Wednesday, September 28, 2005

Elections 2005

قبل التعليق



بعد التعليق



beautiful!



عاشوا بنات الائتلافية :)



My nephew was with me in the University!

(Take me home or I will remove the badge) :p


متعلم يلعب بالقفل والدرايش :)


(hunny u are home now so stop playing and let me go!)

n_n

Sunday, September 25, 2005

أكثر الأشياء بشاعة في هذه الحياة
.
.
.
.
.
الظلم

Saturday, September 24, 2005

;)

Dear sweet sis




Wednesday, September 21, 2005

I love u mama :*

توني مندمجة بالشغل
جان توصلني مسج من أمي
توقعت يا إن فيها (روحي المكان الفلاني) أو (اشتري الشغلة الفلانية) أو (لا تنسين هالشي) أو وين بتروحين بعد الدوام؟
as usual ya3nee :p

فتحتها ولا ما فيها شي من إلي توقعته
!!!

المسج يقول
........................................

أنا فخورة بك لما حققت من إنجاز في (.....) وأتطلع إلى المزيد في نطاق العبادة أولا
ثم العمل ومجالات الحياة
الله يوفقك ويرعاك
يا (.....) المزيونة

..................................

أحس إني ببجي وأحس إني بطير من الفرحة
ما في أحلى من هالشعور
:)))
ماما راضية عني
شنو أبي أكثر من جذي
راضية عني وانا ما أستاهل
راضية عني وانا امقصرة بحقها وايد
:'(
ما أدري أرد عليها بمسج؟
ما أدري شكتب؟
ما أدري أتصل فيها؟
أشتري لها هدية أو أطرش لها ورد؟
كل هذا ما يرد لها الجميل

الله ايطول بعمرها ويسعدها دنيا وآخرة
وإن شالله دوم راضية عني

MAMA you made my day !



Sunday, September 18, 2005

Saturday, September 17, 2005

CHINA #3 >>> FOOOOOD ;p

أول ليلة لنا
حدنا يواعه وتعبانين
ما يمدينا اندور مطعم انعرفه
قلنا أي مطعم ناكل شي والصبح يصير خير

قاعدين نتمشى بالشارع ومتروووس مطاعم
غير إلي يطبخون بالشارع
الريحة استغفرالله :ما أدري شلون متحملين ريحة الجو عندهم

آنا مكاني وانا أصور الحين بالشارع
وهالحريم على الرصيف
الناس يشترون منهم وايد !
:p


قربت وصورت ولي الحين ما عرفت شنو هذا
شي سيده ينوكل
يشترونه وياكلونه على طول
!!!
ترى مو قباقب

----------------------------------------------
دخلنا مطعم ولا الطاولة إلي يمنا واحد منهم سكران
وصارت هوشة!
قعد يصارخ على إلي معاه
جان يطلع ظرف وطلع الأوراق إلي داخله
شققهم وقطهم على الأرض وداسهم
شكله يضحك :p
الظاهر أوراق مهمة لأنه إلي معاه عصبوا وشكلهم منصدمين
والغريب إن كل الناس قاعدين ياكلون عادي
ولا جنه في هوشه يمهم أو صراخ !!!
حتى الجرسونات ما كلموه ولا طلعوه
أبوي قال امشوا خل نطلع
لأنه بعد توهقنا بالمنيو
menu
محد يفهم انجليزي وماكو انجلش منيو
:
دخلنا مطعم ثاني
الأكل تلقونه حي !
تختارونه بعدين يذبحونه ويطبخونه


منو يبي ياكل ضفدع؟
الضفدع ما استغربت منه وايد لأنه الفرنسيين ياكلونه
بس الشي إلي توني أكتشف إن الناس تاكله
هذا



سلاااااااااااااحف

I have no comment on that :
بقية الأحواض فيها حيايا وسحالي وحشرات أنواع وأشكال
بس ما صورت
لأنه ماقدر أشوفهم أصلا
يلوعون الجبد :s

---------------------------------------
أكثر من ساعة نحاول نفهم شنو عندهم أكل طبيعي
سمج على الأقل
بس اللغة عندهم مشكلة
والله يعافي هالصبي



قاعد بالطاولة إلي يمنا ويعرف جم كلمة انجليزي
مسكين ما خليناه ياكل :p

--------------------------------------
bon a petit :)





---------------------------------------

لا لحظة :p

وصل الأكل
آنا طلبت اسمجه اخترتها من الحوض
مسكينة ماتت lol
حتى سمجهم غير
الحمدلله على الأكل إلي بديرتنا



اليوم الثاني مرضت :(

!!!



ترقبوا رحلة المستشفى بالصور :)

Wednesday, September 14, 2005

وقفة بين الصور !

حطيت الصور مع كلمتين بدون شرح وهذي مو عادتي
خصوصا إن عندي قصص اشطولها صارت لنا بالصين
بس للأسف من رجعت وشغل الدوام وايد حتى آخذه معاي البيت
بحاول أكتب شي قصير مو قصة ولا سالفة طبعا
بس مختصر مفيد :p
------------------------------
ردا على سؤال العنان وغيرها وايد اسألوني هالسؤال
ليش رايحة الصين؟ شموديج؟
بالنسبة لطريقة بيتنا بالسفر
انحب انغير يعني ما انروح نفس الدولة كل سنة
كل سنة انحب نشوف دولة ييديدة ما شفناها
وسبحان الله صارت الصين هالسنة
:)
الحمدالله استانسنا وايد
بس بنفس الوقت ولهت وايد على كل شي !
لأنه سفراتنا دايما ما توصل شهر
حتى لما رحنا بلدان بعيدة نفس أستراليا وأمريكا قعدنا ثلاث أسابيع بس
بس هالمرة قعدنا شهر بالصين وغير هذا لا أمي معانا ولا اخواني
فوايد فقدتهم :( حسيت السفرة سنة مو شهر !
------------------------------
الصين فعلا عالم ثاااني وكل شي فيها غريب
بالموضوع السابق حطيت لكم صور المباني في مدينة شنغهاي
احنا رحنا ثلاث مدن كبيرة
شنغهاي
وبكين العاصمة
وقوانزو
أكثر وحدة اعجبتني شنغهاي حسيت إني بمدينة المستقبل
كأنه 20 سنة جدام لأنه مبانيها أشكالها عجيبة وحلوة
بكين ما فيها شي ولا كأنها العاصمة
مو متطورة مثل شنغهاي
الشي الوحيد إلي يسوى
سور الصين
وهو موجود ببكين
السور يبيله موضوع بروحه مع الصور إن شالله
وبالنسبة للموضوع الياي راح يكون عن الأكل
لأنه بعضكم مستعيليين بيشوفون أكلهم :p
--------------------------------
موضوع كتبته لما كنت اهناك CLICK
yalla back to work n_n

Sunday, September 11, 2005

CHINA # 2 (Shanghai)







:p اضغط على الصور لتكبيرها

Wednesday, September 07, 2005

CHINA #1





بالطيارة
ready to go :)


----------------------------------------------

Shanghai airport
خارج المطار


----------------------------------------------

أول صينيين لقيناهم


----------------------------------------------

سايق الميني بص
:p

---------------------------------------------

my packbag n_n

Monday, September 05, 2005

miss me? :p

وأخيرا ولله الحمد آنا في الكويت
كانت رحلة طويلة وغريبة لا ينتهي الحديث عنها :)
---------------------------------------
توني دريت من إيميل عن وفاة الشيخ الداعية أحمد ديدات الله يرحمه
:'(
أتذكر مناظراته كنا صغار انطالعهم بأشرطة فيديو
ماشاءالله كان ذكي وواثق من نفسه لأقصى درجة
وعنده جواب وحجة لأي سؤال أو اتهام يوجه إليه
المسلمين افقدوا شخص نادر في هذا الزمان
وأسأل الله تعالى أن يجعل قبره روضة من رياض الجنة