Photos from last week.

-----

At the Hospital in Jeddah

-----

I wish that I didnt came back

-----

My cousins Hashoomy & 3abood in Shaleh
-----

Some Liars Will Escape Judgement In This World But Not In The Afterlife.

-----
Once upon a time, there was a young boy named Coryn. His family was poor and lived everyday with only one meal as his father was cheated by Coryn's evil uncle, Lionel. Coryn was a poor and an unfortunate boy who had no experience with love. His parents said that when the time was right, God will provide one for him the way He has provided food for the birds of the sky. Coryn believed and always obeyed his mother and he was a very happy boy. Eventhough they were poor, they were happy and live harmoniously as a family. This made Coryn's evil uncle Lionel angry.

However, one day, Coryn was helping Mummy to run some errands when he heard a faint melody sweeter than the bird. Hypnotized by the sweet melancholic sound, he draw nearer to it and was hooked. Coryn then saw a innocent looking girl by the river singing to herself. The girl was aware she was being watched and beckon Coryn to come nearer. Coryn was then confused as he remembered his mother's advice not to approach strangers.Nevertheless, due to curiosity, he gingerly approached her. Then after, the girl named Lynnie started a conversation with Coryn. Unknowingly, Lynnie was a girl who had just lost a loved one who broke her heart. Lynnie was actually uncle Lionel's illegitimate child from an affair.

Four months have past. Coryn and Lynnie went against their parents wishes and were together. Coryn loved Lynnie and Lynnie convinced Coryn that they will be together, growing old and happily with one another, being honest with one another. Naively, Coryn believed her and forsook his parents advise. From that day onwards, Coryn was in an illusion that he was happy but when actually he was suffering to please Lynnie and at the same time his family had many arguments as Coryn kept secrets from them. His family eventually tore apart.

One day, Coryn went to Lynnie's house and saw his uncle Lionel talking to Lynnie. He eavesdropped and heard Lynnie say"Don't worry, all is at plan. His family is now suffering. You promised me money if I could make his family miserable right?"Uncle Lionel said, "Yes. But I want to the extend that Coryn disgrace his parents!""It'll be done. Don't worry!"

Those words were enough to make tears run down Coryn's eyes. He ran home and explained to his mother his sins for the past four months. His mother was understanding and supported him through it all.

Coryn then asked for a break up. Lynnie arrogantly said to him, "You are not good enough for me too. It was all planned from the beginning and all the promises made was just to make you obsessed with me"Downcast, Coryn went home but was comforted by his family that stood with him through it all.Coryn learned that family and parents are always there for him and that their advice break through the web of lies and unsincere love.
-----

A total eclipse of the sun (August.01.08)

-----

ذهبت في يوم الجمعة لمرصد العجيري

في النادي العلمي

وذلك لمشاهدة وتصوير كسوف الشمس

-----






-----

شلون ممكن تتصرفون؟

---

I really miss my blog :)
It feels like ages since I last posted !

---

ودي أكتب مغامراتي خلال الأسبوعين الماضيين

ولكن في موضوع شاغل بالي

---

لو بختصر الموضوع بجملة وحدة بقول

كل واحد أهله مسؤولين عنه احنا اشعلينا !!!

---

نسمع هالجملة وايد صح؟

---

أذكر شخص مصري قبل شهرين تقريبا قال كلام ثمين الصراحة

يقول أيام أول بمصر إذا صادفت المرأة بالطريق أو بالسوق واحد

من أبناء الجيران يغازل البنات ويأذيهم

أقل شي ممكن تسويه إنها تطقه بالجزمة

(بالكويتي جوتي)

وإذا شافت أبوه (والده) تقوله اليوم شفت ولدك يأذي الناس وطقيته

يرد يقولها: مشكورة يزاج الله خير زين سويتي فيه

ويكون فرحان طبعا لأنها أدبت ولده

---

كانت التربية جماعية ويتساعدون فيها

---

شي وايد حلو :)

بس لو يصير هالموقف بهالأيام ردة فعل الأب بتكون مختلفة تماما

بياكلها بلسانه !

اشعليج وليش طاقة ولدي وانتي مو مسؤولة عن عيال الناس وانا أعرف أربي ولدي

وقد يصل الموقف إلى أنه يسبها ويمكن أكثر من جذي

وحتى لو كانت زافة الولد بس يعني مو طاقته

بيوصلها كلام شديد اللهجة من أهل الولد

---

سبحان الله ردة فعل مختلفة تماما الحين عن قبل 20 سنين مضت

---

آنا أشوف الحين حتى لو شخص أدب واحد من الأهل وليس شخص غريب

مثلا ولد أخوه أو ولد عمه

قد يؤدي لخلافات كبيرة بين العائلتين

فالواحد قام يخاف يتكلم ويقول خلينا بعيد أحسن

---

وحدة من شلتنا (مجموعة صديقاتي القريبات) كانت صديقة إحدانا

ولكن دائما تطلع معانا ونشوفها

بعد مدة اكتشفنا إنها صاحبة مشاكل

ومرة صار موقف قوي وهوشة كبيرة واكتشفنا إنها فيها مرض الكذب

:) أم شلاخ

(مع الأسف في وايد منهم هاليومين شباب وبنات)

وصارت سالفة كبيرة وهوشة وأهلنا دروا وتدخلوا وأنهوا الموضوع

وقالولنا ابتعدوا عنها ويا ويلها إلي تكلمها وقطعوا علاقتكم نهائيا فيها

إحنا من ورا أهلنا ما قطعنا العلاقة نهائيا

قطعناها فترة بعدين كلمناها وزفيناها وحسسناها بالذنب

وتخيلوا البنت جدام أهلها ماكو إحساس لما يعاقبونها

بس إحنا بكلمتين يعورون خليناها تستحي على ويهها

ووعدتنا تتغير وفعلا تغيرت وايد

ومع هذا ظلينا نعاقبها ووايد طلعات ما نسمح لها اتيي معانا

وقامت ما تتجرأ تسوي شي غلط جدامنا

---

البنت من بعدها ما ضرتنا وعموما كنا حذرين ونادرا ما نكلمها أو نشوفها

والحين صار على السالفة سنة أو أكثر

هالأسبوع البنت سوت مشكلة وأهلها (اكتشفوا) طاحوا عليها

السالفة قوية حيل بس ما أحس إن أهلها قاعدين يتعاملون مع الموضوع على كبر حجمه

والبنت كلمت صديقتي اليوم وعادي ولا كأنها مرتكبة خطأ أو مسوية شي

آنا ما ألوم أهلها الصراحة لأن محد يقدر عليها!

وأدري شلون التربية في هالوقت وايد صعبة

والأهل صعب عليهم يتعاملون مع مشاكل الأبناءخصوصا إنهم من جيلين مختلفين تماما

ودائما ألاحظ إن الولد أو البنت إذا سمع تأنيب ونصيحة من شخص في عمره راح يتأثر بالتأكيد

خصوصا إذا كان صديق يحترمونه ويحبونه ويشوفون فيه مواصفات الشخص المحترم والخلوق

ولكن طريقة الوالدين غالبا ما تكون متسرعة وعقاب من غير نقاش ولا تفكير

لن يؤثر وإذا أثر فسيكون لفترة بسيطة فقط وسيعودون الأبناء لنفس الخطأ من غير علم الأهل

---

المشكلة تخص البنت بروحها هذه المرة

يعني ما اغلطت علينا ولا كان أحد منا معاها

ولكن إحساسنا بالمسؤولية يخلينا نبي نكلمها

ومازلت أسمع كلام مثل لا تكلمينها ترا تتبلى عليكم

مالج شغل أهلها يربونها

ولا تتدخلين وتدخلين نفسج بمشاكل

آنا الصراحة وايد متضايقة ومعصبة من داخلي

خصوصا إنا شفناها بمكان قبل المشكلة بساعتين

وجذبت قالت بتروح مكان واهيه واعدتني بعد السالفة القديمة إنها ما تجذب

والله أهلها ما يستاهلون إلي قاعدة تسويه

أمس كلمتنا أمها مسكينة صوتها يعور القلب

أحس أبي أمسك البنت وأقولها لا تتكلمين ولا كلمة لما أخلص كلامي

وأطلع كل الكلام إلي بقلبي

---

تتوقعون أشوف دمعة وحدة تنزل من عديمة الإحساس؟

---

خارج الموضوع

(أكثر شي يخوفني لما أفكر شلون بربي عيالي

وحتى الواحد لو ضمن تربية صحيحة في بيئة صحية ونظيفة لا بد إن المدرسة

والأصدقاء والبيئة الخارجية تأثر وتخرب)

شي يخوف الصراحة :(

---

Resigned !

-----

رجعت للكويت ليلة البارحة في وقت متأخر

اضطررت للعودة لوحدي! أبي مايزال هناك مع أخي وزوجته

موعد امتحاناتي غدا بالبحرين

لم أر شيئا في جدة غير المستشفى

الحمدلله ذهبت للعمرة في آخر يوم :)

خرجت مع أبي من المنزل في الساعة 7 مساء متوجهين لمكة وانتهينا من عمرتنا

وعدنا لجدة في حوالي الساعة 1 ليلا أو ربما قبلها لا أذكر

الحمدلله فقد كنت أحتاج لزيارة مكة المكرمة ورؤية الكعبة المشرفة

التي لم أراها من بعد الحج في عام 2006

-----

عندي الكثير لأكتبه ولكن ليس الآن

فقد عدت لتوي من العمل وقررت أن أستقيل

لم يصدقوني حتى أرسلت السائق لأخذ أغراضي

أعيد التفكير؟

مستحيل :/

-----

شكرا لكل من سأل

-----

لا أستطيع دخول مدونتي لأنها محجوبة بالسعودية !

عموما أنا في جدة وصلت ليلة أمس

أقضي كل وقتي بالمسشتفى مع أخي وزوجته

ادعوا لهم محتاجين دعاءكم

-----

Away ...

-----

Something urgent came up :/

I am leaving the country

I don't know when will I come back

-----

...

-----

-----

My only nephew and my only niece :)

-----
Most of their clothes are bought by me!
I love shopping for kids clothes and toys
-----
I took some pictures of them wearing what I got them last time

-----

-----

Doesnt she look like Suri Cruise?
-----

-----
الله يحفظهم :)

-----

أصدقااائي :)

-----

What mental disorder do you have? Your Result: ADD (Attention Deficit Disorder) You have a very hard time focusing, and you find it difficult to stay on task without your mind wandering. You probably zone in and out of conversations and tend to miss out on directions because you cannot focus
OCD (Obsessive Compulsive Disorder)
Paranoia
GAD (Generalized Anxiety Disorder)
Manic Depressive
What mental disorder do you have?

LOL!

أبيه صج وايد أسرح وماقدر أركز بشغلة وحدة فترة طويلة

وبالاتجاهات صفر! وايد أضيع

بس الاختبار خطير لازم كل واحد ياخذه وخنشوف نتايجكم ;)

---------

OMG! Whenever I see a Saudi guy in college

I say to myself this might be AAajed

في الموضوع إلي عن البحرين قلت لي "شكلنا ندرس بنفس الجامعة" وعقدتني

ما أحب اتخيل أشكال البلوقرز لأن دايما يطلعون شي ثاني أو عكس إلي بمخيلتي تماما

Hehhe :)

---------

أصدقائي يقولون لكم

Coming soon!

أخوي بيرد يكتب إن شاءالله بس هالمرة غير لأن زوجته بتكتب معاه

:D

-----

Please help!

-----
I am leaving to Bahrain tomorrow inshaAllah for

my classes and I have just remembered that I should

do a presentation in my MIS class!
It should be about any subject related to technology or internet
A guy talked about e-commerce and another one

talked about e-government

They were both boring :/ no one was listening to them!
-----

I want something interesting
I thought about something related to photography
and show them some of my photos
or how about I show them some computer games

which I made using vb.net?
Hmm I don’t know :/
-----
Do you have any ideas or suggestions?
-----

The new Kinder Surprise Egg :)

-----

أدري بتقولون ياهل

بس أحب بيضة كندر

كل ما أروح الجمعية أو الفرع لازم أشتريها

-----

LittleBig

قالت لي إن غيروا البيضة صارت غير

على طول رحت معاها الجمعية نشتري البيضة الييديدة

:D

-----

-----
-----
-----
-----
-----

عجيبة صح؟
:)
أتوقع غيروها لأن وايد طلع منها تقليد!
فيها شي حلو إن البيضة الصفرة إلي داخل شالوها
لأن خطرة كله أخاف اليهال يبلعونها :/
-----
I am sure that one day we will miss the old egg!
-----

I was lost but they found me :p

-----

أمس بالدوام يا موظف من شركة أبوي

كلهم يدلون دوامي ووايد يمرون

يا إييبون لي شغلة أو فلوس

أو جيسة فيها خردة حق المواقف

أو شي واصلني من بره

هذا يا مو ماسك شي

عبالي يبي ياخذ أوراق الفيز لأن يابلي إياهم قبل أمس

جان يقولي

Call your brother ...

آنا استغربت قلت أكيد صاير شي

Why?

قال مادري أهو اتصل بالشركة وقالي أيي أقولج تتصلين فيه !!!

آنا طالعت تلفوني ولا مغلق

نسيت إني صاكته من ثلاث ساعات تقريبا

Ops!

فتحت تلفوني ولا توصلني مسج بالمكالمات

أخوي متصل مرة وحدة

بيتنا 8 مرات

بيتنا الخط الثاني 15 مرة !

أخوي الثاني مرتين

شسالفة !!!

---

اتصلت على أخوي

انتي وينج ماما اتصلت علينا كلنا

ليش؟

تدورج تقول صاكة تلفونج يمكن صار فيج شي

انزين اشدعوه قايلين حق الشركة يدوروني بعد؟

عاد دزيت لج أوسم موظف بالشركة :p

هاهها

---

وتدق أمي

خرعتينا آنا اشدراني إذا صاير لج شي

شنو بيصير فيني بالدوام !!؟

يمكن حادث الصبح أو يمكن أحد طلعلج بالمواقف أو أو أو

أمي عطتني محاضرة مسكينة تحاتي وايد

---

جان يتصل أخوي الثاني

إي اشعليج كشختي بالسيارة الييديدة وقمتي تصكين التلفون

LOOOL

كلوني ما سوت علي صكيته !

انزفيت من كل صوب :p

---

جان يتصل أخوي الثالث

انتي ضايعة؟

هاهها إي يقولون ضايعة بالدوام

لقوج؟

إي لقوني hehhe

---

تتصل إختي

اشفيج؟

مافيني شي

مادري يدورونج عبالي صج صارلج شي

أبيه من صجكم اشدعوه !

---

زين ما كلموا أبوي بأمريكا بعد

LOL

بس اكسرت خاطري أمي إهي تحاتي وايد بشكل مو طبيعي

:/

مرة ثانية بدال ما أصكه راح أحوله

voice message

:)

-----

We learn lessons everyday ...

-----

Sometimes life surprises you

Sometimes it shocks you

-----

I haven't studied in years!

-----

راحة نفسية إني خلصت من الامتحانات

امتحانين كانوا وايد صعبين والثالث سهل الحمدلله

الله يستر من النتايج :)

-----

هاذي الصورة الوحيدة إلي صورتها بهالسفرة

بما إن صارلي سنين ما درست فقلت أصور لقطة وانا أدرس :p

-----

قبل أسبوعين لما رحت حق محاضراتي أول مرة

كان الوضع غريب شوي

كل إلي معاي بالطيارة معاي بالجامعة وكلهم ارجعوا معاي بنفس الطيارة

وبالمطار كل الموجودين نفسهم إلي شفتهم بالجامعة

LOL

إلي اقعدت يمي بالطيارة حدها اتينن

سولفنا طول الطريج من الكويت لي البحرين

وصادفتها بالجامعة جم مرة بس إهي تدرس بكالوريوس

آنا استغربت لما سمعت وحدة تناديني وانا ماعرف أحد

استحيت لما شفتها لأنها احفظت اسمي وانا نسيت اسمها :/

عندي مشكلة مع الأسامي بس أحفظ الويوه !
-----
حسافة أخوي إلي سجل بنفس الجامعة دوامه عكسي
يعني الأسابيع إلي ما أروح أهو يروح
هاهها يعني ما أشوفه :)
يمكن بس بالصيفي مقسمين الكليات
احتمال الكورس الياي يصير دوام كل الكليات نفس الوقت
-----

أول يوم اشحلاتي مداومة بعباية

بس تخيلوا الدوام من 8 الصبح لي 10 بالليل وفي ناس لي 11 !

الوضع ما يساعد ثاني يوم داومت بتنورة جينز وجوتي رياضة

والشباب كلهم نفس الحالة أول يوم دشاديش وغتر

وباجي الأيام هدوم رياضة و شورتات !

-----

وايد تعب كل محاضرة 3 ساعات ومتروسة معلومات

لأن مواضيع أسبوعين يعطونا إياهم بثلاث أيام :/

إي ومعانا ثلاث نواب بالجامعة

:p

-----

قمت أأجر سيارة كل ما أروح

البحرين سهلة

الجامعة بعيدة عن الفنادق يعني لازم أطلع قبل نص ساعة

الناس ويك إند وانا أقعد الساعة 6 :(

-----

وأول ما أوصل الكويت سيده أنام وثاني يوم أرجع من الداوم أنام وأقوم بالليل

وهاذي حالتي كل ما أرجع

أمريكا مو البحرين

هاهها :p

-----

خارج الموضوع

Tag

1- اذكر أسم من طلب منك حل الواجب

الزرقاء و ندى الجنة

2- اذكر القوانين المتعلقه بحل هذا الواجب

3- تحدث عن ستة أسرار قد لا يكتشفها من يقابلك للمرة الأولى

تفضلوا حل الواجب :)

(1)

وايد ناس بعد ما أتعرف عليهم يقولون لي أول مرة شفناج عبالنا مغرورة بس طلعتي طيبة

يقولون طريقة نظراتي توحي إني مغرورة وبعد لأني ما ألقي ويه

(2)

ما أعرف أجامل ولا أحب أجامل

وهذي الصفة تسبب لي مشكلات أحيانا

بس مو مقتنعة أغيرها أحس إني لما أجامل أجذب

مثلا ليش أبين لوحدة إني أحبها وانا بالصج ماحبها ولا أبلعها؟؟؟

(3)
طبيعتي هادية وأستحي

بس إلي يعرفوني عدل يدرون إن فيني شطانة ومرحة ورياضية
(4)

لما أشوف شي غلط أصير شخصية ثانية

يعني عادي أتدخل وأتكلم ناس ماعرفهم

مثلا وحدة بالسوق ما تكلم أمها باحترام

ولا اثنين بالشارع يسبون بعض

ولا وحدة تطق ولدها الياهل

في مواقف تخليني أعصب من داخل وماقدر أسكت !

فأرز ويهي وأعطيهم جم كلمة تخليهم يفكرون بإلي سووه

وإلي معاي ينصدمون هاهها

(5)

ماعرف شنو بعد!

سإلوا إلي يعرفوني :p

-----