Sunday, January 11, 2009

israel is the terrorist

رجعت من البحرين بعد أن قضيت فيها 3 أيام

اشتقت لها فلم أزرها لمدة 3 أسابيع

كانت كالوقت الطويل جدا !
لم أتوقع أن أحبها وأتعود عليها وتكون بلدي الثاني
بالأمس تأكدت أني حفظت طرقها فلأول مرة لم أضيع
ولأول مرة لم أطوف اللفة أو الجسر الذي يوصلني لطريقي
في كل زيارة أكتشف أماكن جديدة
أحب جامعتي والدكاترة العصبيين
:)
أحب البحرين ولهجة أهل البحرين
-----
اليوم صباحا في طريقي للعمل
فتحت الراديو أسمع آخر الأخبار
وإذا بكونداليزا رايس
إلي من زمان ما زارت مدونتي :)
تصرخ وتقول
هناك منظمات إرهابية
وبالمقابل هناك دولة مسكينة هي إسرائيل
إسرائيل تدافع عن نفسها وهذا وضع طبيعي

الواحد ماله خلق يضحك من الصبح بس كانت أحلى نكتة
إلى متى استغفال الناس؟
إلى متى الاستخفاف بعقولهم؟

!!!
-----
بالرغم من الألم
بالرغم من الأسى
بالرغم من الحزن
لا بد من التفاؤل
أهديكم صورة
تجبرني على الابتسامة التي أستحي أن أرسمها على وجهي

Tired of being a pretty girl :)

13 comments:

Manal said...

بس ضحكتيني
:)

تعرفين الضحكة الي تبن على الوجه
والقلب يبكي
هذي الشحكة

هالساحرة هذي الامريكية اتشائم لما اشوفها بالتلفزيون
:(

والحين قايلة الي قايلتة

بعد لازم
يبخونها بكم فلس
هالصهاينة
علشان تتكلم وتصرح تصريحات لهم

امريكا خير معين للصهاينة
ويخافون من الاصهاينة



الله يفرجها
ويرحمنا برحمتة
وينصرنا على العدو الازلي للمسلمين وهم الصهاينة


على فكرة
دام هالمرة ما نسيتي اللفة ودليتي الطريق عدل
يعني صرتي بحرينية
:)

Razz said...

3ajeeba i9oora, feeha katheer min il ma3ani :0)

condalisa rice should go and die, ya3ny itgi9 3alaina willa 3ala nafs-ha.. bas ihya lazim tigool hal kalam 3asham israel hiya their allies in the middle east

Anonymous said...

ضحكي ترى الضحك رخيص
قبل لا ينباع في القراطيس

يقولون في البحرين كل شيء وايد وايد زين بس ليما الحين مارحت هناك

انشالله السنة اليايه :)

@alhaidar said...

أول شي حمد لله على السلامة أخيتي ..

وثاني شي للأسف النكتة الساذجة هذي اهي الحقيقة المسلمة لدى الشعب الأمريكي ..

لا تقولون العيب فيهم .. بل فينا بكل أسف ..

والله يعين كل المسلمين خاصة أهل غزة ..

مدونة جميلة ..

إلى الأمام دائما ..

joe said...

حمدالله على السلامه
وين المتاي و الحلوه
عاد صج حدي مشتهيهم
مره ثانيه اذا رحتي البحرين شتري الحلوه و المتاي وقطيهم بسوق الامباركيه وانا ايي اخذهم لوول

Anonymous said...

هههههههههههههههه كله ولا المشط المعلق بالكشة

كونداليزا وربعها الكذب عندهم ابـ بلاش
مادري نسبهم والا نتحسر على روحنا احنا المسلمين والعرب اللي مالنا صوت بهالدنيا

مئات من القتلى .. ٣٠٠٠ جريح الى الان
اطفال ونساء
يقصفون مدارس.. سيارات الاسعاف... و و و غيرها من الجرايم اللي تسود وجوههم

والعالمم مايدري
وكانه الحدث غير حاصل
كل هذا لان احنا مالنا صوت
مالنا اعلام عالمي
مالنا كتاب عالميين
مالنا صووووت

مصعب said...

هههه
لو الله يفكنا من عيوز النار كونداليزا جان نقدر نضحك على راحتنا
بس الحلو ما يكمل

ترى البحرين فيها بيوت ارخص من الكويت روحي سكني هناك:)

eshda3wa said...

glad ur liking ur jam3a.. thats a very positive thing!

love the pic !

Ra-1 said...

Manal ...

كلنا نتشاءم لما نشوفها
غير مريحة أبدا
---
أكيد فإسرائيل إهيه إلي متحكمة وتمشي أمريكا على كيفها
---
صج صرت بحرينينة؟
هاهها وناسة :)


Think-Become ...

Hehhe :)
---
الله يفكنا من شرها
وينصرنا عليهم قريبا بإذن الله

Ra-1 said...

KarKoor ...

LOL هذا مثل ولا شنو
---
إن شاءالله :)


أحمد الحيدر ...

الله يسلمك
---
بكل تأكيد العيب فينا وتخاذلنا وضعفنا أكبر سبب
---
حياك الله :)

Ra-1 said...

{~المباركية~} ...

الله يسلمك
---
هاهها خوش فكرة عاد صج أربح جذي :)


انونيمس بالعربي ...

LOL
إي المشط عجيب وايد صغير ما لقيت أكبر منه :)
---
صوتنا بيعلى بإذن الله وراح يسمعنا الكل
آنا وايد متفائلة

Ra-1 said...

صالح..للشعر والمبطط الكبدي ...

جان زين بس ماكو دورت
كنت أبي شاليه كلهم أغلى من أهني بوايد!
أبوي من صجه بياخذ لي البيت إلي لازق بالجامعة :)


eshda3wa ...

Hehhe :)

Mr-Mohd said...

البحرين حلوه في بساطتها
وعلى فكره النسيج الاجتماعي في البحرين
جدا قوي والناس على قلب واحد
وللحين بينهم تواصل خصوصا الجيران
احنا يمكن في ديرتنا فقدنا هالشيء


..
بالنسبة لامريكا وسياساتها في المنطقة
يعني هالموضوع اتوقع خالصين منه
" القطار الامريكي دائما ماشي في سكته


فلا تتوقعين منهم شي يديد



في الختام
خوش بوست .. حلو الواحد يتطرق
لحياته الخاصه ونظرته لها


تحياتي