Sunday, November 11, 2007

وين الجو الأولي؟

-----
I'm in the mood for a long post ...
-----
رأيتها صدفة
أعرفها نعم
ولكن من هي !
ألتفت إليها مرة أخرى وعقلي يعمل
أتذكر ولا فائدة
تلاحظ خزاتي :p
فتأتي باتجاهي وتسلم علي
آنا أعرفج
إي حتى آنا بس مو قادرة أتذكر
شسمج؟
Ra-1
Ra-1 انتي ويييييييينج
شخبااارج؟
آنا محفظتج بالمسيد !
-----
خنقتني العبرة :/
-----
تذكرت المسجد وأيام حفظ القرآن الكريم
وكيف أنه قبل أيام كنت ألوم نفسي أني توقفت عن الحفظ قبل حوالي ثلاث سنوات
:(
والسبب ببساطة أن حلقة حفظ القرآن التي كانت في أحد مساجد منطقتنا توقفت
وانتقلت المجموعة التي هي عبارة عن أطفال بالروضة والابتدائي إلى منطقة أخرى
صحيح أني انشغلت ولكن لا يبرر عدم انتقالي معهم إلا كسلي وإهمالي
-----
عدت بوعيي إلى صوتها تحدثني
وينج من زمان !
خجلت من نفسي
تدرين بنرجع منطقتكم
صج !!؟
:D
سجليني الله يخليج
آنا ضايق خلقي إني مو قاعدة أحفظ قرآن
كنتوا تشجعوني وتتابعوني
عطيني رقمج راح أخليهم يتصلون فيج
راح نكون نفس المسيد؟
مسيد لا!!! انتي قديمة
الحين نداوم في مدرسة صفوف وكورسات وامتحانات
@@
يعني شلون صفوف؟ ما نقعد عالأرض
هاهها لا انتي تبين الجو الأولي !!!
-----
مادري ليش عورتني كلمة الجو الأولي
حسيت إن شي خلص وماراح يرجع
:/
جان تقط قنبلة ثانية وراها
تبين المجموعة القديمة بعد؟
إي طبعا
لا قبل كنتي الوحيدة كبيرة بين يهال
الحين صرنا مجموعات وايد وقسمناكم عالأعمار
راح يكون معاج ناس من عمرج وناس أكبر وحريم كبار
!!!
وانا مو محفظتج آنا الحين مديرة المركز
-----
اتصلت فيني سكرتيرة المركز بعدها بجم يوم وقالت لي أروح أكمل بياناتي
حضرتي ما فظيت إلا بعدها بمدة وتذكرت واتصلت على المحفظة إلي شفتها بالغبقة
Ra-111111
الله يهديج
اتصلنا فيج انتي وينج
بدينا من زمان ! روحي الحين وسإلي عن فلانة
-----
رحت مدرسة لصبيان !
قعدت أدور السكرتيرة لما لقيتها
ما لقوا اسمي وقالولي روحي ونتصل فيج
بعدين اتصلوا وقالولي لقينا التراكمي مالج وخلاص تعالي داومي هالأيام
رحت اليوم الي مفروض أداوم فيه
ما أدري أي صف !!!
إلي اتصلت علي مو مداومة
دلوني على وحدة بالإدارة
كلمتها جان تعصب
انتي شلون بتداومين !
آنا مو فاهمة شلون اقبلوج!
صارلنا ثلاث أسابيع مداومين
شلون بتلحقين !
-----
آنا بفهم شنو إلي حارج إذا آنا انقبلت !!!
ليش متضايقة؟
إذا ما طفت الامتحان بعدين سقطيني شنو المشكلة
بس ليش ما تبين لي الخير
آنا أبي أحفظ قرآن مو ياية ألعب
-----
طبعا هالكلام قلته بقلبي
:p
-----
قالت لي بندور ونتصل فيج :/
كثر ما كنت مستانسة كثر ماضاق خلقي
الحين مرتين أروح ويردوني :(
المهم وانا طالعة من المدرسة قعدت أطل بالصفوف
جو كئيب الصراحة
وين أيام المسيد والحلقات عالأرض
وين اليهال إلي كنت أساعدهم بالحفظ
والشاطرة أعطيها حلاو وستكرز
:)
ولما نخلص أقول لهم قصص
والله أيام حلوة كان وناسة
-----
سبحان الله كل شي يتغير
شكلي لازم أتأقلم مع هالجو ومع هالناس اليدد
أهم شي عندي الحين أكمل حفظي
بجرب حظي هالأسبوع إن شالله يسجلوني
-----

20 comments:

True Faith said...

بدال لا تشجعج و ترحب فيج تقول جذي

ما عليج منها إنتي روحي مره ثانية و جربي و انشالله ما يصير إلا الخير

Ra-1 said...

TF ...
يالشريرة ولهانة عليج :/

True Faith said...

Believe me you don't want to get anywhere near me these days :P

Ra-1 said...

3ayal khalenee eb3eed a7san! emjarbitich :p

True Faith said...

hahahaha

Good girl ;)

Anonymous said...

الله يرزقك حفظ القرآن والتدبر بمعانيه والعمل فيه:)

Yara said...

Etha mo 3ajbich el jaw i think fe mo7afe'6a etyey elbait... wanasa ya bakhtich yarait walla.. bas mo shay bil classes a7es bil masyad jaw family akthar :)

Ealaf said...

: ( أبي احفظ قرآن ..

شرايج انسويلنا حلقة ؟
بالفعل جو المسجد أجمل بكثير , والجلوس على الأرض والترديد : )


.
.


miss u : )

kila ma6goog said...

ur lucky

Ra-1 said...

TF ...
Of course I am ;)

Anonymous ...
أجمعين :)

Yara ...
kint metafqa ma3a wa7da men zeman etyee elbet, when am free she is busy wel3aks LOL
baroo7 elyom inshaAllah washoof she9eer :)

Ra-1 said...

Ealaf ...
شلون نسوي؟ :p
miss u too :*
and I miss fa9latna LOL!

kila ma6goog ...
:)

Mishari said...

ما اشوف قالت شى وبالعكس شكلها كانت تبى تفتح معاج السكة
:)

الله يوفقج وتستاهلين
:) الخير كله

Um 3bdlwahab said...

Alla ysahil 3alaich ya raaab

I really wish from all my heart to start 7f'6 el qur2an as soon as possible but I DONT HAVE TIME :"(

Im soooo busy, bs enshalla awal ma at'7arraj ra7 abda a6b'7 o a7f'6 :P

Plzzz ed3oooli

اجار الدين كشمش said...

سلام روان

الله يوفقج بنعمة حب حفظ القران

في هذا الجو المسموم
لكن حطي بالج من المكان
اذا كان يتبع الاحزاب الدينيه
جمعية الاصلاح او التراث

روحي البيت واشتري اشرطة

حفظ القران ابرك وااجر لك وااايد

لان هالاحزاب شوي شوي
يشلووون تفكيرك ويسلبون ارادتك

لان تتبعي ملة حزبهم

الدين واااضح وسمح

هؤلاء مثل السم البارد

حطي بااالج

وايد مراكز تتبع الاوقاف
ممكن ان تنضمين لهم

اخووووووووووووج
اجار
فمالله

Judy Abbott said...

بس لا تنسين انا ليلحين ودي اروح المخيم
بمكه!

ابي اعرف اخواننا ليش عندهم عقدة الاداره؟!

Ra-1 said...

Mishari ...
الله يسلمك :)
تفتح معاي السكة !؟
ما فهمت :/

Um 3bdlwahab ...
It looks like you wanna do everything after graduation :) heh

Ra-1 said...

اجار الدين كشمش ...
لا مو تابعين جمعية ولا حزب
بس اشفيهم الأحزاب؟
:)

Judy ...
من صجج بنروح؟
متى !؟

7saweya said...

كثير ما نسمع عن دورات تحفيظ القرآن بس ولا مرة سمعت بدورات تفهيم القرآن! انا بصراحة أحس الدورات هذي فيها تقصير من ناحية التفهيم
لأن أي انسان اذا ما فهموه معاني الآيات اللي يحفظها ممكن يحفظها على حسب فهمه و تفكيره السطحي! و خصوصاً اذا كانوا أطفال
موفقة أختي

in6elakah said...

موفقه اخيتي روان

والله ييسر لج

وايد من الأخوات مرتاحين من حلقات مبرة المتميزين

تناسب الاخوات اللي مشاغلهم وايد

اختج/انطلاقه

Anwar Al-Ballam said...

موفق انشالله