Sunday, April 24, 2011

الحمدلله على كل حال

كنت أعتقد أن الموت هو أكبر واعظ
وفي مواقف العزاء نحس شكثر الدنيا ما تسوى
بس أمس اكتشفت إن في شغلات غير الموت
في مواقف تصير للإنسان وأخبار سيئة يسمعها
تخليه يحس إن الشغلات الحلوة إلي يملكها ما تسوى شي
ومالها معنى
وإن الأشياء الي يحبها تافهة جدا
وإن الكابوس شي ممكن ايي للإنسان وهو صاحي وقاعد
مو بس وهو نايم
وإن الحياة مو بيدنا
وخيرها وشرها بيد رب العالمين
وإن مالنا في هالدنيا غيره سبحانه
وكثر مايحس الإنسان باليأس لازم يؤمن بالمعجزات 
وبقوة الدعاء
وبرحمة الله سبحانه وتعالى
وبالحكمة الإلهية في كل شيء
وأن الله كريم
الله يفرجها على كل مهموم وكل مريض وكل محتاج وكل مظلوم
ويارب تسهل أمور كل مسلم
آمين

8 comments:

شاي الضحى said...

اللهم آمين

Anonymous said...

اللهم امين . اللهم لا اعتراض على قضائك وقدرك سبحانك. يزاج الله خير على هالايمان النابع من القلب والله يحفظكم من كل مكروه

Anonymous said...

امين يا رب العالمين
الله كريم انشالله
و"ماضاقت الا فرجت
chatterbox

bea* said...

اللهم آميين ياارب
و صدقتي ..كل وقفة بحياتنا تغيّر شي و أشياء فينا و حوالينا مهما تمسكّنا فيها .. لازم نؤمن بأن خيرة الأمور مو باللي نحن نشوفه =)

الله يكتب الخير للجميع و يرضيهم فيه
أهم شي الرضا =)

محمد سعد القويري said...

أتفق معك
وعلى العكس
عندما نكون سعداء ومبسوطين
فإن أتفه النكت تضحكنا

سعدت بمروري هنا

Ra-1 said...

شكرا لمروركم جميعا :)

Anonymous said...

يعني ليش ماتحطين الكومنت اللي عليج ؟ يعني بس اللي لج و صافين معاج !

Ra-1 said...

Anonymous ...

طول عمري أحط التعليقات الي ضدي :)
اللي فيهم كلام مو نظيف أو سب اهمه الي ما أحطهم بس