يكلمني بالمسنجر من جدة
ليش ما اتروحين الحج؟
مادري
شنو ما تدرين ! تقدرين تروحين وتدرين إني آنا رايح
مادري ما فكرت
مايبيلها تفكير
انزين بس في مشكلة
شنو
يوم ميلادي
هاهها يبا ايسوون لج حفلة لما ترجعين
لا مابي ماكو حفلة ولا هدايا وقتها ولما أرجع كلمن بكون ناسي
-------
أبوي يتصل فيني
ليش ما اتروحين الحج؟
اممم بابا أخاف
ليش اتخافين
مادري أبي أول مرة أروح معاك
إذا امعزمة آنا أروح معاج
-------
طبعا ما حصلنا حجز يايين امقررين آخر ناس
-------
أبوي : نروح بالسيارة مو مشكلة
أمي : لا خطر ما اخليكم اتروحون بالسيارة
-------
خلاص ماكو حج
-------
بالدوام
رفيجتي تتصل
لازم أشوفج باجر أبي أقعد معاج قبل ماروح الحج
كنت بروح بس ما حصلت حجز
-------
أمي تتصل
مبروك لقينالكم تذاكر يوم الخميس
-------
أرد أكلم رفيجتي
بروح إن شالله
لازم أشوفج هناك
خوش حج آنا معاج بصير ضحك مو حج استغفر الله
-------
أبوي يتنازل حق خالي (خال أمي) لأن ما حصل تذكرة ووده يروح
وهقوني LOL
يعني بروح مع خال أمي وأختي وأخوي اثنينهم أصغر مني
كنت أبي أحد يحط باله علي والحين عندي ثلاثة آنا مسؤولة عنهم :/
-------
لايق علي حجية؟؟؟
هاهها تذكرت حجية طماطة
-------
تروفيث لازم تعطيني تقرير ودورة تدريبية حق الحج بحكم إنج حجية fresh :p
-------
احجزوا لي تذكرة رجعة بس ودي أمدد هناك أقعد عند أخوي بجدة إن شاالله
-----
يوم ميلادي 1-1
مو تنسون :p
أول مرة بيكون بمكة والله وناسة أحس بيكون شعوري غيرسنة ييديدة من عمري
أبديها وانا خالية من الذنوب
وفي خير بقاع الله على الأرض
-------
إذا أحد متضايق مني أو زعلان مني أو ايطالبني شي
خلوني أعرف الحين
-------
إن شالله أرجع وانا أحسن من الحين من جميع النواحي وخصوصا العبادات
لأني امقصرة بحق الله سبحانه وتعالى وايد
-------
وإن شاءالله راح أدعي لكم كلكم :)
-------
since my blog is blocked in KSA I wont be able to post anything until am back if I was still alive :p
-------
عيدكم مبارك مقدما
واستانسوا بالعطلة ;)
-------
اتوصون على شي؟
-------