CHINA #4

بما إني ما داومت اليوم
وقاعدة بالبيت مريضة
بكتب حلقة المستشفى :p
بعد ما مرضت من المطعم إلي حطيت لكم صور أكله



المستشفى ماشالله منطقة كاملة
وايد كبير ومقسم بنايات
كل بناية متخصصة بشي



وتمشون مسافات طويلة من مبنى لي الثاني
بس ما حسينا لأن الحدايق والخضرة بكل مكان
يعني الواحد يرتاح والمريض ينتعش لما يتمشى بالمستشفى
:)


أول مبنى دخلناه
كان ايخرع
الظاهر مجاني
لأنه زحمة وعفسة
إلي يبجي
وإلي متكسرة ريولها وإيدها وزوجها شايلها على ظهره
والعيوز منسدحة على الأرض
وانا أمشي حاولت كثر ما أقدر محد يحوشني لأن الأمراض أنواع وأشكال
الله يكافينا الشر
:(

بعدين قالو لنا إن احنا داخلين غلط

this is for Chinese only!
you have to go to the foreigners building ...



وصلنا الفورينرز بيلدنج
صج فرق!
كشخة ونظيف وأهم شي فاضي مو زحمة



هذا الدكتور إلي عالجني
وقال إن إلي صار فيني التهاب من الأكل
:


عطوني بطاقة معدن نفس لكرديت كارد عليها صورة مدخل المستشفى
ومعلوماتي عشان إذا ييت مرة ثانية
إن شالله ما أحتاجها



الأدوية الصينية

N_N