Tuesday, January 20, 2009

Ra-1 and the handsome guy :)

"Update تحديث"
22/1/09
تذكرت إن في بداية الحوار جزء نسيت أكتبه
LOL :)
تمت إضافته وحطيته بين قوسين لونهم أحمر
-----

اليوم الأول
-----
"يرن تلفوني"

ألو

هلا بالزين

هلا فهد

قبل شوي اتصلت عندج خط ثاني )
( تخونيني ها؟

( اشدراك؟ :) )

هاهها
شلونج شخبارج؟

تمام الحمدلله انت شلونك؟

زين

داق بالغلط؟
:)


أفا ليش لا والله مو بالغلط

من زمان عنك! ناسيني

لا ما نسيتج
شخبارج؟

تمام الحمدلله

عندي موضوع بس بيني وبينج

خير؟

أبي تسإلين لي عن جم وحدة لأن قاعد أدور بتزوج

أخيرا :)

تعرفين فلانة؟
واشرايج بفلانة؟

.

.

.

"ويستمر الحوار لمنتصف الليل"

يالله تصبحين على خير

وانت من أهل الخير
-----

اليوم الثاني
-----

ترا ماعرفتهم
:/

ما منج فايدة شلون ما تعرفينهم

سألت رفيجاتي بعد ما يعرفونهم
إنت حتى اسمهم الأول ما تعرفه يعني شلون بنعرف

انزين انتي عندج أحد؟

شنو مواصفاتك؟

متحجبة وبنت عايلة وكيوت ورشيقة وإذا قصيرة أحسن

قصيرة؟ !

إي

أول مرة أحد يطلب قصيرة هاهها
عاد إنت طويل

إي أبي قصيرة

إن شالله وأهم شي
cute :p

هاهها إي
-----

اليوم الثالث
-----

"يتصل ويحن ويتحلطم"

إنت ليش ما حبيت وريحتنا؟

لا نبي شي سنع ما عندنا هالسوالف

هاهها

وبعدين كافي حبي لج

إي بس حسافة ما أقدر أتزوجك

هاهها أشكرج :) وصج حده حسافة
-----

اليوم الرابع
-----

"أدز مسج"

فهد اشرايك نطلع؟

"ويرد بمسج"

أخاف دازة المسج بالغلط؟ هاهها شطاري؟

لا مو بالغلط بس ليش ما نطلع كله تلفونات وبعدين من بعد سفرتنا ما طلعنا
متى سافرت معاك ؟ قبل سنتين؟

والله أحلى سفرة
حده وناسة خصوصا إن أهلنا مو معانا


انزين خلاص بدور واحد ثاني يطلع معاي

ما تحصلين نفسي :)

مشكلة إن اثنينا مغرورين :p
-----

"يتصل"

نعم؟

هلا بالزين

هلا فيك


يبيله ماكي ;)

اللله إي إي

باجر؟

إن شالله :)
-----


اليوم الرابع
صباحا
-----

"أدز مسج"

Maki avenues at 8:00 ?

-----
"توصلني مسج"

ما يبيله ;)
-----


اليوم الرابع ليلا
-----

"يتصل"

متى بتيين؟ باجر؟؟؟

كاني وصلت بس قاعدة أمشي
تأخرت لأن مريت معرض التصوير

بنطرج داخل

أوكي حبيبي

-----
"وصلت المطعم ولقيته"


شهالكشخة

كاشختلك :)

هاهها
ترا مواعيدج كلش مو مضبوطة !!!

اشدعوه ما تأخرت وايد

آنا ماحب أقعد بروحي
يالله خل نطلب حدي يوعان

على ذوقي؟

نجرب ذوقج بالأكل شلون صاير :)
-----

"طلبنا وكلينا وسولفنا
وسولفنا
وضحكنا
وسولفنا
وسولفنا
مواضيع وايد وما حسينا بالوقت"
-----

"اقعدوا بنات بالطاولة إلي يمنا"

ليش يخزونه؟

مادري
يمكن لأن حلوين

الحين الناس عبالهم انخطبت
إنت خربت علي
:p

وانا بعد الحين عبالهم تزوجت
عاد شفت واحد من ربعي قاعد بره

هاهها
:)
-----
شخبار الصين؟ واشسالفتج على الصينيين؟

أموت عليهم

شنو فيها الصين عشان تنحب !!!
-----

"وانتقلنا من سالفة لي سالفة
إلى أن تعبنا من الأكل ومن الكلام"
LOL
-----
"وبعد لحظات صمت"

حيا الله
Ra-1


حياالله فهد :)

تصدقين مادري ليش ولا مرة طلعنا
كله أشوفج ببيتنا بس

شفت شلون لازم نسوي لنا طلعة كل شهر
عاد كنت وايد أطلع مع أخوك قبل ما يتزوج

صج؟

إي وايد

توني أدري!
بعد الحادث صح؟

لا قبل

يعني من زمان

إي من قبل الحادث وبعده بعد بس قلت طلعاتنا
وأسراره كلها عندي

هاهها

يحليله :)
-----

"وبعد الوقت الممتع الذي قضيناه معا
أتى وقت دفع الفاتورة"

! آنا عازمتك
-----
"ويا ليتني ما تكلمت وصلني كلام شديد اللهجة !!!"
:p

-----

مدام آنا معاج آنا إلي أدفع
سامعة؟

انزين لا تزفني :(

إذا جذي عيل كل يوم بعزمك

هاهها

زين ضحكت
شرير
:)
-----

"طلعنا من المطعم"
-----
وين سيارتج؟

بعيدة

ركبي معاي أوصلج
-----

"وصلنا سيارتي
ويطالع لوحة السيارة"

ضبطينا بالأرقام


إي اشعبالك :)

hehhe

إنت متأخر الحين؟ عندك شي؟

لا ليش؟

تماشيني لي البيت؟ لأن الوقت متأخر

أوكي أمشي وراج
-----

"وصلنا البيت"

ليش ما تدخل؟

لا بروح الدوانية بنطالع مباراة

أوكي
-----
فهد

نعم

مشكور على الطلعة الحلوة

anytime ;)

-------------------

P.S.
لا يروح مخكم بعيد

Fahad is my step uncle :)
وبما إن أكبر مني بسنة وحدة فما أناديه خالي
-----
اسمه مو فهد بس استخدمت اسم فهد بما أنه اسمي المفضل
وعندي أكثر من خال مو متزوج فإذا أحد يعرفه وقرا الموضوع ماراح يكتشف منو

أتمنى :p

37 comments:

مصعب said...

ههههه
حركاااا ااا ااااا ااااا اات
انا كنت بماكي الافنيوز ذاك اليوم
اووووو طلعتي هذه انتي؟؟؟
ما توقعت شكلج جذي :)

Purgatory said...

ما تيوزين

:p

Catism القطويّة said...

LOL! 3alaich 7arakat :)
Ana gilt abaih shfeeha ra1 ikhtarbat :p

This is the first time I hear that a tall guy is looking for a short bride.
والناس فيما يعقون مذاهب.

Someday said...

I was very happy for you!!!
7a66amty ma3nawyaty!
yeah my mind drifted away, and what is wrong with that?
it's something san3 ow ra8y
human interaction
3ad 9ij handsome or you say that cause he is your uncle?:PP

TruTh said...

لووول وناسة والله و انتي طاقّة صحبة مع خالج

يحليلكم والله عسى الله يحفظكم
:)

استانست و انا اقرا حواراتكم

تقبلي مروري

^_^

joe said...

شالحركااات الحلووه
خاليعزمنا خالج فهد
و شرط مني انا ازوجه

و ان شاء الله يحصل المدام الصالحه

3bady said...

ههههههه عجبني ذوقه القصار

;p

frortdrum said...

ليش اقرا هالسوالف مادري؟

مركبنا said...

ابييييييييييييه

كرهت نفسي

طلعت شريرة

ما توقعت خالج
(=

Yara said...

ee 3adi ana nafs elshay khwani eli akbar meni o khalati o khawali :) omi o yadeti kanaw 7amel bnafs el wagt o enfas nafs elwagt takheylay.. o happy bday sorry 3al taakheer adri '3al6ana elmafroth an6er lai next year ba3ad :P wish u a very happy year

Catism القطويّة said...

تصحيح:
يعشقون وليس يعقون!

Razz said...

wanasa, a7la shy 6al3aaat il ahal.. you have fun in life, 3asa allah etammim 3alaich oo it-thillean happy 3ala 6ool

Nemo said...

looooooooooooooooooool
7asafa :p

Organic Kuwait said...

lol that was a fun read

Om MoD said...

الله يقطع بليس العدو ..

الله يخليكم حق بعض ..

AAajed said...

اعتقد اللي يتابع مواضيع مدونتك من فترة يستطيع ان يتعرف ويكتشف شخصيتك
وانا كنت متئكد ان السالفة فيها سر ,,,
وانا كنت اتوقعة اخو من رضاع بس طلع خال
اعتقد اني ماكنت بعيد عن الأجابة كنت حولها
:)

شكرا على الأثارة

Meshary Magazine said...

قام حظهم القصيرات
متخيل الموقف انج ماسكه متر مثل مال الخياط ونظاره كبيره ولابسه بلسوت أبيض ومخطط أزرق والبنات ساتوول صافين بالدور والطويلة ورا والقصيّره ادّام

Hashimoto said...

لوووووووول
خربطتينا الله يهداج
وانا اقوول شنو "ماقدر اتزوجك " شالسالفة
xD
حلوة حلوة

Mr-Mohd said...

:) قصة جميله بصراحه تابعتها للنهاية


ما اقول الا ..

الله يرزقج بولد الحلال اللي يستاهلج
لانح باختصار انسانه طموحه ومثقفه ومبدعه
وليس هذا كله من باب المجامله


تحياتي

Anonymous said...

7arakat :D
you should write more stories, you are good.

would you sell the story for a movie production ?! :)

باغي الشهادة said...

أخاف خالك سيسفرك فانكوفر ويأخذ كندية؟! جميل

:-)

Anonymous said...

7asbaly shy thanii bs akher shy
6ala3 khalich !! ana agol ishloon ?? !! khara3teeni
.... shawagteenii aby maki !! :P

Ra-1 said...

صالح..للشعر والمبطط الكبدي ...

LOL
إي صدقتك :)


Purg ...

No :)

Anonymous said...

Ana 3araft mino.. Aftha7?
so Fahad is the name of your lover huh :(?

Ra-1 said...

Catism ...

هاهها
حتى آنا أول مرة أسمع :)



Someday ...

LOOL! Sorry for disappointing you :p
I know, nothing is wrong with that and being in love is a natural feeling and a very beautiful thing :)

9ej handsome mashaAllah :) heh

Ra-1 said...

TruTh ...

حياج الله :)



{~المباركية~} ...

هاهها انزين بقول له :)

Ra-1 said...

3bady ...

LOL :)



frortdrum ...

وانا بعد مادري :)

Ra-1 said...

مركبنا ...

Hehhe :)



Yara ...

هاهها يحليلهم
آنا خالي هذا من مرت يدي :)

Thank you sweetie :*

Ra-1 said...

On-The-Rocks ...

Ameen, thank you bro :)



Nemo ...

Hehhe :p

Ra-1 said...

Organic Kuwait ...

:)



Om MoD ...

هاهها
الله يسلمج :)

Ra-1 said...

Majed ...

هاهها :)




BOMSA3D ...

LOOL!
:)

Ra-1 said...

Hashimoto ...

Hehhe :)



q8cool ...

زين يعني أنفع أكتب قصص؟
LOL

ترا مادري شقول لما أحد يمدحني :/
شكرا :)

Ra-1 said...

KarKoor ...

LOL! eshda3wa :)



fr7ty ...

وعليكم السلام
شكرا :)
وشكرا على الدعوة

Ra-1 said...

باغي الشهادة ...

هاهها اشدراك؟
:)



Cotton^Candy ...

LOL
ليش اخترعتي منو عبالج؟
;)

Ra-1 said...

Secret Admirer ...

Huh?
Fahad is my favourite name I love it since I was a kid :) and it will be the aname of my son!

m&m said...

Hmmmm.. tawny a6ee7 3ala ur blog o btw i know who ur talking about... ;)

Ra-1 said...

m&m ...

Hmmm :)
Welcome to my blog!