Wrapping Mania & Mama-licious
حق شغلتين جربتهم وفعلا يستاهلون
-----
طلبت كيكة الآيس كريم الي فيها أنواع كاكاو
عجيييييييبة !
ماشالله خلصت بسرعة والكل حبها
كل ما الواحد ياكل يطلع له نوع كاكاو
والآيس كريم فانيلا مخشوش داخله الكاكاو
فكرتها غريبة وطعمها لذيذ
وممتازة حق الصيف
والحين بطلبها للمرة الثانية :)
!لا تطوفكم
-----
هذا رقمهم
60053374
(Mama Licious)
-----
وترا عندهم أنواع ثانية مثل كيكة الآيس كريم مع الاوريو وقرص عقيلي والبراونيز
بس ما جربتهم
Enjoy :)
الشغلة الثانية جربتها مرتين خلال أسبوع!
تغليف الهدايا من
Wrapping Mania
وهذا موقعهم
http://wrappingmania.blogspot.com/
يستلمون الهدايا من بيتكم ويغلفونهم حسب الطلب
وأسعارهم حسب أحجام العلب
هذي سويتها حق إختي لأنها من محبين مطعم
P.F.Chang's
وعجبها التغليف وايد لأن مميز وغير متوقع :)
المرة الثانية كان التغليف عبارة عن صور
تعطونهم صوركم أو صور للشخص الي بتهدونه
ويصير التغليف كله صور
وايد حلو للذكرى
طلع عجيب حبيته وايد :)
خلوا هدايايكم مميزة ومفاجئة مع
Wrapping Mania :*
-----
المشروعين الي كتبت عنهم لبنات كويتيات
شي حلو الإبداع
والأحلى لما نشجعهم على هالشغل الحلو :)