Monday, April 16, 2007

ماحب شي إسمه ... ملقوفييين

كان شعور غريب وموقف غير متوقع لما موظف معاي بالدوام عرف إني بلوقر واكتشف بلوقي !!!
أهو كان يشتغل بمكان ثاني وقبل جم شهر توظف عندنا وياني إحساس جم مرة إن اهو بلوقر مادري ليش
المهم سالفة شلون فتح الموضوع وشنو قالي واشصار هذي مو السالفة إلي بقولها الحين
السالفة إن صارلنا موقف أمس بالدوام
وقلت أكتب عنه لأن حده منبطة جبدنا من السالفة
وحدنا معصبين :p
إي نسيت أقول لكم منو أهوه !
he is Financy ...
أمس سوا عزيمة بالدوام
مو حق الكل بس مجموعة صغيرة تقريبا 5 أشخاص
-----
حطينا الأكل بمكتب وحدة من البنات وبما إن مكاتبنا مفتوحة من جهة وحدة يعني ماكو باب
يبنا بارتيشين نستخدمه وقت الصلاة وحطينا كأنه باب
يعني إلي يمر ما يدري في أكل داخل وعفسة
lol
وبما إن شركتنا فيها وايد ملقوفين ! ومن النوع إلي ما ينحرج ولا يتفشل لما أحد يدقرهم أو يزفهم
يعني ماكو فايدة !
فما حب
Financy
إن يكون معانا أحد من هالمجموعة
عزيمته وكيفه ! صح؟
المهم آنا كنت ماكلة قبل لا أدري عن العزيمة
والصراحة حتى لو ما كنت ماكلة أستحي آكل جدامهم
بس أصروا إني أكون موجودة فقعدت معاهم أشرب بيبسي :)
-----
بعد 10 دقايق أو أقل
سمعنا أكثر واحد ملقوف بالدوام
أهو مع
Financy
بقسمه
وكتب عنه جم مرة! من كثر ما متأذي من لقافته إلي مو طبيعية من غير مبالغة
أهو يا عند البارتيشين يسأل وحدة معانا عن شغله
إهي قالت له آنا الحين قاعدة آكل
جان يفتح البارتيشين
ويدخل !!!
إحنا بققنا عيونا
شلون يفتح بدون لا يستأذن
لا ويدش بعد يعني مو بس يطل
شاف الأكل جان يقول
واو منو شاري هالأكل؟
إحنا ساكتين وكل واحد يطالع الثاني
آنا كالعادة فيني ضحكة ! ماعرف أمثل نفسهم ولا أخش ضحكتي
Financy
توهق ما يبي يقول إن عزيمته خصوصا إن هذا معاه بالقسم وكل شغله معاه وما اعزمه ويانا !
جان يقوله
Ra-1 !
Ra-1 شرت الأكل
(مادري اشمعنه وهقني آنا!)
آنا ابتسمت ومشيت الفلم
جان يطالعني
انتي شارية الأكل شنو المناسبة ؟؟؟
اهني توهقت جان أقول له
ماكو مناسبة بس جذي
جان يقول أها يعني حفلة صغيرة بس
آنا ضحكت وأطالع إلي معاي كلهم معصبين وويوهم معبرة حده حاقدين عليه يبونه يطلع
فجأة وبدون مقدمات
خذا الصحن إلي جدامي
@@
جان يحط له أكل
إحنا أهني لا تعليق
ترس الصحن ماشالله ! وللأسف كان في كرسي فاضي
جان يقعد
آنا اهني ما قدرت
طلعت رحت مكتبي أضحك بغيت أبجي من الضحك !
خلصت جان أرجع عندهم
:)
ولا كلهم ساكتين
محد يسولف ومحد يتكلم وحدهم معصبين
والأخ مو حاس وقاعد ياكل ويحط له مرة ثانية !!!
-----
جان يقول لي
هذا الأكل من أي مطعم؟
آنا أشكره سألتهم شسم المطعم؟
LoL
جان يقولون لي الاسم
جان أقوله
واهو ما استوعب
يمكن لأن المطعم صيني فصدق إن آنا
كلهم يدرون شلون أموت على الصين وأحب أي شي صيني :)
جان يقول والله حلو أكلهم
ويقعد يسأل أسإله
مو اهوه لازم يسوي تحقيق
بس هالمرة نسى يسأل جم دفعتي !
جان
Financy
يقول له
مدام عاجبك المطعم ودي مرتك
ليش ما توديها مسكينة كله قاعدة بالبيت
@@
جان يقول له
آنا أطلعها مرات
جان يرد عليه : وين توديها تشتري لها فلافل؟
(حده بايعها آنا خفت تصير هوشة) :p
الملقوف ما رد بس ضحك وغير السالفة
المهم أخيرا خلص أكل وفكر يقوم! جان يشكرني
أهم شي :p
وطلع
وكلنا ساكتين
-----
إحنا صكينا البارتيشين
جان كلنا نتكلم بنفس الوقت
كل واحد معصب ومتنرفز ويتحطلم
شلون يدش بدون عزيمة وياكل ويشوف الكل يخزه ومستغرب من تصرفه ولا يستحي
آنا الصراحة من الصدمة ما استوعبت إلي صار
لأن أول مرة أشوف أحد جذيه !!!
والله الموقف ما ينوصف بس لو كنتوا موجودين جان فهمتوا شنو أقصد
ترا لقافته قوية !
حتى الملقوفين ما يسوون إلي سواه
@@
ما كسر خاطرنا إلا
Financy
اختربت عزيمته وما استانس فيها
:/
يالله إن شالله عزيمة ثانية
:p
-----

7 comments:

Purgatory said...

OK five girls and him? explain.

Ra-1 said...

Purg ...
men gaaal! LOL
we were just 3 girls :p

Murqab said...

it all happened in Slow Motion , I couldn't believe that someone could be This Nosy and Malgoof ..

I didn't continue eating after he showed up , i got too angry to eat. he ruined every one's mood !

some people have ZERO social skills

q8_shabab said...

تدرين عاد اختي ،،، في ناس ماسنفع فيهم غير الضرب بالويه،،، مثل ماسوييتي اب هل بوست

God Luck next time

Ra-1 said...

Financy ...
we need a plan!
:)

q8_shabab ...
long time no see :)

Catism القطويّة said...

شخصية غريبة. أعانكم الله عليه :)

Ra-1 said...

:)