المغرب طلعنا حق مزدلفة
عندي مقاطع فيديو بس ماعرف أحطهم!





في مزدلفة ماكو خيمة بس زولية آنا قعدت أكتب مذكراتي
ناس اتخز وناس تقولي شتسوين؟
:]
يتبع ... إذا لي خلق
:p

10 comments:

LiTTLE BiG said...

aham shay Mike & ike ;p
3aneda nafs 7alty ;pP~
7asit eb sho3or '3areeb wa ana agraaa ur post =')

Ta8aBL alla 6a3tch :D

Rain Drop said...

ماشاءالله عليج
والله يتقبل منج
وايد اندمجت وانا اقرا الاحداث
ابي اكون بنفس المكان
احس شعور غريب وحلو

Can't wait to read the other parts
:)

LiTTLE BiG said...

you only have one first impression, so u better make it a good one ;p

u tell me about first impression ;)

bojsoom said...

الله يتقبل منكم محج مبرور وذنب مغفور إن شاء الله ..

شعور جميل حسيت فيه لمه قاعد أقرا الموضوع طبعاً أنا لي الحين ما حجيت ولمه عزمت هالسنة الوالد واخواني كلهم عزموا يروحون وبما إنهم أكبر مني فانا ألحين ريال البيت منو يعقد عند الأهل ويوديهم بالعيد ويطلعم ماكو إلا انا فتوهقت وقعدت هالسنة ..

لكن بإذن الله السنة الياية راح أحج ..

خوش موضوع استمتعنا بقراءته ..

نترقب الجزأ الثاني :) ..

وبالتوفيج ان شاء الله ..

::heba:: said...

موضوع حلو مشالله واكثر ماعجبني العصبيه;p
عسى الله يتقبل منج صالح الاعمال
وانشالله يبلغنا بيته :")

Kuw_Son said...

تقبل الله طاعتج و الحمدلله على السلامة و حج مبرور و ذنب مغفور و سعي مشكور .. و أهم شي العدة اللي رتبتيها أول ما وصلتي الشقة !! ككااااو و برنجلز ليش !!؟؟ لووووووووووول

لا و اللي في بالكم بتسوونه !! باس قوي !! لو شنو ما فكرت أروح الجبل .. لأنه صج ضياعة !! و زحمة !!
بس ما شاء الله عليكم سويتوها .. و جان زين صورتي الجبل :(

و سالفة الدعاء هذي !! اخوج معاه حق .. يبة ادعي في أي مكان و و هذا حج و ماكو مكان تتشرطين فيه بعد !

و كملي الموضوع .. تراه شيق .. و أهم شي الحوارات اللطيفة الظريفة لووووووول :)

True Faith said...

عصبيه شنو؟

ما يقولون عصبية

يقولون هاذي شفيها مكشره أو شفيها ما تبتسم

العصبيه اللي تحمق مو اللي ما تبتسم

لا تسمعج أمج بس تقعد تشرح لج قواعد اللغة العربية
:P

True Faith said...

BTW; Do you hate me?

Nescafé said...

استمتعتا معاج بالاحداث حجيه
احس هالمواقف الحلوه راح تظل في بالج ماتنسينها
شوقتينا للقادم
:)

Ra-1 said...

LiTTLE BiG ...
:)

قطرة مطر ...
glad u liked it :)

LiTTLE BiG ...
3alamtech wayed ashya'a ;)

bojsoom ...
إن شالله اتحج المرة الياية :)

::heba:: ...
hahha walla I liked her :p

Kuw_Son ...
لازم العدة
إذا ماكو حلاو وبطاط ما أصير
Ra-1
:p

True Faith ...
LOL my mom et3ebat m3ay :p
بعد شسوي آنا كله أستخدم هالكلمة
عصبية !
:)

True Faith ...
Do I hate u?
Hmmm let me think!
I dont hate youandI dont like you!
because ...
I love you :p

Nescafé ...
حياج الله :)