Monday, December 31, 2007

End of a year ...

-----
ماهي إلا ساعات حتى يودعنا عام 2007
عام جديد يزورنا ليذكرنا بأن العمر ماض
بداية كل سنة ميلادية مهمة بالنسبة لي
فعام جديد من عمري يبدء مع بداية كل عام
أفتح صفحة جديدة وأنا أعلم ما أريد فعله في هذه السنة
ولكني لا اعلم ماتخبؤه هي لي
-----
يا رب أعني على أن أغير من نفسي وأتغير إلى ما تحبه وترضاه
يارب سبحانك إني كنت من الظالمين
يارب ارحمني واغفرلي
يارب أحسن خاتمتى واجعل خير أعمالي خواتمها
يارب ارحمني من عذاب القبر وعذاب اللاخرة
-----
اللهم إني أستودعك نفسى فى كل لحظة وكل وقت فاحمني وارحمني
-----

Tuesday, December 25, 2007

كي لا ننسى جرائم نظام صدام حسين !

-----
الحمدلله صحتي وايد أحسن ولو إن الكحة لي الحين معاي
طلعت قبل أمس إلي أهو آخر يوم عطلة
وصارت مغامرات
LOL
-----
زايرينه الكويت عايلة من كندا وعايلة من جنوب أفريقيا
أصدقاء أبوي وإختي
وبما إن أبوي مسافر إختي قالتلي أساعدها بالبرنامج
قالوا يبون أماكن شعبية
قلت لهم سوق المباركية
قالوا مرونا الساعة 9 الصبح
آنا توهقت شنو 9 الصبح عندهم يعني جم أقوم؟
هذا آخر يوم عطلة أبي أنام
قاموا يضحكون
قالوا خلاص نامي مرونا الساعة 10
:p
-----
مريناهم الفندق ورحنا المباركية
آنا حافظة المباركية بكل دواعيسها
صفطنا السيارة بمكان ومشينا السوق كله من 10 لي 2 الظهر
ودليت طريج السيارة
والله استفدت من كثر ما أتمشى بالمباركية مع أبوي :)
وديتهم صوب محلات الجواتي قتلهم ياخذون من محل أبوي ببلاش
ولا المحل مصكوك والله فشلة :p
وديتهم محل دشداشة الصفاة شروا دشاديش
LOOOOOOOL
شكلهم يضحك
-----
رحنا محل يبيع براقع خليت الأم تلبس برقع وأصورها
جربت كل الأنواع وقعدت أصورها
واهي مو عارفة شلون تلبس والبياع يعلمها
متنا من الضحك والناس تيمعوا جمهور ويطالعونه
والبياع يقول يا محلاها الله يحفظها من العين
لوووووول شنو الحلو فيها مو مبين شي؟
:p
وقعد يمدحها والناس يضحكون يوم خلصنا بنروح
جان يصير واحد ثاني
عصب وقام يصرخ شنو ما شريتوا!!!
يعني بس يايين تصورون؟
إهي خافت آنا قلت الحين بطقها
قتله إهي جربتهم ماقدرت تتنفس وبعدين تشتريهم حق شنو؟
قام يتحلطم
جان تشتري واحد مسكينة :)
-----
الساعة 2 طلعنا من المباركية وايد استانسوا
وشروا اشكثر أغراض
كل ما أتصل على مطعم ما أحصل حجز
آخر شي أخوي حصل بمطعم دعوات الهندي
رحنا المطعم وأخوي يالنا هناك وتغدا معانا

-----
خلصنا غدا جان إختي تقول آنا تعبانة برد البيت
انتوا وصلوهم الفندق
أهم شي إنهم ربعها وقطتهم علينا :p
كانت الساعة 5 آنا استانست أخيرا بنرجعهم
كنت حدي تعبانة وبردانة من كثر ما مشينا
جان يقولون خنروح متحف !!!
قلت لهم ما تبون ترتاحون بالفندق وبالليل نطلع؟
قالوا لأ نروح متحف بعدين نرتاح
:/
آنا زين ما بجيت جدامهم
-----
كانوا يسإلوني وايد عن الغزو
فقلت خنوديهم بيت القرين
آنا من زمان ودي أروح له ولا عمري شفته
دزيت مسج حق البدالة
كتبت
بيت القرين
جان يردون علي بمسج على طول
وفي رقم تلفون نقال
قلت حق أخوي
كشخة بيت القرين عندهم موبايل
جان أتصل طلع لي واحد
عفوا هذا تلفون شنو؟
هذا محل
يعني مو بيت القرين؟
امبلا هذا بيت القرين
بيت القرين المتحف؟
يا بنت الحلال هذا محل أثاث اسمه بيت القرين
وي !
هاهها :)
-----
جان أخوي يقول يعرف متحف وطني على البحر
بس ما يدري إذا فاتحين
قلنا نروح نجرب

وصلنا ولا الباب مصكوك وفي جرس !

دقينا الجرس جان يطلع مصري شكله توه قايم من النوم

قال عادي دشوا

شرينا تذاكر ودخلنا

شكلهم بس يفتحون إذا أحد يا !







المتحف عجييييييب
كله مجسمات تبين الكويت أيام الغزو
وتمشون من غرفة لي غرفة وتسمعون شرح باللغة إلي تبونها
وبعدين تدشون قاعة تطالعون فلم عن إطفاء آبار النفط
وبعده في معرض صور
حده حلو آنا ما صورت وايد لأن كنت مندمجة
حتى اهمه اندمجوا وتأثروا وقعدوا يقرون ويطالعون
المعرض توثيق كامل لفترة الغزو وقبلها وبعدها
والشهداء والأسرى وشيوخنا وكل شي
إلي يتذكرون فترة الغزو راح يتأثرون ويبجون
آنا استانست إن أخوي معاي بالمتحف
لأن بالغزو كان عمره أربع سنين يعني ما يتذكر شي
فقعدت أوريه وأشرح له
-----
إذا تحبون الكويت أي أحد يزوركم من دولة ثانية ودوه هالمتحف
وأنصحكم تودون عيالكم وإخوانكم الصغار
لازم الناس يعرفون شنو إلي صار ويشوفون ويستفيدون
-----
بعد المتحف رحنا نوديهم الفندق
أخوي ودا مجموعة كندا فندقهم
آنا معاي الأم والولد من جنوب أفريقيا
الولد كسر خاطري
كلهم أعمارهم 40 وفوق وأهو عمره 18 أحسه ما استانس
دقيت على ولد خالتي سألته وين بيروحون اليوم؟
قالي اليوم ماكو طلعة في مباراتين مهمتين بنطالعهم
وقعد يشرح لي ريال مدريد ومادري شنو
ما أفهم بهالسوالف لأن حتى اخواني مو نوعهم يتابعون مباريات
سألت الأفريقي تبي تطالع مباراة مع عيال خالتي؟
أهو استانس! قتله تبي تروح الفندق وتروح لهم حق المياراة الثانية الساعة 9؟
قال لا بروح الحين
وديته بيت خالتي وصيتهم يتكلمون انجليزي حتى مع بعض
عشان ما يحس إن غريب ويطلبون له عشا معاهم
بعد شوي اتصل ولد خالتي
إحنا بنروح المسيد نصلي أهو مسلم؟
اسمه محمد اشفيكم! أكيد مسلم
LOL
-----
وصلت الأم فندقهم
جان أدعم !
واحد صافط عاللفة جان أشلع الصبغ وأفقص دعاميته شوية
:p
السيارة مافيها أحد قعدت أنطر
جان أكتب رقم أخوي بورقة وحطيتها


يوم رحت البيت قتله بيدق عليك واحد أو وحدة دعمت سيارتهم

heh :)

-----

Friday, December 21, 2007

Worst Eid ever!

-----
Family: Dad, sis & bro emsafreen.
Friends: TF emsafra.
Me: Thick socks, winter pajama, covered with my blanket
even when am walking around the house,
since first day of Eid after coming back from the
family Eid lunch and until now :(
The cough is unbearable! I feel like my heart was going out with it!
cant stop coughing, cant sleep,cant eat,
Now am feeling much better el7emdella,
am still coughing but not as as much as before,
Still I cant leave home especially with this very cold weather :/
The doctor asked me to do x-rays then he told me
you have (tahayoj bel sho3ab alhawa'eya)!
I don't know what does that mean!!!
and I don't know what is it in English LOL
I know that I don't smoke :p walla!
-----
My friends went out yesterday and today,
so did my cousins and my brothers
wana maskeena missed all the fun
egolonlee (maleeqa! lesh tamretheen bel3eed)
LOL ana ebkefee ya3nee?
a9lan ana akthar wa7da kent excited for these 6 days off
and had alot of plans!
:/

InshaAllah a9eer a7san tomorrow, I want to go out :(
-----
Work is on Monday, we are starting this new project with
a company that I met in GITEX
My boss sent me an sms yesterday asking me to reply to
some emails they sent
working from home feels great :p
I have 2 check my work email everyday during this eid holiday
A lot of work coming up, am so excited coz whenever we have a project
I have to handle everything and there wont be any free time
to feel bored plus time moves fast,
I don't like the long boring days at work
Yeah and forgot to say that my annual evaluation result came out
and my salary has increased :D
-----
إي وعيدكم مبارك
:)
-----

Sunday, December 16, 2007

فرصة ذهبية

-----
يصادف يوم الثلاثاء يوم عرفة
وفضل صيام هذا اليوم أنه
( يكفر السنة الماضية والباقية )
-----
فلا نفوت هذه الفرصة الذهبية !
-----

Wednesday, December 12, 2007

يقولون ... الثقل حلو :)

-----
كلنا نسمع قصص
مثل إلي تنشر إشاعة إن فلان خطبها
حتى تصل الإشاعة له أو لأهله
فيسإلون عنها ويخطبونها!
وإلي تحصل على رقم إلي عاجبها
فتتصل عليه وتقول آسفة بالغلط!
حتى يبدء فضوله!
وغيرها من القصص إلي قاعدة تصير كل يوم
-----
من صفات الأنوثة الخجل والرقة والحياء
أعتقدأن البنت التي تتصف بالجرأة
تكون بذلك أقرب للرجل من أنها تكون بنت !
-----
إذا غاب الحياء غاب الوقار
فما فائدة أن تكون البنت ملتزمة ومواظبة على العبادات والطاعات
وتلبس اللباس الشرعي أيضا!
ومع ذلك تلاحق الشاب بهدف الزواج طبعا
والأساليب متنوعة
-----
فعادة تبدء البنت بطرق غير مباشرة
لتصل إلى أخت أو قريبة الشاب
لتصادقها بطرق مختلفة
فإن استطاعت ذلك بدأت تبالغ بالتقرب وتتصنع المثالية
وإذا كانت الأخت أو القريبة (مو غبية) فستكتشف أمرها من البداية
فلا تعيرها اهتمام و(ما تلقيها ويه) خصوصا
إذا كانت البنت بطباع مختلفة وأسلوب لا تستسيغه
وغصب بتدش دائرة الصديقات !!!
:/
تحس بفشل الخطة
فتسلك الطريق الآخر
بجذب اهتمام الشاب بطرق تعتقد أنها غير مباشرة
موقعه الشخصي
أو منتديات يدخلها
ثم رسائل خاصة وإيميلات
دورات يحضرها
تتواجد بأماكن موجود فيها
ومسجات بحكم عمل معين
وحتى مكالمات
بالنهاية لا بد أن
تصل لمرحلة الكلام الشخصي
خارج نطاق العمل نفسه
وبعيدا عن الأسلوب الجاد الذي كان بالبداية
ولا ننسى التي تضيفه بالمسنجر وإلي ترد بتعليقاتها على مواضيعه
بأسلوب مبالغ فيه وبشوية دلع! وباهتمام اتجاهه
معتقدة أن عالم الانترنت مختلف عن العالم الخارجي
!!!
-----
أستغرب أنها لم تعلم أن
الرجال يعجبهم الحياء لأن فيه نوع من السحر والغموض
نسيَت أن الحياء من صفات المرأة وجمالها
واعتقدت أن محاولاتها تظل بينه وبينها
وأنه لا تربطه علاقة قوية بأخته أو قريبته
فيحدثها بكل ما يحصل من هذه الفتاة وينتقدها
وأن حركاتها مفهومة
وهي سعيدة لأنه يحترمها ويمدحها
ويخفي نظرته الحقيقية لها
-----
كيف أصبحت الفتيات مغفلات؟
هل هو غباء؟
لماذا أصبحت البنت الملتزمة حالها حال البعيدة عن الدين
فتختار الشاب الذي تريد؟
هل هو خوف من العنوسة؟
أم إحساس بالوحدة؟
هل الزواج الهم الأول والرئيسي للبنت؟
-----
ترا في ناس يشوفون هالأساليب مو غلط
ويؤيدون حتى خطبة المرأة للرجل
لأنه حلال
بالنسبة لي أشوفه شي غير لائق
لأن الحياء شعبة من شعب الايمان
-----
قال رسول الله صلى الله عليه وسلم
الحياء لا يأتي إلا بخير
-----
معلومة ...
ترا الريال ما يحب البنت الخفيفة
-----
ليس من طبعي أن أقسو بالكلام
ولكن عندما تزيد الأمور عن الحد
يضطر الشخص أن يخرج من صمته
:)
-----

Sunday, December 09, 2007

Burger & Party Planner ...

-----

I went to Burger Hub for the first time
It is a nice place and the food is so good
I went with my cousin at around 6 pm
It was empty and quite
They have a VERY long menu, lots of dishes,
You don’t know what to choose
The baby burgers are yummy just like the mini burgers
in Burger boutique
I loved this place and definitely eating there again :)
-----
I always wanted to be a party planner or party coordinator
Whatever they call it
I love preparing parties, shopping for things to decorate,
picking the food, flowers etc.
I enjoy it and I trust my taste :p
My friends take me with them when they shop for gowns
I like it when they take my advice on what shoes to wear
And what hairdo to make and what color of jewelry,
I even like it more when they borrow my stuff
I love making people look pretty
-----
My brothers and cousins always ask me on what gifts
to buy for their wives
I concentrate on how to deliver the gift and on a surprise
more than the gift itself
Coz the place, the way the wife gets her gift,
the unexpected things, the words she read
are all things she would never forget,
She might lost the gift or forget it with time, but the sweet memories
and romantic moments will never go away :)
-----
My brother even told me once 'afkarech 3ajeeba!
fet7ay ma7al tantheem 7aflat o monasabat o afkar 7ag elmofaja'at etc.'
He was serious! It made me smile coz
that is a wish I have long time ago
Anyways, this weekend we had this party it’s a reception
My mom made for our new bride (my sis in law)
My bro asked me to do it and I had to prepare everything
A big party in a hotel all done by me! Wow wanasa
It is like a dream come true :p
I had a less than a month to buy and prepare everything
The bride chose the color purple, I said okay
-----
If it was for me I would choose red and white
so romantic
Red roses, red glasses on white tables and chairs,
white tulips and red details on her sofa etc.
I imagined it in my mind
Well I had to go with purple coz she liked it,
and we are making the party for her
I decided on purple and off white (or creamy),
She asked me to add pink too but I said no, no way
2 colors are enough I don’t like mixing so many colors,
It won’t look elegant plus it’s not a birthday party!
She was thinking between purple and pink
I suggested purple coz in all parties I go I find pink
Pink roses, everything pink, pink, pink!
-----
I picked the cards, simple ones, I wanted something
nicer but there was no time we had 2 print them and
start delivering them
Then I picked the flowers white and purple tulips
(My favorite flower)
plus one more kind of off white and purple flowers,
one centre piece for each table and 2 big ones for her sofa
Then I had to find the perfect sofa to rent,
and I bought 2 big throws to decorate it
My sis suggested mini cupcakes instead of the chocolate,
so we made a special order, purple cupcakes! Vanilla flavor very yummy
Dad got purple candles, candle plates and napkins
My bro ordered a perfume with their names in an elegant purple
boxes as gifts for the guests
I chose the DJ and agreed on everything with him
The photographers, plates, food, everything
It was a very busy week and I got tired but I enjoyed it!
and it was the first experience for a big party
I learned a lot of things
They wanted it to be simple coz it is not a wedding
and I like simplicity coz whenever you add extra stuff
and over decorate it wont look good :/
-----
TF made it to the party although she was very busy
and had to come late
But she came and we had SO much fun ;)
I think she and I were the prettiest and most elegant
girls in the party LOL ebkefee :p
Thanks Daiseya u really made me happy, I hope u had fun :)
-----
At 12:00 midnight our friend (H) turned 26
We sang for her and I took the candle on the table and told her to blow it
Then we started acting crazy and everyone was looking at us
heh :)
When the three of us are together that always happens :p
-----
Little Big couldn’t make it :(
7asafa 6afech estanasna wayed o kan wedee etkoneen ma3annna!
-----
New Bride was there too, she even posted something
about it in her last post,
As I told u, u looked very nice in black ;)
-----
I am still getting msgs from the girls (cousins & friends)
telling me everything was nice and that they had fun
Am so glad, el7emdella
I really wanted things to look nicer and I had many ideas
But there was not enough time for the preparations
So am glad of the good reactions
O aham shay my sis in law and my bro are so happy
of what I did :)
I love them and am proud that they trust me
and asked me to do everything, ma3a enhom yanenonee
with their unstop calls, my bro from Jeddah and she from here,
edegoon o yashbekoon elkha6 o garga 3ala rasee
all day and night asking for the details etc.
Lama akher ayam gomt a7awel my phone voice message
o gamaw edezoon sms, around 5 msgs every minute!
athonee LOL
-----
If anyone would like to see some photos, I have a lot!
-----
Okay back to work :)
wee bagee 45 minutes bas :p
-----

Tuesday, December 04, 2007

Someone kill him for me! PLEASE :(

-----

One more psycho joins the list of psycho co-workers!


He keeps making disgusting sounds! yes LOUD :/


He is DISCUSTING !!!



He makes me feel sick :'''(

-----

Monday, December 03, 2007

Choowy Goowy شكرا

-----

Choowy Goowy sent me free cookies & brownies
in occasion of my new website :)
How sweet!

وشفت إعلانهم حاطين صورة صورتها خصوصي لهم !
كشخة ;)

-----

Tuesday, November 27, 2007

أنابوليس ... وهم كبير

-----
قال مشير المصري القيادي في حركة المقاومة الإسلامية حماس وأمين سر الحركة في المجلس التشريعي
نحن في حركة حماس سبق أن أعلنا رفضنا لهذا المؤتمر
بل وندعو الدول العربية إلى عدم الرهان عليه لأن من يراهن على أنابوليس مخطئ وواهم
والأيام القليلة القادمة ستكشف زيف الصهاينة وأعتقد أن هذا المؤتمر سيقدم صفعة لكل المراهنين عليه
خاصة أن الكيان الصهيوني ما زال مصرا على اللاءات الثلاثة وأضاف إليها شرط يهودية الدولة
-----
المواطنون الفلسطينيون أعربوا عن تخوفهم من نتائج المؤتمر وتقديم المفاوض الفلسطيني التنازلات
للجانب الإسرائيلي بدون أي مقابل وخاصة في ظل تواصل عدوانه مؤكدين بأن الجانب الإسرائيلي غير جاد في تحقيق السلام بالمنطقة
-----
قال الكاتب محمد حسنين هيكل في برنامج المصير الذي أذاعته مؤخرا الجزيرة: إن أنابوليس
ما هو إلا شحن مؤقت للبطارية الدبلوماسية الأميركية فيما يتعلق بالقضية الفلسطينية بغرض أساسي
يتمثل في فتح الباب أمام عائدات أموال النفط الخليجية الضخمة الحالية لتتدفق في شرايين الاقتصاد الإسرائيلي
من خلال التطبيع أما القضية الفلسطينية نفسها فلن يلتفت أحد لها لا حاليا ولا في المستقبل القريب
-----
المحاضر بالعلاقات الدولية بجامعة بيير داين بالولايات المتحدة خليل جهشان يرى أن اليقظة المفاجئة
للإدارة الأميركية وسعيها لتحقيق السلام الفلسطيني الإسرائيلي من خلال أنابوليس يدعو إلى التساؤل
عن الأهداف الحقيقية ويثير أكثر من علامة استفهام بشأن التوقيت
-----
ويشرح جهشان وجهة نظره بقوله "إنني من المؤمنين بأن أنابوليس ما هو إلا زوبعة في فنجان وأن عوامل فشله
كامنة فيه" وأهمها غياب التحضير الجيد والافتقاد إلى جدول أعمال واضح بالإضافة لعدم وجود فريق
متخصص بالصراع الفلسطيني الإسرائيلي لإدارته حيث يتولاه حاليا مجموعة بالخارجية هي نفسها المكلفة
بملفات العراق وأفغانستان وإيران وبالتالي فإنها مشغولة وليس لديها الوقت الكافي لهذا المؤتمر
-----
-----

Microsoft Popfly!

-----
-----
Popfly is a new product from Microsoft
To use Microsoft Popfly just go to http://www.popfly.ms/
It is an interesting way for building a website
It allows non-developers to create user rich web applications

Things you can do:
- Create a Web Page
- Create a mashup
- Meet other users
- Create a block

-----
Cool Stuff :)
-----

Monday, November 26, 2007

@!$!@#%@$%^$#

Tooooo much work today!
GTG

Saturday, November 24, 2007

Finally :)

-----
-----
My new website!

http://www.ra1photo.com/


وفي صور أول مرة تشوفونها :)
-----
and in case you wonder what this picture above is;
I drew on my mirror and you can see my room reflection!
-----

Wednesday, November 21, 2007

Lamerletto & The Zoo!

-----
Kuwait ZOO!
( لتكبير أي صورة ... ضغطوا عليها )
!!!
لما قلت حق ولد خالتي
شوف اللوحة جدامك
ممنوع تأكل الحيوانات
قال لي
شوفي الصورة ممنوع تفاحة مو موزة !
LOL :p
When I told my cousin
"look at the sign
it says feeding animals is not allowed"
he replied
"Look at the picture
it is an apple not a banana"!
-----
Sad elephant :(
الفيل يطالعني يكسر الخاطر :/
-----

You know I am an online shopping addict ...
I have ordered from
Lamerletto
it is a Kuwaiti online shop selling international brands items
The only way to pay is cash on delivery
And they deliver for free
My order was delayed for some days
So I got a gift with it :)
They called me and they were very polite
I totally recommend this website!

-----

Check this out!

Ways to Tell you're an Online Shopping Addict!

LOOOL :p

-----

Sunday, November 18, 2007

Got an email from Dad ...

-------
طلبت منه بمسج خلفيات حق الاستديو
ووصلني الرد بالبريد الإلكتروني
-------
بسم الله الرحمن الرحيم

xxxxxxxxxxxxxxxxxxxxxxxxx

السلام عليكم ورحمة الله وبركاته وبعد

أصبحت الشاشات الخلفية للتصوير من التاريخ القديم
الاختراع الجديد هو برنامج كمبيوتري يعرض تشكيلة كبيرة من الخلفيات المختلفة
إذا تفضلين هذا البرنامج سأشتريه بحول الله تعالى وغالي والطلب رخيص
إذا تفضلين الشاشات القديمة سأواصل البحث
xxxxxxxxxxxxxxxxxxx
xxxxxxxxxxxxxxxxxxxxxxx
بابا
-------

ضحكتني - أصبحت من التاريخ القديم

hahha :p

-------

دايما مسجاته وإيميلاته حقي بالانجليزي
هالمرة بالعربية الفحى @@
-------
علامات الـ
xxxxxxxxxx
كلام خاص أحتفظ فيه لنفسي
:)
-------
A7ebba !
I miss him SO SO SO much :(
-------

Thursday, November 15, 2007

Hello! I’m not your mother-in-law :/

My 2 sisters-in-law are competing over me!!!
Actually I am loving it :p

Tuesday, November 13, 2007

12% evil :p

You Are 12% Evil

You are good. So good, that you make evil people squirm.
Just remember, you may need to turn to the dark side to get what you want!

How Evil Are You?

-----

Sunday, November 11, 2007

وين الجو الأولي؟

-----
I'm in the mood for a long post ...
-----
رأيتها صدفة
أعرفها نعم
ولكن من هي !
ألتفت إليها مرة أخرى وعقلي يعمل
أتذكر ولا فائدة
تلاحظ خزاتي :p
فتأتي باتجاهي وتسلم علي
آنا أعرفج
إي حتى آنا بس مو قادرة أتذكر
شسمج؟
Ra-1
Ra-1 انتي ويييييييينج
شخبااارج؟
آنا محفظتج بالمسيد !
-----
خنقتني العبرة :/
-----
تذكرت المسجد وأيام حفظ القرآن الكريم
وكيف أنه قبل أيام كنت ألوم نفسي أني توقفت عن الحفظ قبل حوالي ثلاث سنوات
:(
والسبب ببساطة أن حلقة حفظ القرآن التي كانت في أحد مساجد منطقتنا توقفت
وانتقلت المجموعة التي هي عبارة عن أطفال بالروضة والابتدائي إلى منطقة أخرى
صحيح أني انشغلت ولكن لا يبرر عدم انتقالي معهم إلا كسلي وإهمالي
-----
عدت بوعيي إلى صوتها تحدثني
وينج من زمان !
خجلت من نفسي
تدرين بنرجع منطقتكم
صج !!؟
:D
سجليني الله يخليج
آنا ضايق خلقي إني مو قاعدة أحفظ قرآن
كنتوا تشجعوني وتتابعوني
عطيني رقمج راح أخليهم يتصلون فيج
راح نكون نفس المسيد؟
مسيد لا!!! انتي قديمة
الحين نداوم في مدرسة صفوف وكورسات وامتحانات
@@
يعني شلون صفوف؟ ما نقعد عالأرض
هاهها لا انتي تبين الجو الأولي !!!
-----
مادري ليش عورتني كلمة الجو الأولي
حسيت إن شي خلص وماراح يرجع
:/
جان تقط قنبلة ثانية وراها
تبين المجموعة القديمة بعد؟
إي طبعا
لا قبل كنتي الوحيدة كبيرة بين يهال
الحين صرنا مجموعات وايد وقسمناكم عالأعمار
راح يكون معاج ناس من عمرج وناس أكبر وحريم كبار
!!!
وانا مو محفظتج آنا الحين مديرة المركز
-----
اتصلت فيني سكرتيرة المركز بعدها بجم يوم وقالت لي أروح أكمل بياناتي
حضرتي ما فظيت إلا بعدها بمدة وتذكرت واتصلت على المحفظة إلي شفتها بالغبقة
Ra-111111
الله يهديج
اتصلنا فيج انتي وينج
بدينا من زمان ! روحي الحين وسإلي عن فلانة
-----
رحت مدرسة لصبيان !
قعدت أدور السكرتيرة لما لقيتها
ما لقوا اسمي وقالولي روحي ونتصل فيج
بعدين اتصلوا وقالولي لقينا التراكمي مالج وخلاص تعالي داومي هالأيام
رحت اليوم الي مفروض أداوم فيه
ما أدري أي صف !!!
إلي اتصلت علي مو مداومة
دلوني على وحدة بالإدارة
كلمتها جان تعصب
انتي شلون بتداومين !
آنا مو فاهمة شلون اقبلوج!
صارلنا ثلاث أسابيع مداومين
شلون بتلحقين !
-----
آنا بفهم شنو إلي حارج إذا آنا انقبلت !!!
ليش متضايقة؟
إذا ما طفت الامتحان بعدين سقطيني شنو المشكلة
بس ليش ما تبين لي الخير
آنا أبي أحفظ قرآن مو ياية ألعب
-----
طبعا هالكلام قلته بقلبي
:p
-----
قالت لي بندور ونتصل فيج :/
كثر ما كنت مستانسة كثر ماضاق خلقي
الحين مرتين أروح ويردوني :(
المهم وانا طالعة من المدرسة قعدت أطل بالصفوف
جو كئيب الصراحة
وين أيام المسيد والحلقات عالأرض
وين اليهال إلي كنت أساعدهم بالحفظ
والشاطرة أعطيها حلاو وستكرز
:)
ولما نخلص أقول لهم قصص
والله أيام حلوة كان وناسة
-----
سبحان الله كل شي يتغير
شكلي لازم أتأقلم مع هالجو ومع هالناس اليدد
أهم شي عندي الحين أكمل حفظي
بجرب حظي هالأسبوع إن شالله يسجلوني
-----

Sunday, November 04, 2007

Movies, Freezing, donuts!

-----
I was supposed to go to the Red Bull Flugtag

I had permission for the photographers area,
but instead I went out with my sisters for lunch and a movie

I had to break my long time no movies :)
They wanted to watch Hair Spray



I don’t like these kind of movies, musical, malaqa :p

I chose License to wed, and they agreed


I liked the movie, my type of movies :)
plus Robin Williams and Mandy Moore are in
my favorite actresses list
----

I have just ordered 12 donuts from Dunkin Donuts! Yummy
Too bad I don’t have my camera
P.S. just one piece is for me, the rest am giving

for my co-workers (mo balla3a :p)
-----
Am having a headache right now, the company
is a FREEZERRR!

-----



Tuesday, October 30, 2007

وأخيرا !


-----


يمكن محد يدري إني من ربع البورصة


ما أذكر إني كتبت عن الأسهم والتداول


هالموضوع بمناسبة إدراج


منشآت العقارية


الأثنين 5/11


ناطرينها من زمان :)


-----


Sunday, October 28, 2007

PURPLE

-----



-----
صورة صورتها لورشة الألوان بالنادي العلمي

واللون لهذا الأسبوع هو البنفسجي
-----
This is my nephew :)
Place: giggles
-----

Thursday, October 25, 2007

Mako 9owar ...

-------
شفت سيارة أخوي إلي ما صارله شهرين ماخذها مدعومة
---
مسوي حادث؟
إي وحدة ادعمتني
وليش ما تقول؟
ليش أقول هذا مو حادث
شنو مو حادث الباب كله مدعوم داش لي داخل
آنا اخترعت عبالي فيك شي !
وحدة ادعمتني بمواقف الكلية
يعني إذا بالمواقف ما يسمونه حادث
إي مو حادث والبنت إهي الغلطانة توها تسوق وداست البانزين بدال البريك !!!
انزين تعورت؟
لا الحمدلله
والبنت تعورت؟
لأ
بجت؟
إي اشدراااج ؟؟؟
---
LOL!
-------

For people working in IT sector, don’t miss the Cisco Expo.
Next week inshaAllah
For registration
-------

Another proposal at the same week
made the situation even harder ...
And by a guy I know! My brain is blocked :/

-------
مديري كان طالب مني أحضر مؤتمر هالأسبوع في أمريكا
in San Diego ... L.A. !
أدري وايد وناسة
And my cousin lives in Los Angeles
she will take me around and we will have so much fun
بس ترردت مع إن أخوي ما عنده مانع يروح معاي
أول شي أبوي بأمريكا الحين بس بولاية وايد بعيدة فماراح أشوفه
ثاني شي إذا رحت المؤتمر واهو ثلاث أيام طبيعي راح آخذ إجازة وأمدد هناك وأستانس
مدام واصلة أمريكا طبيعي ماراح أقعد فيها بس أسبوع !
وانا أبي أخش إجازاتي حق شهر واحد بسافر سفرة طويلة إن شالله
ثالث شي إحنا مخططين نروح لوس أنجليس بالصيف إذا ما تغيرت الخطة
رابع شي أخوي كاسر خاطري وما أبي يصرف وايد
خصوصا إني خلصت فلوسه بدبي وأهو كريم لدرجة إن يعطيني الفيزا مالته مع الرقم السري
وما يسأل جم سحبت ولا يرضى ياخذ مني
أحصل زوج جذي؟؟؟
:p
الله يحفظه
خامس شي أخاف ما أستفيد شي من هالمؤتمر
خصوصا إن الشركة متوقعين مني أشياء أغيرها عندنا وأطبق كل إلي استفدته
Don’t want to disappoint them :/
-------
sms from one of my brothers:
اشعليج معجبينج حتى من المنبر الديمقراطي
:p
---
I won’t comment on that.
-------
في أخبار إن شركتنا بتنتقل إلي عمارة ييديدة
أخيرا مكان ييديد! صج نحتاج تغيير
أمس شفت الموقع حلو
وراح نكون بأدوار مرتفعة يعني المنظر عجيب
وخوش شي حق التصوير
LOL
صج إن مكاننا الحالي زحمة ودواعيس بس يمنا ماكدونالدززز
:)
-------

All I want to concentrate on right now is tonight's party
It is newbride cousin’s wedding :)
I wish I can leave work early :/
-------
I think its time for
جبنة فيتا !
-------

Monday, October 22, 2007

...

How do you know if you are ready for marriage?

Saturday, October 20, 2007

GREEN

-----
-----
صورة صورتها لورشة الألوان بالنادي العلمي
واللون لهذا الأسبوع هو الأخضر :)
-----
مكان التصوير: الفرع
:p
-----

Wednesday, October 17, 2007

Cooking!

-----
الدوام مو شي بعد العطلة
خصوصا لما نرجع حق الدوام الطويل
ومع لصيام ينوم
:/
-----
بما إني خلصت شغلي وباقي ساعتين على الدوام
قلت أكتب هالموضوع
كان المفروض أكتبه برمضان
-----
قبل لا أبدي بالموضوع
ودي أقول لكم إن عطلة العيد كانت حلوة
ويوم طلعت اليهال وديتهم مسرحية هذا يبيله بوست بروحه
LOL
-----
رفيج أخوي توفى أول يوم عيد
الله يرحمه
ويجعل قبره روضة من رياض الجنة
ويصبر أهله
-----
أخوي انصدم خصوصا إن قبلها بيوم متفطر معاه
وإن الوفاة كانت سكتة قلبية
والولد صغير عمره 19
:(
-----
أمس رحت العزا أمه تكسر الخاطر
لي الحين في صدمة حتى مو قاعدة تبجي !
الله يعينهم :/
-----
مابي أضيق خلقكم أكثر
وأبدي بموضوعي المهم
:p
الله يسلمكم آخر جم يوم من رمضان
خذيت إجازة
لأن كان فيني نقص نوم مو طبيعي
وبالغصب أقوم حق الدوام وبعد أيي متأخرة
فقلت فشلة كل يوم متأخرة مادري اشكثر
خل آخذ إجازة
وبعد عشان أرتاح
:)
-----
عاد لقيت عندي وقت وايد
قلت أحقق أمنية أبوي
وأطبخ شي
فطلعت كتاب الطبخ
ورحت الجمعية
أقرا بالكتاب الطلبات وأشتريهم
والناس يطالعوني شايلة كتاب اشكبره
وأيمع الأغراض
وأقرا كل شي جم كميته
جنه صج
LOL
-----
خلصت مهمة الجمعية ورديت البيت
هذي الأغراض مرتبة وزاهبة
( لتكبير أي صورة ... ضغطوا عليها )

إلي راح أسوي
Macaroni Cheese
معكرونة مع جبن أو بشمل
أتوقع نفس الشي
:p
-----

ترا الخلطة كلها آنا سويتها

ماكو شي زاهب

:D


----

وبعد ما طلع من الفرن

كان هذا الشكل النهائي

مو مهم الشكل :p

المهم إن ريحته عجييييييبة

yummy!

-----

وهذا أخوي قاعد ياكل ومستانس

ولو تشوفون ويهه الابتسامة اشكبرها

:)


-----

وكان الطعم وايد حلو

والأكلة ناجحة الحمدلله


وسويتها يوم ثاني بس غيرت شكل المعكرونة
وضفت الجبن
parmesan cheese

اطلعت أحلى
:D
-----
النتيجة إني اكتشفت إني أحب الطبخ !!!
واستانست وايد @@
سبحان الله :p
-----