Tuesday, April 19, 2011

الحياة صدف وعجائب

الصدفة هي التقاء حدثين في الزمان أو في المكان أو فيهما معا
بشكل مفاجئ غير مدروس و لا محسوب بشريا
في ناس يحبون الصدف وانا منهم
وأعرف ناس ما يحبونها!!
عموما الصدف أنواع


وكلها من تقدير الله سبحانه وتعالى
في مواقف تصير لما نقابل شخص مر علينا في حياتنا من سنين مضت واختفى!
وفي مواقف الي نلتقي بشخص لأول مرة بالصدفة وبعدها يصير جزء من حياتنا
وفي مواقف مثل الي بتكلم عنهم الحين
وهي أشخاص مجهولين بالانترنت
نلتقي فيهم بالواقع من غير تخطيط وبالصدفة !!
خلال هالشهر صار لي موقفين آخرهم أمس :)
-----
الأول كان مع بنت في تويتر
وكانت كاتبة عن استقبال زواج بتروح له وفي منطقة نفس الي بروح لها وعندي

فيها استقبال ولما وصلت هناك أرسلت لي شنو هي لابسة عشان أتعرف عليها
ولما التفت أدور لقيتها قاعدة يمي ههه
وطلعت تصير حق العروس الي متزوجها ولد عمي
-----
موقف أمس كان مع وحدة في تويتر أيضا وهي بلوقر بعد
وهذي مدونتها
Click Here

اكتشفنا آنا وروبي من فترة إن احنا نشتغل في نفس المكان


ولكن في طابقين مختلفين


وكان اقتراحها إن نخلي التعارف للصدفة


ومرت الأيام والشهور


إلى أمس ...


كانت معاي باجتماع لمدة يومين وانا مادري


وأمس ركبنا الاصنصير مع مجموعة بنات


فشفتهم يباركون لها بيوم ميلادها


وتكلموا عن تويتر


آنا ربطت المعلومات


وفاجأتها بكرت على مكتبها وترا مازلت مجهولة بالنسبة لها ههه






لا تضحكون على خطي!

11 comments:

Nemo said...

that's really cool :D

looking forward to meet you, by accident off course :p

Anonymous said...

الصدف جميله ورب صدفة خير من الف ميعاد . بس سؤال ياترى هل فعلا هالاشخاص اللي تعرفتي عليهم يبقون جزء من حياتج ؟

SandyBelle_Q8 said...

LoooL 9j 9idfa 7elwa. o 7araka a7la minnich ;)
tabeen teth7ekeen zyadaa.. kil zameelatee ele ga3deen 7awalaiy already e3arfoonich :P ela ana!!
how wierd is that. fur9a sa3eeda ini et3araft 3alaich :) akheeran 3aratf meno Ra-1 ;)

Ra-1 said...

Nemo ...

Hehhe yeah who knows :)

Ra-1 said...

Seema ...

:)

Ra-1 said...

Anonymous ...

أكيد يبقون حتى لو فرقتنا الأيام أو المشاغل أو الظروف
لأنهم بالنهاية كونوا جزء من حياتي قد يكون يوم واحد ولكن سيظل موجود في دفتر الذكريات :)

Ra-1 said...

Ruby ...

Hehhe :) we can meet officially just invite me for a chocolate in your office sometime, I know the floor you work in is full of food :p lool

SandyBelle_Q8 said...

LooooL.. yes it is the FoooD floor and since I'm here I became the chocolate provider. inshallah I'll invite u and Engrasha when we have one of those days of Food overload ;)

Ra-1 said...

Great :D

Samar said...

بس مو اكثر من خرعتج لما عرفتج بالمعرض
;-P

Ra-1 said...

Samar ...

إي أذكر ههه عرفتيني بس عشان حاطة صور صينيين :)