Thursday, July 03, 2008

I was lost but they found me :p

-----
أمس بالدوام يا موظف من شركة أبوي
كلهم يدلون دوامي ووايد يمرون
يا إييبون لي شغلة أو فلوس
أو جيسة فيها خردة حق المواقف
أو شي واصلني من بره
هذا يا مو ماسك شي
عبالي يبي ياخذ أوراق الفيز لأن يابلي إياهم قبل أمس
جان يقولي
Call your brother ...
آنا استغربت قلت أكيد صاير شي
Why?
قال مادري أهو اتصل بالشركة وقالي أيي أقولج تتصلين فيه !!!
آنا طالعت تلفوني ولا مغلق
نسيت إني صاكته من ثلاث ساعات تقريبا
Ops!
فتحت تلفوني ولا توصلني مسج بالمكالمات
أخوي متصل مرة وحدة
بيتنا 8 مرات
بيتنا الخط الثاني 15 مرة !
أخوي الثاني مرتين
شسالفة !!!
---
اتصلت على أخوي
انتي وينج ماما اتصلت علينا كلنا
ليش؟
تدورج تقول صاكة تلفونج يمكن صار فيج شي
انزين اشدعوه قايلين حق الشركة يدوروني بعد؟
عاد دزيت لج أوسم موظف بالشركة :p
هاهها
---
وتدق أمي
خرعتينا آنا اشدراني إذا صاير لج شي
شنو بيصير فيني بالدوام !!؟
يمكن حادث الصبح أو يمكن أحد طلعلج بالمواقف أو أو أو
أمي عطتني محاضرة مسكينة تحاتي وايد
---
جان يتصل أخوي الثاني
إي اشعليج كشختي بالسيارة الييديدة وقمتي تصكين التلفون
LOOOL
كلوني ما سوت علي صكيته !
انزفيت من كل صوب :p
---
جان يتصل أخوي الثالث
انتي ضايعة؟
هاهها إي يقولون ضايعة بالدوام
لقوج؟
إي لقوني hehhe
---
تتصل إختي
اشفيج؟
مافيني شي
مادري يدورونج عبالي صج صارلج شي
أبيه من صجكم اشدعوه !
---
زين ما كلموا أبوي بأمريكا بعد
LOL
بس اكسرت خاطري أمي إهي تحاتي وايد بشكل مو طبيعي
:/
مرة ثانية بدال ما أصكه راح أحوله
voice message
:)
-----

21 comments:

Anonymous said...

محاتاتهم شي طبيعي ثلاث ساعات مو شوية التلفون مسكر :)

الي مو طبيعي انج ما فقدتي التلفون ثلاث ساعات متواصلة :)

:: ENG DaLooLa :: said...

Ya7lelich :P

Big Pearls said...

omg it seems like u never have ur phone off:P

Anonymous said...

ee shi3aleeh dazlich a7la wa7ed, maybe 3alashan la t5tar3een :P

Ra-1 said...

الطارق ...
هاها إي صح :)

:: ENG DaLooLa :: ...
:p

Ra-1 said...

Big Pearls ...
Yes never :)

QC ...
Hehhe :p

mantovani said...

روان تحية طيبة و بعد

اكره اني اتصل على شخص و يكون تليفونه مسكر

و ما الوم الاهل على خوفهم عليج

طيب ممكن سؤال ؟؟؟

الاهل ما يعرفون تليفون دوامج ؟؟؟


===

سؤال عرضي :

ليش تصكين تليفونج بالدوام

===

من خلال الاحداث و السياق السابق
استخلصت شي

ان عندج سيارة يديدة

و الحين من الواجب اني اقولج

الف مبروك و يعطيج خيرها و يكافيج شرها


مانتوفاني

Ra-1 said...

mantovani ...
تصدق ما يعرفون رقم دوامي !
ولا مرة أحد اطلبه مني :p
---
آن ما أصك تلفوني لا بالدوام ولا بأي وقت ثاني
بس ذاك اليوم صكيته :/
---
الله يبارك في حياتك
مشكور :)

The20 said...

sob7an allah-shloon 9ar ilmobile shay manista'3ny 3nna
yalla 5a6ach ilsoo :P

The20 said...
This comment has been removed by the author.
Anonymous said...

لوووووووول

لو رايحين جريدة الراي جان سووا لج هوليله عدل !!!!(:


الحمد لله على سلامتج
والاحلى الحمد لله على نعمة الاحباب ولو تمصخروا وتطنزوا


لا تلومينهم كويتين حبهم ما يطلع الا بالطنازة

Bee-A said...

weeeeeeeeeeee 7ram 3lech

5latehom y7atonich

alla y5lech lhom oO y5lehom lich

=D

mantovani said...

و سبحان الله
ما يتصلون الا لما يكون التليفون
مسكر او مافي بطارية

ساعات يمر الدوام بدون لا احد يتصل

شي غريب


مانتوفاني

NewQ8 Bride said...

لوووول الله يخليج لهم و يخليهم لج انشالله و يخليكم حق بعض

بس قولي الصج ما استانستي ؟؟؟؟؟؟ الكل يحاتيج و خايفين عليج
بس يحليله اخوج اهم شي داز لج الموظف لوووول

و توني ادري على السياره اليديده

بالبركه حبيبتي يعطيج خيرها و يكافيج شرها

Manal said...

الله يحفظج

والله مهمة

انا رادة الديرة مو تسكرين الموبايل واظل ادورج واحاتيج
هههههه

:)

Delicately Realistic said...

Well, it means they care enough to notice ;)

صقر قريش said...

آنا صار لي تقريبا نفس الموقف بس مو بالشغل بالبيت!!أهلي راحوا الشاليه كلهم وآنا كنت سهران مانمت إلا الساعه 7قمت حق صلاة اليمعه وكلهم راحوا الشاليه رديت نمت قمت حق صلاة العصر ورديت البيت قلت أبي أطلع اشوف أي واحد من الربع بس فضلت النوم!!(كسل بعد شنسوي)المهم قمت من نومتي الساعه 5وبقومتي مادري ليش رحت جيكت تلفوني وإلا الأهل داقين علي عشر مرات بالظبط طبعا غير تلفون البيت بس ياخوج آنا إذا دخت حتى لوفجرتي يمي قنبلة ماقوم آنا ماخذها نوم ياني إتصال أخير جان أرد على الوالد واسمع صوت أمي الحمدلله :) خذيتلي زفة من الوالدة واختي الكبيرة وآنا قاعد ارقع لهم.

خوف الأهل شيء طبيعي وخصوصا على البنت الله يخليلج اهلج ويخليج لأهلج .

لكن مثل ماقال اخونا الطارق طبيعي خوف الأهل لكن بنت ماتدري عن التلفون ثلاث ساعات وكويتية هذي حالة نادرة:) ياليت كل البنات نفسج:).

AAajed said...

الحمد لله على السلامة ...ماشاء الله كل هذولاء يدورونك .. باقي قناة الجزيرة عساهم مادروا عن الموضوع

بس حلوة ضايعة بالدوام

Ra-1 said...

The20 ...
Welcome to my blog :)

Anonymous ...
LOL :p

Mala.Da3e ...
Allah ysalmech :)

Ra-1 said...

mantovani ...
Hehhe :)

New Bride ...
إي زين اطلعوا يحبوني :p
الله يبارك في حياتج
you have to see it ;)

ManalQ8 ...
LOL
عادي تحصليني بالبلوق :p

Ra-1 said...

Delicately Realistic ...
Yeah :)

صقر قريش ...
مساكين خرعتهم :p

جنسيتي كويتية بس أطباعي صينية
LOL :)

Majed ...
Hehe :)