Sunday, September 14, 2008

انتوا اشرايكم؟

-----
كنت بالبحرين للدراسة وطافني القرقيعان في بيت يدي
كل سنة أنطر هاليوم عشان أصور اليهال بلبس القرقيعان
هالمرة ما في صور :(
-----
يوم سفرتي وانا قاعدة في مطار الكويت عند بوابات المغادرة
شفت موقف شد انتباهي
طبعا تدرون إن المطاعم في هالمكان بس تكون فاتحة
شفت مجموعة من الشباب الكويتيين قاعدين في ماكدونالدز ياكلون
آنا عارفة إن المسافر يجوز إن يفطر وفي من يقول إن مستحب
ولكن أحس ذوقيا مو حلوة
يعني نطروا لما تركبون الطيارة واكلوا
انتوا لي الحين في ديرتكم والناس كلهم صايمين
أشوف إن عيب ما احترموا الموجودين
والغريب إن الساعة كانت 7 الصبح
واهمه ياكلون ساندويتشات
Hamburger sandwiches
big ones!
أحد يتريق همبرجر؟؟؟
والله يضحكون جنه مو مصدقين إنهم لقوا مكان مسموح ياكلون فيه :)
آنا ما أفتي بس مو جنه الواحد يقدر يفطر بالسفر ولكن مو قبل ما يسافر؟
أهمه لي الحين ما سافروا !!!
عموما إفطار المسافر جائز حتى لو ما كان السفر فيه تعب ومشقة
بس مادري ليش حسيت تصرفهم مو سليم أكلهم بهالطريقة وبهالمكان وبين هالناس
إلي كلهم صايمين والكل يخزهم واهمه عادي مو مستحين
شكلهم ما كان حلو
:/
-----

28 comments:

Anonymous said...

علا حد علمي انا المسافر لازم يفطر بس مو قبل لا يسافر :S

لازم يكون اول شيء يكون قطع المسافة الشرعيه

اللي اهيا 22 كيلومتر من حدود المدينه !

على قولت المثل

ديرة بطيخ مايطلع فيها رقي

Aurous said...

هذول دام يتريقون برجر عيل اكيد ميتين من اليوع :p
يمكن ما كانو يدرون او توهم رادين من السفر (مع ان ما اتوقع :p)

Inssan said...
This comment has been removed by the author.
Inssan said...

مايستحون الواحد شيقول
غير تيمع البرغوث وحمار فوزان ولكل منهم علةٍ باطنيه

Blogger said...

hehehee
ذكرتيني في موقف شفته السبوع اللي طاف وانا راده من العمر
كنا في مطار جده الحلو
والقاعه كان أغلبها كويتيين
وفجأه دخلت مجموعه كبيره من العراقيين
كانوا بروحون ايران وقعدوا في القاعه
ما وعينا الا كل واحد فتح كيسته وطلع منها صمون وفواكه وقاموا يوزعون على بعض شاي
واللي ما شبع راح المطعم وطلب!
والناس طايره بوهتها


ما قلنا شي ... انتو مسافرين بس احترمو شعور الصايمين
تنعزوا واكلوا على كيفكم


الله يهدا الجميع

Hasan.B said...

They are not allowed to break their fast until cutting the required distance. Y3ni aana basafer ilyoum, mayser af6er ela b3d ma asafer! Mo gabel la asafer! Hatha ef6ar 3amd!

eshda3wa said...

wana kint rada eldeera kint fa6ra ..
bs 7atan wana bel6ayarah esta7ait akel jedam elnass!
madre a7es ermthan may9eer
e7teraman to the atmosphere
ma3ana fee wa7da yami ga3da takel 3ade
bs ana ma gedart

Anwar Al-Ballam said...

اسمحيلي بس سالفة ان المسافر يفطر ماتدش عقلي بهل زمن
يمكن اول كان السفر مشقه وتعب
الحين يروح المطار تكيف براد
يقعد يركب الطياره
هم يقعد
واذا كان على الفيرست بس يرتاح اكثر
يوصل هناك
يخلص اوراقه
يروح الفندق وهم يرتاح
":\

---

بس حركتهم بايخه يعني اوكي انت مسافر ومحللك انك تفطر بس عاد مو جدام الناس جذي :\
هذا اذا كانو مسافرين بعد

Unknown said...

:/

حياتي هدف مو عبث said...

ان لم تستح فافعل ما شئت

:)

Unknown said...

اللي سهران يتريق هامبورجر

بس قاعدين بالمطار ويتريقون يعني ما يقدرون يصبرون شدعوة قالوا رخصة بس ما كو صير؟

Shopa said...

Again I think this is a personal thing. Even if their reasons was not travelling it's a personal choice if they want to fast or not. I did 6 years of fasting abroad when everyone around me was eating/drinking this never bothered me..I don't understand why someone would be bothered from people eating around them when fasting?

3bady said...

صج انه اليوع كافر بس ولو لهدرجة مافيهم صبر ؟ :))

Eb9ara7a and his Wife said...

السلام عليكم

شرعاً مافيها شي لقول الرسول صلى الله عليه و سلم
ليس من البِر الصومُ في السفر

لكن الحياء هو ما لابد أن يمنعهم من المجاهرة بالأكل
و كذلك إحترام الصائمين الذين حولهم
ما تسوى عليهم لما يصكهم واحد من اليواعة عين
:)

***

سؤال غير بريء
الشباب اللي كانوا ياكلون و الحريصين على سنة الرسول صلى الله عليه و سلم في مسألة عدم صيام المسافر
مطبقين الواجبات و السنن الأخرى ؟ مثل تقصير الثوب و إطلاق اللحية و غيرها

Ra-1 said...

KarKoor ...
إي هذا إلي آنا استغربت منه إنهم لي الحين ما سافروا!

Aurous ...
كانوا عند بوابات المغادرة يعني بيسافرون :p

Inssan basee6 ...
LOL ما فهمت :)

Ra-1 said...

weeknds ...
هاهها فشلة :)

Hasan.B ...
Exactly!

eshda3wa ...
إنتي تهبلين :)

Ra-1 said...

Anwar Al-Ballam ...
تتوقع موظفين بالمطار؟
والله يمكن :p

Zabo0o6a ...
:)

حياتي هدف مو عبث ...
بالضبط :)

Ra-1 said...

Mishari ...
:)

Shopa ...
أكيد كل واحد حر بس الحرية لها حدود
أهمه في بلد إسلامي والناس كلها صايمة
btw my non Muslim friends fast when I am around and when they are in Muslim countries, it shows how respectful they are :)

Ra-1 said...

3bady ...
الصبر له حدود :p

Eb9ara7a and His Wife ...
نور المكان :D

LOL
صج ماخافوا يصكونهم عين

وعجبني السؤال غير البريء :)

NewQ8 Bride said...

الصراحة كلش ماله داعي شدعوه ما يقدرون يتحملون ؟؟

ناصر الكويت said...

كيفهم

Anonymous said...

a9lan sorry hathy jeelat 7ayah!

ma yestee7oon enta lema el7een ma 6ert eb takeel !!!!

madry eb9ara7a 3eeeb!


bas 7eemdeellla 3ala salamah :) welcome home

Ra-1 said...

New Bride ...
اشدراني :/

ناصر الكويت ...
بعد نسيت تقول>>> مالج شغل بالناس
:)

q8loco ...
إي والله عيب

الله يسلمك :)

Big Pearls said...

ma ashooof lah da3i..it can wait!

:: ENG DaLooLa :: said...

قلة أدب ..خل يركبون الطيارة و يفطرون ..

و ترى عادي في ناس بالكويت ما تصوم أصلا !

Ra-1 said...

Big Pearls ...
Exactly :)

:: ENG DaLooLa :: ...
الله يهديهم !

3ashga::O::Mfalsa said...

اهي الفكرة انه الواحد يفطر لمه يكون على سفر يعني بالطيارة وبالرحلات الطويله!! بس ما يجوز انهم ياكلون بالمطار!! جدام الصايمين!
وهما ليمة الحين ما سافروا
شنو ماكو صبر؟

Ra-1 said...

3ashga::O::Mfalsa ...
Agolech :/