Thursday, February 28, 2008

再见了大家

Tuesday, February 26, 2008

We will never forget ...

-----
-----
قعدت أفكر بصورة أصورها بمناسبة يوم التحرير
وودي بفكرة ييديدة
الساعة 3 الفير يتلي فكرة إني أدور أي صور حقي بالتحرير
لقيت هالصورتين عند أمي بكل صورة مسوية علامة النصر
وواقفة جدام دبابات صدام إلي هدوهم العراقيين لما انحاشوا
أيام الغزو كانت صعبة وانحفرت بذاكرتنا وفرحة التحرير مانقدر ننساها
الحمد لله
والله يحفظ الكويت من كل شر
That is me after Kuwait was libarated from Iraq
in 1990-1991
-----

Saturday, February 23, 2008

Jajjoon :)


-----


العطلة من بدايتها حلوة ولو إن الكل مسافر


بس بستانس فيها عدل إن شاءالله


-----


راحة نفسية لما ما أضطر أنام عشان وراي قعدة الصبح حق الدوام


أحلى شي بالعطلة ما أنام إلا الفير


أقرا وأكتب وأطالع أفلام وأشتغل على الصور


وأحلى شي لما أشوف الساعة مع بداية الثلث الأخير من الليل


وأقعد أدعي الله سبحانه وتعالى بكل شي


لأن وقتها ينزل سبحانه إلى السماء الدنيا ويقول


" من يدعوني فأستجيب له ... من يسألني فأعطيه ... من يستغفرني فأغفر له "
-----
موقف محرج !!!
موظف جديد يسألني عن الجبلة وصادف مرور موظف قديم مصري
ولا عمري كلمته لأن ما عندي شغل معاه!
المصري الملقوف وقف ويقول حق الكويتي بصوت عالي
أصل هي بتحبك أوي
@@
عشان هي ما بتكلمش حد
آنا وقتها كنت محتاجة أحد يطقني طراق عشان أستوعب هذا اشقال !!!
الكويتي رد عليه
أصل أنا بعرفها وبعرف إخوانها واحد واحد من سنين
-----
طبعا آنا ما قلت ولا كلمة !
قوية شنو بتحبك أوي
والله موصاحي
مادري محتر إني ماكلمه ولا اشسالفته
بس الحمدلله إن الكويتي يعرفني عدل رفيج إخواني وإخته رفيجتي
:/
بحاول أشوف الجانب الإيجابي بالموضوع
وأهو إن المصري مدحني لما قال إني ماكلم أحد
LOL
والله مادري أضحك ولا أبجي

-----


لقطات من سفرتي إلى ألمانيا

----

The first 2 photos are dedicated to my best friend TF ;)




-----
!!???
-----

XXL :p

-----

في المتحف

جريدة تم الإعلان فيها عن موت هتلر

-----



Sunday, February 17, 2008

الملتقى والبرجر :p

-----
ملتقى الجمال والأدب
18-19-20 February
تحت شعار
جمال الشعر والفكر
-----
للتفاصيل ولجدول الفعاليات
-----
ملاحظة للمصورين !
تم تمديد مسابقة التصوير حتى مساء يوم الثلاثاء
19th of February
-----
أمس رحت مع إخواني مطعم
Burger Bar
أول مرة نروح له وكان الاختيار موفق ولله الحمد
حسافة ما كانت الكاميرا معاي!
ديكور المطعم حلو ومريح
في طوفة كلها سبورة نفس مالت المدرسة :p
مكتوب عليها المنيو كامل بالطبشير
والمنيو إلي يعطونكم إياه فكرته حلوة ومبتكرة
يعطونكم كل واحد قلم ويلون الدوائر إلي يم طلبه أو يحط رقم عدد الطلبات
أنصحكم تجربون الـ
hotdog fries
وحق إلي يحبون عصير الليمون بالنعناع مال كاسبر
ترا مالهم نفس الشي مثلج عجيب
وعندهم برجرز صغار نتفه! حجمهم
1 inch !
so cute :)
المكان هادي وخدمتهم ممتازة
المطعم موجود في فندق هوليدي إن دسمان
-----

Thursday, February 14, 2008

الحب مو عيب !


-----
الحب من أجمل وأرق المشاعر الإنسانية
إذا امتلأ به القلب تجاوبت له سائر أعضاء البدن
فتلمع العينان وينشرح الصدر ويقبل الإنسان على الحياة
من خلا قلبه من شعور الحب فهو إنسان غير سوي وغير طبيعي!
-----
قال أعرابي: من لم يحب قط فهو رديء التركيب جافي الطبع كز المعاطف
وسئل أحدهم: هل يسلم أحد من العشق؟
فقال: نعم الجلف الجافي الذي ليس فيه فضل ولا عنده فهم
-----


-----
لا عيب في الحب فهو شعور نفسي وإحساس قلبي

والمحب العاقل يوجه حبه إلى ما يحقق له السعادة في الدنيا والآخرة
فلا يجري وراء الحب الدنيء القاتل لإنسانية الإنسان والمحطم لكرامته
-----
بالنهاية أذكر بأن
الحب ليس يوما بالسنة !
فالتقليد الأعمى مرض خطير وهزيمة نفسية
لنقلد بما نراه جيدا وبماهو مفيد

-----
:)
عطلة نهاية أسبوع ممتعة أتمناها لكم
-----


Tuesday, February 12, 2008

I am back to Kuwait ...

-----
مادري اشفيني مالي خلق أكتب شي
مع إن عندي وااايد أشياء أكتب عنها
أمس فكرت جديا في إني أصك لبلوق وما أكتب خلاص
اليوم كل شوي أفتح الصفحة بكتب وما أكتب ولا كلمة وأصكها
:/
-----
رديت حق الدوام والاجتماعات والعفسة
بس بعد السفرة أحس إني نشيطة ومشتاقة حق الشغل
دشيت مكتبي جان أنصدم إن مسوينه مخزن
وثاني مفاجأة إن في ثلاث موظفين يدد كويتيين مع إن الكويتيين عندنا شوية
والمفاجأة الثاثة إهيه منو أهمه هالثلاثة ... مابي أتكلم عنهم الحين !
بالنسبة لقرشة الحلاو مخلصة بس مخلين حلاوة وحدة
يعني ترا ما خلصناه
LOL
-----
السفرة كانت عجيبة الحمدلله
أونس شي السفر مع لصبيان بدون بنات :p
رحنا بس آنا وأخوي وأبوي
وماشالله أحس إن قعدنا أكثر من أسبوعين! لأن سوينا أشياء وايد
قعدنا بآخن جم يوم هناك ربع أبوي
بعدها رحنا بالقطار حق برلين
ببرلين زارونا أخوي وزوجته جم يوم بعدها ارجعوا جدة واحنا رحنا بالطيارة فرانكفورت
إي ونسيت بعد رحنا بوتسدام نزور الألمانيين المسلمين
وأحلى شي بالسفرة إن كانت إتييلي مدرسة خصوصية تعلمني صيني
:)
-----
أمي عطتني ورقة وردية واصلتني البيت لما كنت مسافرة
إيصال بعثية بريد ممتاز عاجل !!! سنترال كيفان !
وماكو اسم ولا دولة !
غريبة آنا مو طالبة شي وطول عمري لما أطلب يوصلني الطرد البيت
وبعدين ليش كيفان بيتنا مو هناك
أمي تقول يمكن وحدة دازتلج حق يوم ميلادج
ورفيجتي تقول يمكن رفيجاتج الأندونيسيات
وإلي تقول واحد دازلج حق الفالنتين :p
وإلي يقولون متفجرات !
وانا رحت سنترال كيفان ومادري ليش خايفة
LOL
عطيتهم الورقة وشافوا بطاقتي المدنية ووقعت
جان يعطوني كرتون اشكبره
@@
قالي عن إذنج لازم أفتحه !!!
آنا استغربت بس الظاهر طريقتهم جذي
طل فيه جان يقولي شنو ملابس؟؟؟
قتله مادري !!!
جان يقول خلاص إخذيه
طبعا ما نطرت أول ما خذيته جان أقرا مكتوب من أمريكا
فتحته جان أكره نفسي
LOOOOOOOL
نفنوف آنا طالبته من سنة يدي ! وناسية رايح عن بالي كلش
اتصلت على أمي أطمنها
وضحكت على نفسي
n_n
-----
: خارج الموضوع
I learned that life is about taking chances
-----