Ra1's blog since August of 2004

-----

وأخيرا التصميم الجديد :)

بمناسبة مرور حوالي خمس سنوات على إنشاء مدونتي

وبما أن مدونتي يغلب عليها الطابع الشخصي وأعتبرها دفتر مذكراتي

وضعت صوري وأنا صغيرة وغيرتها للأسود والأبيض

لتتماشى مع طابع المذكرات الواقعية من الحياة

-----

بالنسبة للصورة الأولى من اليمين قد أبدو فيها كبيرة

للتوضيح فقد كان عمري 8 أو 9 سنوات

أعتقد تم تصويرها بعد الغزو العراقي الغاشم مباشرة

بالنسبة للصورة الثانية

تم تصويرها في رحلة بحرية في تركيا - إسطنبول

كنت 12 أو 13

والثالثة كما هو واضح فهي صورة تخرجي من الروضة

صوري بالروضة وقبل الروضة كلهم معصبة

حتى الصور إلي بالمصور كله معصبة وموعاجبني شي :p

-----

Let me know what you think of the template

I used blue and orange (my favourite colors)

-----

I should be happy writing this post

but I woke up in such a bad mood

finally it is weekend and I will spend it in Kuwait

I need abreak!

-----

وأخيرا دشيت مكتبة عامة !

-----

كان المفروض أرجع من البحرين يوم السبت

ولكن ماحصلت حجز

وبعد محاولات حصلت على يوم الأحد عصرا

على أسوأ طيران

طيران الخليج

ومو غريب عليهم إن يصير تأخير في آخر لحظة ويصبح الموعد في الثامنة ليلا

كلمت موظف السفريات في الكويت وطلبت منه حجز على أي طيران

حتى لو ترانزيت وقال مافي

وبعد فترة اتصل وكانت المفاجأة أنه حصل على الكويتية وتطير في السابعة أي فرق ساعة فقط

ولأني معصبة قلت له إحجز ! ولو أن ساعة واحدة لن تأثر

جلست في البوابة أنتظر وأنا متوقعة تأجيل الكويتية أيضا

تخيلوا أن بوابة الخليج بجانب بوابة الكويتية

وانا قاعدة وماسكة بوردنج للطيارتين

2 boardings

أدري تبذير :p

وقلت إلي بتطير قبل أركبها

LOL

-----

سفرتي هذا الأسبوع كانت مختلفة وحلوة

لأن تعرفت على بنت من الجامعة معاي وحجزنا في نفس الفندق

في الموضوع القادم أكتب لكم شنو سوينا مع الصور

She is an amazing girl

and we had fun :)

-----

الأسبوع الماضي كنت أدرس معاها بالكويت حق امتحاناتنا

والصراحة شجعتني وايد على الدراسة

وحبيت الجامعة لأني صرت أعرف أحد الحين

اكتشفنا مكان سري

مكتبة عامة

مكان هادي وممتاز

كل يوم نروح ندرس هناك

بس بالويك إند يصكون فندرس في بيتنا

احفظونا وقاموا يدخلونا كل يوم حتى أيام الشباب

وعندنا غرفة بروحنا فيها

وعادي ندخل أكل وكل شي معانا

ومتى ما ملينا خذينا استراحة رحنا ستاربكس أو الجمعية

-----

في يوم رحنا ولا أول مرة نشوف واحد قاعد بغرفتنا !

شايب قاعد يقرا جرايد وحاط له راديو

ومطارة شاي

شاي الوزة

LOL

بس شوقنا رحنا طلبنا جاي من ستاربكس :p

هالأسبوع خربت المقاطعة :/

-----

كلمنا موظفة المكتبة قالت ما عليكم 5 دقايق ويطلع

كل يوم إيي بس يقرا الجرايد ويروح

إحنا حطينا أكلنا وكتبنا وقعدنا ندرس

وانا يومها شارية من هارديز

فشلة :)

سوينا إزعاج بس ما طلع !

أذن المغرب طلع صلى ورجع

أذن العشا راح صلى ورجع

آخر شي رفيجتي تقول لي وايد برد

جان يتكلم !!!

قال لنا: إي برد بس ما يقدرون يصكونه

وهذ المكيف يشتغل على الماي طول اليوم

والمكتبة قديمة أصلا شوفوا الطوف

زين ما تطيح علينا

وفيها كتب يخافون تحترق أو شي

وقعد يسولف

وبعدين راح على وضع الكويت

وبعدين مجلس الأمة

والنواب

والبلدي

وطلع عضو سابق بالبلدي واحنا طايح من عينه :)

وكلمنا عن مشاريعه ومقترحاته

وقص لنا قصص صارت له بعد الغزو

واحنا توهقنا خذا من وقتنا وايد وما خلصنا دراسة

بس الصراحة سوالفه تونس

آخر شي قام يشتكي ويقول: آنا لحقت على عز الكويت

والحين الوضع كل ماله ويتدهور

واندمج بالموضوع لما شال أغراضه وطلع واهو متضايق

مسكين لو ندري ما خلينا يسولف :/

بس والله ضحكنا ذاك اليوم

-----

وفي اثنين غيره كل يوم تقريبا نشوفهم بالمكتبة بس مو بغرفتنا

إيون يقعدون يقرون كتب وبعدين يطلعون

والله زين عندنا مثقفين :)

-----

أكيد الموظفات والحارس والشياب فاقدينه هالأسبوع

:D

-----

إذا كلمت النملة تفهم ؟

-----
To sis, Ramaroo
Thanks for the sweet gifts!
I needed a gold watch :D
The lemon looks so real, what is it? a soap?
-----
To the cute bride, TF
The breakfast and shopping were so much fun!
This time it really felt like the old days :p
-----
P.S. We had breakfast at Casper and Gambini's, Marina Crescent
I totally recommend eating there, have an outdoor table :)
-----
To stalker,
Stalking me wont get you anywhere, so stop!

Well in a way it shows that you regret

what you did, which is a good thing ...
Good luck to you and be happy :)
-----

وصلني هالإيميل والغريب إني مو حاطة إيميلي بالبلوق\ المدونة !

عزيزي المدوّن،

تحية طيبة وبعد،

بما أن مدونتكم من المدونات النشطة التي تحظى بنسبة مشاركة طيبة، فقد وقع الاختيار عليها، ضمن عدد من المدونات العربية، لتكون واحدة ضمن قائمة التواصل مع المدونين العرب المؤثرين في واقع أمتهم ومجتمعاتهم.

ونهدف من خلال هذا التواصل إلى التعريف بالأهداف السامية لمؤسسة محمد بن راشد آل مكتوم، وببرامجها التي نأمل أن تنعكس بالخير على مستقبل الأمة. وإذ نقدر لكم تعاونكم معنا في نشر رسالة المؤسسة وإتاحة الفرصة لأكبر عدد ممكن من الشباب العربي للاطلاع على الفرص التي توفرها لهم، فإننا نرسل إليكم الإعلان الآتي آملين في تعميمه على من ترغبون، وإن أمكن نشره في مدونتكم المحترمة. هل ترغب في الحصول على منحة دراسات عليا من مؤسسة محمد بن راشد آل مكتوم ؟ يقوم ممثلو مؤسسة محمد بن راشد آل مكتوم خلال شهري نوفمبر وديسمبر 2008 بجولة على عدد من المدن في أنحاء الوطن العربي لعرض فرص ابتعاث الشباب العرب على نفقة المؤسسة للحصول على درجة الماجستير في إدارة الأعمال، والإدارة العامة، والسياسة العامة، والمالية من أرقى الجامعات العربية والعالمية. ينبع هذا البرنامج من إيمان مؤسسة محمد بن راشد آل مكتوم بأهمية تطوير القدرات المعرفية للشباب العربي كي يسهم بفاعلية في مواجهة تحديات التنمية الاقتصادية والاجتماعية للوطن العربي.

لمزيد من المعلومات، وللاطلاع على الجدول الكامل لجولة الفريق في الوطن العربي، يرجى زيارة الموقع الإلكتروني:

www.mbrfoundation.ae

يمنى يمين،

مؤسسة محمد بن راشد آل مكتوم

-----

انزين سويت لكم دعاية شنو أستفيد؟ شنو تعطوني؟

LOL :p

-----

وأخيرا قررت أغير تصميم وشكل البلوق

تقريبا جاهز

ترقبوووا :)

-----

Wo i nee Jongwa :)

-----

تصدقون إني لي الحين ما حطيت لكم ولا صورة

من سفرتي الأخيرة لهونج كونج والصين؟

-----

لتوضيح الصورة اضغطوا عليها

click

-----

Cutie pie sleeping :)

-----

Street fruit seller ...

أهم شي إلي على اليمين مستانس عباله قاعدة أصوره

Hehhe :)

-----

-----

Did I mention I love my new lens!

-----

أتمنى لكم وجبة شهية :p

-----

Rush hour ...

-----

Sunny day in Hong Kong :)

-----

وبعد 30 سنة تظل الائتلافية متربعة على العرش :)

-----

الحمدلله ... ألف مبروك يا الائتلافية

-----

مبروك المركز الأول للائتلافية في الجامعة

وأيضا مبروك المركز الأول للمستقبل الطلابي في التطبيقي

-----

كان يوم حافل بمعنى الكلمة

وناسة

هوشات

ضحك

سعة صدر

عصبية

فرح

حزن

كل المتناقضات كانت تجتمع في يوم أمس

ختمناه بفرحة الفوز الكبير

فشكرا لكل من صوت وساهم ووقف معنا

وكل من تعب وعمل بجد ونشاط

-----

نفتخر ونعتز بهذه الثقة الغالية :)

-----

Abee anam :(

-----

طيارتي كانت الصبح مبجر وما نمت بالليل

توه طلع الدكتور مال المحاضرة الأولى

باقي نص ساعة على بداية المحاضرة الثانية

بالغصب قاعدة أفتح عيوني كل شوي تغمض

فشلة بس أشوه ما زفني الدكتور :p

عاد حده عصبي زفله جم واحد ووحدة اليوم

أخلص محاضراتي الساعة 10 بالليل :/

-----

تعرفون البنات إلي يصيرون شطار وفيهم نحاسة

يتهربون وما يبون يساعدون أحد عشان محد ينافسهم ويصيرون أشطر ناس

ويخشون نتايجهم وكله أهمه المساكين والمادة صعبة عليهم

وآخر شي ماخذين أعلى درجة

لوول سوالف أيام المدرسة

كلش ما أبلع هالنوعية

الله يشافيهم :)

-----

طريقة جديدة للتعارف !

-----

هالأسبوع مادري شنو سالفة الأرقام العجيبة والغريبة إلي يتصلون علي

من الكويت ومن دول ثانية بعد !

وانا عادة ما أرد على رقم ماعرفه وإذا الرقم شكل أكثر من مرة

أدز مسج

Who is this?

أمس بالليل رقم غريب من الكويت يدق يدق يدق

بعد مدة اوصلتني هالمسج من نفس الرقم

بكتبها بالضبط مثل ما إهيه من غير تغيير ولا حرف

-----

Hi how r u

what r u now

who r u i dont no

i am sorry i making mis col.

I am (EMON)

what u name please

Please giv me answar

good night sweet drimes

byi wating

-----

LOOOOOOOL

والله مت من الضحك شنو هذا !!!

طبعا البدليات خطيرة ما تنعد

ومادري إذا ولد أو بنت بس شكله واحد

ومادري شنو جنسيته

بس أول مرة أشوف جذي

@@

أهم شي شلونج وشسمج واشقاعدة تسوين؟

أي شي !

بس الصراحة أقوى شي

who r u i dont no

hehhe

إذا فهمتوا شي من المسج قولولي :)

-----

طبعا ما رديت عالمسج وبعدها رد يتصل لما تعب

بس اليوم إذا اتصل بخلي أخوي يرد عليه ويشوف شنو قصته

-----

EMON

ترا حدك مضيع

:p

-----

Did anyone sleep last night?

-----
Family Gatherings
Wasabi Restaurant with friend
Johnny Carino's with cousins
Soog lembarekeya with Dad

A wedding party which was so much fun :)
I didn’t go out much in Eid I got flu
The weather is changing and everybody is getting sick

Oh and I took photos of the kids

-----
Do you know that it is VERY cold in Abdely??!
Expect a very cold winter this year
-----

Don't you love the power of Dua?

الحمدلله الذى لا يخيب من دعاه :)

-----

عندي إحساس إن العيد باجر !

-----

فيا شهر الصيام بكتك نفسي

تمهل بالرحيل والانتقالِ

فما أدري إذا ما الحول ولى

وعدت بقابل في خير حالِ

أتلقاني مع الأحياء حيا

أو أنك تلقني في اللحد بالِ

-----

ثلاث مواضيع في واحد !

-----

عندكم فكرة شنو المساجد إلي يصلون فيها القيام بالبحرين؟

والساعة جم يبدون الصلاة ؟؟؟

------------

بالنسبة لتعليقات الموضوع الماضي

وصلتني طلبات كثيرة لشرح تجربتي مع موقع

ebay

وهذه التفاصيل بكتبها لكم

وإن شاءالله تستفيدون

-----

أول شي تدشون على موقع

www.ebay.com

وتروحون عند

Register

إذا ما لقيتوها روحوا عند

Sign in

وبعدين تلقون

Register

-----

أدخلوا المعلومات كاملة

وفي خانة الـ

Street address

آنا دخلت فيها عنوان بيتنا

وخانة الـ

Zip/Postal Code

خليتها أصفار 000

لما تخلصون طبعا يصير عندكم أكاونت تدشون منه

-----

لما تدشون عادي دوروا إلي تبونه واشتروه

وإذا كان شي معروض بالمزاد حطوا سعر أعلى

وكل شغلة محددين لها جم يوم باقي ويصك المزاد

فلازم تتابعون

وراح تلقون فوق على اليمين مربعات

واحد منهم مكتوب عليه

My ebay

تختارونه وتطلع لكم لستة

تختارون

Bidding

تطلع لكم معلومات الشغلات إلي انتوا داشين مزاد فيها

ومن أهني تتابعون إلي قاعد يصير بالتفصيل

-----

آنا لما فزت بالكبوس

دزولي إيميل في فاتورة ولنك دخلت عليه

يوديكم مكان الدفع

استخدمت بطاقة

Visa Tamweel Net

ووصلني الكبوس بعد أسبوع تقريبا

-----

طريقة التوصيل وسرعتها تعتمد على الشخص إلي شريتوا منه

تقدرون تراسلونه وتستفسرون متى بدزها ومتى توصل وإذا بتسإلونه عن شي

-----

وإذا في شي ما فهمتوه ترا حاضرين :)

------------

A question for GIRLS!

شنو رايج بالوحدة إلي اتيي تكلمج عن ولدها؟

وده يخطبج والأم تكلمج إنتي قبل ما تكلم أمج

وتسإلج عن رايج بعد !!!

شلون تتصرفين وشنو تقولين لها

:/

-----

Ebda3ati + ebay!

-----

أمس إختي تبي أحد يروح معاها معرض إبداعاتي

لأن صديقتها مسوية معرض كيك هناك

وديتها وكان بفندق موفمبيك بالمنطقة الحرة

الزحمة مو طبيعية بدون مبالغة كل الكويت هناك

استغربنا لأن المعارض عادة ما يحضرونها ناس هالكثر

ولا طلع شنو!

فيلا مودا مسوي خصم 90% بالخيمة إلي مقابل الفندق

:/

فتخيلوا عدد الناس إلي يايين غير إلي يايين حق المعرض ماشالله !

وبالطلعة انحكرنا بالزحمة بس الحمدلله ما تأخرنا على صلاة القيام

فكرة المعرض اعجبتني وايد

المعرض كبير بالنسبة حق المعارض الشبابية وكانوا ماخذين قاعتين

الشباب والبنات كلهم كويتيين وأعمارهم بالعشرينات وفي أصغر وحتى الحضور نادرا ما تلقى أحد كبير

كان وايد حلو وكل واحد عارض مواهبه ومشاريعه

وفي شغلات غريبة

واحد يسوي سوشي ولابس لبس ياباني

:)

وفي مصورين عارضين صورهم

وأحلى شي إن المعرض منوع وكل قسم مختلف عن الثاني

وشعار المعرض

جهود شبابية بأيدي كويتية

يستاهلون الشكر إلي قاموا على الفكرة وشجعوا الشباب

-----

It was nice seeing a lot of people I know

and some old friends :)
-----

ولد خالتي يبي الكبوس مال فلم هانكوك

وقال لي الكبوس مو موجود إلا في

ebay

لأن

limited edition

ويبي يحصله بأي طريقة !

آنا قلت مو معقولة مو موجود

قعدت أدور في الانترنت وصج ماحصلته بأي موقع ثاني!

الحين آنا عمري ما شريت شي من

ebay

والكبوس معروض بالمزاد

ماعرف له !!!

وولد خالتي يتصل باليوم عشرين مرة يسألني شريتي ولا لأ؟

جان أسوي لي أكاونت

وأدش المزاد

موفاظية كل شوي أدش وأزيد السعر وأجيك إذا أحد حط سعر

وبعدين الكبوس إلي انباع قبل جم يوم وصل سعره 300 دينار

أحد يشتري كبوس صوف عادي ب 300 !!!

لا وإلي يضحك إن إلي يبيعون الكبابيس محصلينهم ببلاش

لأن السينما ببريطانيا وزعوا الكبوس في أول عرض للفلم

-----

النتيجة إني قعدت أزيد السعر لمدة 3 أيام

وآخر يوم قلت بدش قبل مايصك المزاد بنص ساعة

عشان أشوف إذا أحد حط سعر أعلى

بس نسيت :p

وتوهقت لأن ولد خالتي يتصل وانا حاقرته

ونوعه إذا اتصل ومارديت يشكل مايوقف

LOL

بس رديت البيت جيكت وكان المزاد صاك وانا مو متوقعة إن فزنا

ولا واصلني إيميل يباركون لي وفاتورة عشان أدفع

@@

:D

والله وناسة حسيت إني فايزة بمسابقة ولا انتخابات

hehhe

والأحلى إن الكبوس وصل بأقل من أسبوع

وولد خالتي يقولي حطي بالج عليه الله يخليج لا يصير فيه شي

ويوصيني عليه ألف مرة

هاهها اشدعوة كله كبوس !!!

ومسكين قعد يشكرني نص ساعة

قلت له أييب لك إياه باجر

-----

يوم رديت بيتنا ولا طلع ياي بيتنا وماخذ الكبوس!

مو قادر ينطر

وحاط لي ظرف في الفلوس

وكاتب بخط اشكبره

THANK YOU RA-1

-----

بشوف بالشتا بيلبسه ولا شاريه يخشه بس

:p

-----

شكلي بصير إدمان

ebay

حده وناسة

:)

أدري حدي قديمة

-----

الشيطان قص علي !

-----

هذا الموضوع كتبته في رمضان سنة 2005

أي قبل 3 سنوات!

حبيت أذكركم فيه وأذكر نفسي قبلكم

-----

في البداية ... شهر رمضان الفضيل لا ينتهي الكلام عنه …

كنت أنوي نقل موضوع لكم من كتاب أو أن أكتب موضوعا بأسلوبي ولكن باللغة العربية …

لكن أفضل اليوم أن أكتب بلهجتنا الكويتية وأسولف معاكم وأشوف اشيطلع معاي

لأن الصراحة مافي نقطة معينة ببالي

بسم الله نبتدي

شهر رمضان نعمة من نعم الله سبحانه وتعالى علينا
فيه تتضاعف الحسنات وتصفد الشياطين!

يعني ماكو شيطان!!
شهر كامل كل سنة الشيطان يكون فيه محبوس !

شنو معناته هالشي؟

إن أي واحد فينا يغلط أو يرتكب معصية أو يترك عبادة في رمضان فهذا الشي من نفسه!
أهو أمر نفسه اتسوي هالشي ...

ما ينفع يقول: الشيطان قص علي!

لأن الشيطان ما يقدر يوسوس لنا بهالشهر

فالواحد فينا إذا عصا الله تعالى لازم يلوم نفسه ...

وهذي فرصة إن الواحد ايعرف نسبة الخير والشر إلي فيه ...

وإذا كنت أسوي غلط قبل رمضان واستمريت بهالغلط برمضان

فمعناته إن الخلل فيني آنا !لأن الشيطان سواء كان موجود أو مو موجود آنا قاعدة أغلط هالغلطة ...

صحيح إن شعور يعور لما أكتشف هالخلل إلي فيني بس فرصة ما تتكرر وايد

إني أعرف نفسي اشكثر أمارة بالسوء؟

أحاسب نفسي بهالثلاثين يوم وأحاول أتغير ...

وأهم شي إني أندم على إلي سويته في سنوات عمري إلي طافت ...

وأنوي فعلا إني أتوب ... وأدعي الله سبحانه وتعالى إن يغفر لي

ويعينني على الطاعات وترك المعاصي

مابي أطول عليكم ... بس عندي طلب صغير ...ممكن؟

أبي كل واحد فيكم يقعد اليوم بروحه بالليل متأخر ...

يقعد على سيادة الصلاة ... ويتذكر اشكثر غلط بحياته

وشنو الشغلات إلي سواها ... ويدعي ربه إن يغفر له كل ذنوبه بهالليلة ...

ويبين لله سبحانه وتعالى اشكثر ندمان ...

وترى (الدموع) تغسل القلب واترققه ...

قال رسول الله صلى الله عليه وآله وسلم : عينان لا تمسهما النار

عين بكت من خشية الله ، وعين باتت تحرس في سبيل الله

-----

انتوا اشرايكم؟

-----

كنت بالبحرين للدراسة وطافني القرقيعان في بيت يدي

كل سنة أنطر هاليوم عشان أصور اليهال بلبس القرقيعان

هالمرة ما في صور :(

-----

يوم سفرتي وانا قاعدة في مطار الكويت عند بوابات المغادرة

شفت موقف شد انتباهي

طبعا تدرون إن المطاعم في هالمكان بس تكون فاتحة

شفت مجموعة من الشباب الكويتيين قاعدين في ماكدونالدز ياكلون

آنا عارفة إن المسافر يجوز إن يفطر وفي من يقول إن مستحب

ولكن أحس ذوقيا مو حلوة

يعني نطروا لما تركبون الطيارة واكلوا

انتوا لي الحين في ديرتكم والناس كلهم صايمين

أشوف إن عيب ما احترموا الموجودين

والغريب إن الساعة كانت 7 الصبح

واهمه ياكلون ساندويتشات

Hamburger sandwiches

big ones!

أحد يتريق همبرجر؟؟؟

والله يضحكون جنه مو مصدقين إنهم لقوا مكان مسموح ياكلون فيه :)

آنا ما أفتي بس مو جنه الواحد يقدر يفطر بالسفر ولكن مو قبل ما يسافر؟

أهمه لي الحين ما سافروا !!!

عموما إفطار المسافر جائز حتى لو ما كان السفر فيه تعب ومشقة

بس مادري ليش حسيت تصرفهم مو سليم أكلهم بهالطريقة وبهالمكان وبين هالناس

إلي كلهم صايمين والكل يخزهم واهمه عادي مو مستحين

شكلهم ما كان حلو

:/

-----

Speechless ...

-----

He called and told me he has a serious heart problem

and started explaining it then said that he

might have a heart attack any minute!

-----

How did I react?

What did I tell him?

a comforting word?

something to give him hope?

give him strength?

make him think and feel positive?

---

No!

I was speechless :/

I didn't know what to say!

-----

There are moments in life when I get speechless

I hear bad news

I get shocked

sad

I can cry with someone crying

I can cry even if the person is not crying

instead of being strong for someone

I can’t say a word

I hide myself and avoid facing that person

-----
It is embarrassing
I think it makes them feel like I am not helping at all
Or that I don’t care!

-----

This makes me remember when my friend's sister

died years ago

Days later my friend told me

"Ra-1 you cried more than I did"

I looked at her, and thought

I should have been stronger

I even remember going to her house right after the accident and I stood near the door looking at her and my friends were pushing me to go hug her

I was scared I wanted to run away and not see her like that

I don't know why I do that :/

but everyone react differently when hearing bad news

right?

-----

Still using the old google?

-----

Google's new Chrome browser

-----