Tuesday, December 21, 2010

Little Angels :) الله يحفظهم

My best friend is a Mommy!

Yes True Faith is a mother now of a cute little princess :)

So now I am a mother too! before even thinking about

getting pregnant LOL thanks True Faith :p

No one can imagine how happy I was when

her sister called telling me TF gave birth!

I got SO excited :D

And then days later my close cousin gave

birth to her first child too! a little prince :)

They both were so pregnant on my wedding,

I was worried they wont be able to come heh :)

-----

Girls I know you visit my blog! So if you read this,

I want you to know that I love you & the cutie pies too :*

Monday, December 13, 2010

يارب تغفر له وتصبر أهله

صدمنا بوفاة ابن خالتي الحبيب :(
-----
صورة قديمة من تصويري لما وديتهم يلعبون في كوزمو
واهوه الي واقف عاليسار

-----

صج الدنيا ما تسوى إن الواحد يزعل أحد

أو يضايق أحد

أو يكون بعيد عن الأخلاق والأدب

أو يغلط في حق نفسه أو في حق رب العالمين

لأن بأي لحظة ممكن تطلع روحه

-----

يارب ترزقنا حسن الخاتمة

Thursday, December 09, 2010

كانوا يتكرمون والحين ينطقون!

وينك يا بابا جابر وينك :(


-----
لي عودة مع الموضوع ...

Monday, December 06, 2010

أحبج يا الكويت I love you Kuwait :*


اليوم ماشاءالله الناس كلهم مستانسين ومبتسمين

محد يتحلطم ولا أحد معصب من الصبح

مبروك للأزرق وللكويت والله فرحنا وايد

وكنا محتاجين هالفرحة بعد الأحداث المزعجة هالأسبوع!!

من عفسة المجلس إلى مقابلة العبدالجليل وانتهاء بضرب الجويهل

بغض النظر عن مساوئه بس الي يصار غلط وأكبر عيب

الله يتمم علينا الأفراح وأهم شي الابتسامة :)

-----
Hey girls anybody in Bahrain?

enjoy the SALE starting tomorrow :D

I got messages from: Karen Millen, BCBG, ABS, Class Roberto Cavalli & Versace.

Also get the new Tom Ford lipsticks Exclusive at Saks 5th avenue!

طبعا هذا محلي المفضل هناك

لما أدشه أنسى نفسي :p
-----

اليوم أول يوم أشتي فيه

أخيرا حسيت إن صج برد وشتا

وهذي صورة شتوية بهالمناسبة :)

الشتا من غيرك حيل دمّه ثقيل!
-----
عام هجري جديد يطل علينا غدا

أسأل الله تعالى أن يجعله عام خير وأمان للإسلام والمسلمين

:) وعطلة سعيدة للجميع

Sunday, November 21, 2010

تهنئة متأخرة

عيدكم مبارك
وكل عام وأنتم بخير وسعادة
وإن شاءالله تكونون قضيتوا عطلة جميلة
آنا قضيتها بالعبدلي وكان عندنا واي فاي وخمس آي بادات وأربع لابتوبات عالأقل!
وكل واحد مجابل واحد بس تكيسلت أكتب الموضوع :p
مرة ثانية بحط قانون ممنوع أي ياهل معاه آي باد أو لابتوب لأن هذي مزرعة
المفروض الواحد يتمشى ويركض ويلعب خصوصا إن الجو كان بارد وعجيب
والي يضحك إن كل واحد قاعد يزرع وكل شوي يوريني مزرعته
بس يزرع وهو منسدح ومجابل الشاشة!
هاللعبة الي عمري ما جربتها الحمدلله
والله خفت أجربها من كثر ما الكل أدمن عليها @@
-----
هذا الخروف يحتفل بانتهاء عيد الأضحى
:)

-----
عطوا عيادي حق العمال إلي ينظفون دوامكم أو جامعتكم أو مدرستكم

وحق الي يسوون الشاي والقهوة ترا راح يفرحون وايد حتى بأقل مبلغ ...

.
الصدقة تطفئ غضب الرب

.
الصدقة تدفع البلاء

Monday, November 08, 2010

Oldest woman Haji

أذكر نفسي قبلكم باستغلال أفضل أيام بالسنة بالطاعات والذكر والاستغفار والصدقات
-----
عن ابن عمر –رضي الله عنهما– قال :قال رسول الله صلى الله عليه وسلم ما من أيام أعظم عند الله - سبحانه-
ولا أحب
إليه العمل فيهن
من هذه الأيام العشر، فأكثروا فيهن من التهليل والتكبير والتحميد
-----
يارب تصلحنا وتهدينا وتغفر لنا
-----
هالسنة راح تحج سيدة هندية عمرها 120 ماشاءالله
وبإذن الله يتحقق حلم حياتها :')
قصتها خلتني أفكر شلون احنا الحج قريب منا وسهل علينا
وهي ووايد مثلها ينطرون سنين عشان اسمهم يطلع بالقرعة
وبآخر عمرهم يمكن تصيرلهم فرصة تأدية فرضهم ويمكن لأ
الله يعينهم
-----
بحطلكم القصة كما وصلتني بالإيميل
والصور جديدة مأخوذة لها بشهر 10

Born in 1890, Going for Haj in 2010:
India's Munni Begum ready for pilgrimage

Munni Begum is 120 year old and is all set to go for Haj, after special permission as her name didn't figure in the draw of lots.


The old woman who gave birth to eight sons and daughters, heads a huge family that lives in Kho Nagorian locality of Jaipur.

Family members say that Munni Begum was born in August 1890. She has 52 grandsons and granddaughters apart from 96-odd great grandsons and great granddaughters other than two dozen great-great-grandchildren [and even their kids].


The elderly woman has seen three centuries. And now she is all set for the pilgrimage she has waited for all her life. On Saturday she reached the office of Haj Committee to fill the form. The Central Haj Committee officials from Delhi gave her special permission.

The Rajasthan Haj Welfare Society has requested the Saudia Arabia government that special attention should be paid to her because of Munni's age.

Munni Begum is perhaps the oldest woman on record to embark for the holy journey. She says that she had the wish to go for Haj ever since she was married in her teenage, and thus her wish is going to be fulfilled after over a century.


One wonders if there is a tendency among the Rajasthanis, particularly, the Jaipur residents to live longer.

Earlier, Habib Miyan had gone for Haj at the age of 134. He had suddenly drawn international attention after it was found that he had been drawing pension for over 65 years.

Habib Miyan had retired in 1938. He went for Haj in 2004 when he was 134. Though birth certificates were unknown in the olden days, the bank records proved his age.

As per the pension papers, Habib Miyan was drawing pension since 1938. The documents clearly showed him as born in 1878 and this made him the world's oldest man alive until his death at the age of 138 in 2008. The bank officers delivered his pension at his home.

Now it's Munni Begum's turn though she is not a 'Munni' in the literary sense. [Munni means little in Urdu] In India, it was the tradition that mostly older persons went for Haj, after they had fulfilled their worldly responsibilities.


In recent years the pilgrims have begun going at a comparatively younger age, still a large number of Indians who go to Hejaz [Arabia] are over sixty. And Munni Begum clearly beats them as well. One hopes that along with other Hajis, she also manages to perform the Haj and returns safely. Amen.

وهذا الفيديو يبين استعداداتها للحج :)
Click Here

Thursday, October 28, 2010

It's a Small World After All

قبل كنا نقول الكويت صغيرة
ولي الحين نقولها
بس لما وصلتني هالرسالة قلت العالم صغير!
صج العالم صار صغير سبحان الله :)
تذكرون هالصورة؟

نزلتها في هذا الموضوع بشهر 4
Click Here
-----
هالبنت طرشت لي رسالة في فلكر @@
اهي مو ضايفتني بفلكر ولاتعرف موقعي ولا ايميلي ولا حتى اسمي
مادري شلون لقت الصورة مع إنها قديمة
وطرشت تقول:
Hi :)
Alheen
Ana elly kent fe Dubai o glty tabeen t9awreen my shirt

lamma knt wagfa fel kushk elly 7ag el balayz o glty mara7

t6al3een wajheee, 9a7?! :X


جان أكتب لها رد أعتذر وقلت لها إني ماأذكر إني قلت ماراح أطلع ويهها
واذا تبين أمسح الصورة
وصج إلي أذكره إني قلت لها بصورها وبحطها بالموقع
عاد يحليلها ردت علي إن لا عادي لا تعتذرين وخلي الصورة :)
-----
So cute :)
بس
الغريب شلون البنت وصلت حق صورتها من بين كل المواقع بالانترنت
LOL

Monday, October 25, 2010

Amazon Will Let You Loan Kindle Books To A Friend

أعلن الموزع الإلكتروني أمازون أنه سيفتح المجال أمام مستخدميه لإعارة
كتبهم الإلكترونية التي يمكنهم قراءتها عبر نظام كيندل إلى أخرين
وأشارت المجموعة على موقعها الإلكتروني إلى أن الخدمة هذه سوف تتوافر بحلول نهاية العام الحالي
وأوضحت أنه بالإمكان إعارة كل كتاب مرة واحدة لمدة 14 يوما
لكن مالكه لن يتمكن من قراءته خلال هذه الفترة
لن تكون الكتب جميعها متاحة للاعارة والقرار هنا يعود إلى الناشر أو إلى صاحب
الحقوق الذي يحدد ما هي المؤلفات التي يسمح بإعارتها

Thursday, October 21, 2010

الحمدلله رب العالمين

ومر شهر على كتابتي لآخر موضوع

وبهالشهر تغيرت أشياء وايد

ما أقول تغيرت لأن حياتي نفسها بس انضافت لها أشياء ييديدة

ليش الناس تسمي الزواج صفحة جديدة؟ وحياة جديدة؟؟

وليش الناس يتغيرون بعد الزواج؟

وليش يمسحون شغلات وايد من حياتهم؟ شغلات كانت جزء من يومياتهم؟

اهتمامات هوايات صداقات طقوس يومية معينة ... إلخ !

المفروض إن الزوج وعايلته والالتزامات الجديدة تنضاف لبرنامج الشخص وينظم جدوله وأولوياته بس ما يلغي إلي كان موجود قبل

ولا يلغي شخصيته ولا خططه ولا أهدافه وأحلامه

وهذا هو الصح

-----

خلال الثلاثين يوم إلي طافوا كان عرسي

كنت أحلم بعرس صغير بالبيت

ولكن صار العكس لأن الوالدة الله يحفظها تبي تعزم كل إلي تعرفهم :p

كانت حفلة كبيرة بفندق بس كانت أجمل من إلي كنت أحلم فيه ولله الحمد

كل شي كان حلو والكل كان مستانس

كان ودي لو كنت أقدر أمسك كامرتي وأصور ههه

وطبعا كان في حضور من البنات إلي تعرفت عليهم في عالم المدونات

وأيضا صديقاتي من مصر والهند وباكستان وغيرهم

:)

-----

أشكر من كل قلبي أبوي حبي الأول وأمي الغالية وإخواني وخواتي

وأهلي وصديقاتي خصوصا البرايد ميدز

أحبكم وايد والله يخليكم لي

-----

طرنا بعدها إلى بيت الله الحرام

اقتراح زوجي كان تأدية العمرة في البداية

وكان أحلى قرار وأسأل الله سبحانه وتعالى أن يتقبل منا

-----

بعدها اتجهنا لتايلند

تايلند ما كانت بالخطة أبدا

طول عمري أبي أروح إيطاليا بشهر العسل مثل أمي وأبوي

بس صادف إن موسم أمطار فأجلناها

وقلنا نختار بلد في شرق آسيا لأننا من عشاق هالدول

طبعا الصين ما تصلح والصدفة إن اثنينا زايرينها خلال هالسنة :)

فاحترنا بين بالي وتايلند حتى استقرينا على تايلند

-----

جزيرة بوكيت ومدينة بانكوك يحتاجون موضوع لهم

فيهم أماكن وايد حلوة أنصح بزيارتها

راح أتكلم عنهم مع الصور في وقت قريب إن شاءالله

-----

رجعت الكويت ولقيت أخوي مع زوجته منتقلين لندن للشغل !

وأخوي الثاني لي الحين مارجع أستراليا يعني عندي وقت أستانس معاهم الحمدلله

:D

-----

اليوم أول يوم دوام بعد إجازة الـ 15 يوم إلي سمحوا لي فيهم وكانوا من غير راتب بعد

وأمس كان إضراب للعمالة إلي يسوون الجاي @@

حسافة طافني ما شفت شصار :)

-----

إي نسيت! قبل عرسي بيومين كنت طالعة ورجعت البيت شفت سيارات غريبة ماعرفهم

دشيت جان ألقى كل بنات خالاتي! مسوين لي حفلة مفاجأة

لتوديع العزوبية ههه :)

يايبين أكل وكيك وهدايا عجيبين ولعبنا مسابقات وكان في عرض فلم عني

صور آنا عمري ما شفتهم مادري من وين يايبينهم

واقعدوا عندي إلى الساعة 1 بالليل

كان يوم وايد حلو ماراح أنساه

-----

أمبيه كتبت وايد

خلاص أتمنى لكم إجازة نهاية أسبوع جميلة

مع الجو الجميل

Wednesday, September 22, 2010

Dear Blog ...

Dear Blog, I’m sorry that you and I haven't been spending much time together lately.


Dear Blog, Eid was different, The schedule was the same but it was weird thinking that the coming Eid inshaAllah I won’t be at this house, wont wake up in this room, won’t go to this mosque for Eid Prayer, wont greet these neighbors, won’t watch sunrise in this neighborhood which I was living in for 28 years, yes all my life!


Dear Blog, this working place is so weird, funny and annoying things happen here every day, one day they change my Boss and the other day I got to work with two Bosses (is that a correct word?) LOL. People here yawn in loud voices all the time. I hate that! And there is this mean girl which I keep ignoring and hating more every day. Some girls don’t smile back which is strange. But there still are sweet colleagues, very sweet ones which is good :)


Dear Blog, My bro the blogger "Eb9ara7a" is back from Australia, he kept calling and saying he can’t attend the wedding but then he surprised me at home LOL it was funny when I saw him I was crying & the rest were laughing at me :p I love him, love his wife & their daughter :*

Dear Blog, kafee garga for today :p
-----
ما يصير موضوع بدون صورة :)

Photo taken in Germany 2008

Friday, September 10, 2010

عيدكم مبارك

وكل عام وأنتم بخير وسعادة :)

Wednesday, August 25, 2010

Happy Gerge3an!

Enjoy the candy everyone :)
I took this pic for my niece last year hehhe :p

Sunday, August 22, 2010

Let's pray for Pakistan!

اليوم داومت بعد إجازة مرضية
عملية صغيرة بإيدي الحمدلله
مسكينة هالإيد ثاني مرة تتبنج خلال خمس سنوات :)
-----
تصدقون شنو شفت اليوم الصبح؟
واحد بجيب باترول أبيض وقاعد يدخن !!
وقط الزقارة جدامي
آنا حسيت بشعور غريب والله قلبي عورني
حتى لو الواحد عنده عذر وفاطر
أو حتى لومايخاف من رب العالمين وفاطر
افطر في بيتكم مو جدام الناس !!!
يعني لما الناس تقوم ما تستحي من الغلط والمجاهرة بالمعصية ترا هذا شي كبير
ولما تصير هالتصرفات في وقت الشياطين فيها محبوسة هذا شي أكبر وأكبر
الله يكافينا الشر ولا يبلينا
والله يهديهم
------
ادعوا لإخواننا في باكستان الله ينقذهم من الفيضانات ويعينهم
ويرحم الـ1500 شخص الي اغرقوا
ويشفي المرضى
أكثر صورتين أثروا فيني أحطهم لكم
فعلا الصور تكفي عن كل الكلام !

-----

Wednesday, August 11, 2010

بنسيم الرحمة وعبير المغفرة أقول

كل عام وأنتم بخير 


May the blessing of Allah (swt) fill your life
with happiness and success :)

Friday, August 06, 2010

Q8 bbq

 :p الأسبوع إلي طاف قاعدة أتمشى داخل الانترنت
وصدفة وصلت مكان "باربكيو" شوي !
الموقع كان غريب وشي ييديد لفت نظري
خصوصا إن شاب كويتي يبيع شغلات جاهزة للشوي وحاط عليها الخلطة وكل شي
ويوصلون للبيت أو الشاليه والمزرعة
عاد آنا كنت بروح العبدلي بعدها بيوم فقلت خل أطلب وأجرب
-----
أول شي معاملتهم وايد حلوة
وثاني شي مواعيدهم مضبوطة
وثالث شي يتأكدون منكم إن الطلب وصل وإذا كل شي أوكي وعاجبكم
:)
-----
الموقع هو 
-----
آنا طلبت سلطة اسمها
3abdely Salad
وعندهم أنواع ثانية بس آنا بما إني بروح العبدلي
قلت لازم سلطة العبدلي عشان يلوق ههه
بس نسيت أصورها :)
-----
وطلبت هوت دوج
بس كان جاهز نفس إلي بالجمعية
-----
إلي عجبني الشغلتين الثانيين
أول شي الـ
Condiments Basket
شكلها يونس وفيها عشر أشياء
-----
"click on any photo for a larger view"

-----
-----
وثاني شغلة الـ
Buffalo Chicken Wings
كان وايد حلو
وهذي صور أثناء وبعد الشوي

-----
-----
-----
-----
وإن شاءالله مرة ثانية نجرب أنواع ثانية
Thank you Q8 bbq!
-----
 آخر جمعة قبل رمضان المبارك :) 
 اللهم بلغنا رمضان و أنت راض عنا غير غضبان 

Monday, August 02, 2010

We will Never forget 2.Aug.1990

لما أتذكر الغزو العراقي الغاشم على دولتنا الحبيبة الكويت

أتذكر عمي الله يرحمه

إلي خذوه أسير بطيارة صغيرة فيها مروحيتين

أتذكر لما رجعوه الكويت بعد الغزو وكان فاقد الذاكرة لأن بالسجن

كان يغلط عليهم ويمدح الكويت فكانوا يعذبونه بالكهربا

وأذكر إن توفى بعد الغزو بجم سنة قبل ما يشوف عياله إلي كانوا أسرى أيضا

-----

لما أتذكر الغزو

أتذكر عيال عمي الله يرحمه ويرحمهم

كانوا توأم متشابه

وكانوا في المقاومة ومتطوعين بالمخبز

يخبزون حق الأهالي ويوزعون أكل على البيوت

وكان واحد منهم متزوج قبل الغزو بجم اليوم


خذوهم أسرى ولي اليوم ما شفناهم

الله يتقبلهم شهداء ويرحمهم جميعا

-----

لما أتذكر الغزو

أتذكر زوج خالتي الي خذوه أسير من المسجد وكان وقتها يصلي صلاة الجمعة

خذوه مع كل الكويتيين الي كانوا بالمسيد


ورجعوه لنا خلال فترة الغزو أيضا

كنت وقتها في بيت خالتي

أتذكر الصمونة إلي طلعها من مخباته يورينا إياها

صمونة يابسة صخررر هذي كانت وجبتهم بالسجون العراقية

-----

لما أتذكر الغزو

أتذكر نقاط السيطرة

وشلون كانوا العراقيين يوقفونه بنص الشارع ويفتشون السيارة

-----

لما أتذكر الغزو

أتذكر سرداب بيت يدي إلي عشنا فيه نص فترة الغزو

ومعانا مو أقل من خمس عوايل كلهم سكان الفريج

-----

لما أتذكر الغزو

أتذكر العيوز إلي بيتها بالمنصورية كانت تبيع حلاو كل الأنواع نروح ونشتري منها

-----

لما أتذكر الغزو

أتذكر المطر الأسود ونقط المطر الملوث بالنفط موجودة على ملابسي خاشتهم لي الحين

-----

لما أتذكر الغزو

أتذكر الخوف خصوصا لما بدت الضربة الجوية وكنت وقتها نايمة فوق

ويت أمي قعدتني وقالت بسرعة روحي السرداب

-----

لما أتذكر الغزو

أتذكر تنكر الماي إلي ايينا كل فترة يسوقونه كويتيين

وكنا نترس درام الزبالة مال الشارع ماي

عشان نغسل منه لأن ماكو ماي!

-----

لما أتذكر الغزو

أتذكر الفوانيس الي نشبهم بالليل لأن ظلمة ماكو كهربا

والظهر لأن ظلمة ماكو شمس بسبب الغيوم السودة من دخان حرائق الآبار

-----

لما أتذكر الغزو

أتذكر بياع الألعاب الهندي بجمعية الفيحا

لي الحين موجود محله بالمواقف

كان يبيع علينا أثاث بيت باربي بأسعار رخيصة

-----

لما أتذكر الغزو

أتذكر الدرايش لما لزقنا عليهم جلاد كتب

عشان ما يتكسرون من صوت القصف

-----

لما أتذكر الغزو

أتذكر لما رحنا بيتنا بمنطقة ثانية ناخذ أغراض

لقينا الباب مكسور وبايقين التلفزيون والفيديو وأشياء وايد

-----

لما أتذكر الغزو

أتذكر خالي لما طقوه العراقيين وربطوه بالسيارة وسحبوه

لأن أبيض وأشقر وعنده نمش

عبالهم أمريكي !

-----

لما أتذكر الغزو

أتذكر لما كنت أتسلق فوق الملحق في بيت يدي

ومرة صعدت جان أشوف خالي مع مجموعة شباب المقاومة

قاعدين دائرة وحاطين خناجر وسجاجين وأسلحة بالنص !

-----

لما أتذكر الغزو

أتذكر العراقية الي كانت لابسة لبس عسكري وجوتي جيش أسود كبير

وحاطة عباية قصيرة على راسها !!

كانت تمشي جدام بيتنا وكنت أطالعها من الفتحة تحت الباب

وكانت إختي الصغيرة منسدحة بالحوش يمي وكنت صاكة حجلها بإيدي

عشان ما تتكلم ويسمعون صوتنا

كان رعب !!

-----

لما أتذكر الغزو

أتذكر لما يمعنا كل الدفاتر والكشاكيل الي عليهم

صورة بابا جابر وبابا سعد الله يرحمهم

وخشيناهم مع أعلام الكويت

-----

لما أتذكر الغزو

أتذكر وااايد أشياء

ووايد مواقف

مستحيل أنسى أي شي منهم

بس إذا كتبتهم يبيلي كتاب كامل :)

-----

يارب تحفظ ديرتنا الحلوة الكويت من كل شر

Tuesday, July 13, 2010

Ra1 is taken!

عندما تكون الأوسط يتحتم عليك أن تبحث لنفسك

عن هوية لا تشبه الكبار ولا يفهمها الصغار

لكي تكرس فرادتك

كان علي أن أدشن عالمي الخاص

-----

الكلمات السابقة للكاتبة بثينة العيسى تنطبق علي تماما

حيث كنت الأوسط بين إخواني وأخواتي وكنت المختلفة

أو غريبة الأطوار كما يقولون :)
-----

وكما أقول دائما فالحياة رحلة ومحطات

ولأني شاركت مدونتي هذه بمحطات عديدة من حياتي

فلابد أن أشاركها بمحطة مهمة
وهي محطة الزواج
-----
وللمرة الأولى لا أكتب موضوعي وحيدة
ولكن أكتب وبجانبي شخص يقرء كلماتي
ويساعدني على صياغة الجمل والتعبير عن ما يجول بخاطري
وهذا الشخص هو زوجي الذي أحب فكرة هذه المذكرات :)
-----
أسأل الله سبحانه وتعالى أن يوفقني ويوفقكم

ويحقق أحلام الجميع

Monday, June 28, 2010

Working with girls is a disaster!

وأخيرا توظفت :)
بعد استراحة مدتها ستة أشهر زرت خلالها أخي في أستراليا
وزرت الصين في رحلة سريعة مع أخي الذي يصغرني بخمس سنوات
وأختي التي تصغرني بثمان سنوات
كانت من أجمل الرحلات وأمتعها
أخوي أول مرة يروح الصين فآنا وأختي كنا المرشدات السياحيات
تفاصيل الرحلتين عندي في دفتر مذكراتي الذي كان يلازمني بالسفر
أنقل لكم لما ألقى وقت وما أكون كسولة :p
-----
بالنسبة للوظيفة هذا الي بتكلم عنه اليوم
أحس إني بنفجر
وقلت أفجر الشحنات السلبية الي فيني بالبلوق :D
آنا لما قررت أنتقل من القطاع الخاص للقطاع الحكومي
أول شي حطيته في بالي إن المكان لازم يكون فيه شغل
آنا وحدة أحب أشتغل وما أحب الملل والوقت الضايع
ووايد سمعت عن الوزارات وإن الوضع سوالف وأكل ونوم
المكان الي اخترته الحمدلله مثل ما أبي
ومن أول أسبوع عطوني مهام وما وقف الشغل وهذا شي وايد حلو
بس الشي المو حلو كلش
اهوه البنات !
المكان أغلبه بنات ومديرتي مره وانا مو متعودة أشتغل مع بنات
من كثر ما الوضع يبجي قاعدة أضحك :)
إلي تتفلسف علي على أساس إني ييديدة
وإلي تغار مني لأن يبوني أحضر كل الاجتماعات بحكم خبرتي السابقة
والي أسلوبها مو حلو
والي تسأل أسئلة غريبة
والي تخز وما تبتسم
!!!
وماكو نظام
أمس واحد شافني أطالع ساعتي وانا أكتب ساعة الخروج لأن ما سوولي البصمة
جان يقول: كتبي 2:30
قت له الساعة 2:15 ماصارت 2:30 مايصير أزيد الوقت وانا طالعة مبجر
جان يضحك وما يقول شي
-----
بس مابي أظلم الكل في جم بنت حليوين وحبيتهم من أول يوم :)
بس البقية أشياء عجيبة وغريبة
بس هذي ميزة عشان كل يوم أرجع البيت وعندي قصص أقولها
hehhe
إي ونسيت أقول لكم عن المكاتب
آنا منصدمة بس مادري إذا كل الأماكن جذي !!!
مكاتب البنات ليش كأنهم غرف أطفال؟؟؟
والله ما تتخيلون ودي أصورهم وأوريكم
ملزقين ستكرز كل مكان وحاطين ألعاب وريش وردي
وجلاد هدايا مغلفين الطوفة والمكتب وصور عيالهم كل مكان
@@

Friday, June 18, 2010

A package from Japan!

ولي الحين ما تابعت ولا مباراة :)

-----
وصلني طرد من اليابان
من صديقتي أيكو :)
سلة فيها كيك وبسكوت ودبين صغار
أهم شي إن ببيتنا محد رضا ياكل منه يقولون
 مو عارفين مكوناته وشكله ما يشوق
وأمي تقول هذيله بوذيين مادري شحاطين فيه ههه
 آنا جازفت وكليت بس والله حلو :p

Friday, June 11, 2010

The waiting is over!

The World Cup is about to kick off :)

Thursday, June 03, 2010

Tagged !!

حده من زمان عن سالفة التاق !!
هبينا فيها فترة بعدين انقطعت
واليوم نرجع لكم بعد ما وصلني الواجب ولازم أحله
-----
قوانين التاج السلطاني
اذكر اسم من طلب منك حل هذا الواجب
تحدث عن ستة أسرار قد لا يكتشفها من يقابلك للمرة الأولى
حول هذا الواجب إلى ستة مدونين، واذكر أسماءهم مع روابط مدوناتهم في موضوعك
اترك تعليقا في مدونة من حولت الواجب إليهم، ليعلموا عن هذا الواجب
-----
نيو برايد هي من طلبت مني حل الواجب
-----
عاد ليش أسرار؟
أسراري وايد هههه

بس خليني أختار ستة :)

أول سر
إن فيني برود أعصاب وماعرف أعصب
ويمكن الشي الوحيد الي يخليني أعصب لما أشوف أحد مايحترم أمه أو أبوه أو يقل أدبه عليهم
عاد وقتها يطلع الجانب الشرير من شخصيتي سواء كنت أعرف الشخص أو لأ !
طبعا في شي قبل هذا أكيد يخليني أعصب وهو اذا أحد غلط علي ديني الإسلامي

ثاني سر
إن أكثر بلدة أحبها وأموت فيها: الصين
ومتابعين بلوقي أكيد عارفين هالشي
بس يمكن مو عارفين إني أتكلم صيني وإني لازم أزور الصين كل سنة
وزرتها هالسنة لمدة خمس أيام تقريبا وما كتبت عن هالشي ;)

ثالث سر
كتومة وأحفظ الأسرار
ومادري ليش الناس تحب تخش أسرارها عندي
عندي أسرار الدنيا كلها :p
شي حلو إن أهلي وصديقاتي يثقون فيني للهالدرجة
ويلجؤون لي لحل مشاكلهم أو لمجرد سماعهم

رابع سر
ماحب الخضار وما آكل سلطات واذا باكل شي لازم يكون سادة ومافيه لون أخضر
:)

خامس سر
أحب الحيوانات وايد
بس ماحب الحشرات وأخاف منهم

سادس سر
إذا تكلمت أتكلم بأكثر من موضوع نفس الوقت @@
يعني عادي أقطع السالفة وأدش بموضوع معاكس تماما
رفيجاتي واخواني كله يزفوني على هالحركة لأن يكونون يسولفون بشي
وفجأة بنص السالفة أدش لهم بموضوع ثاني ماله شغل
بس والله الشي يصير تلقائي مو متعمدة :)
-----
وخلصنا الست أسرار والحين أنقل الواجب لست أشخاص

والشخص السادس مفتوح لأي واحد يحب يشارك
:)