Wednesday, October 17, 2007

Cooking!

-----
الدوام مو شي بعد العطلة
خصوصا لما نرجع حق الدوام الطويل
ومع لصيام ينوم
:/
-----
بما إني خلصت شغلي وباقي ساعتين على الدوام
قلت أكتب هالموضوع
كان المفروض أكتبه برمضان
-----
قبل لا أبدي بالموضوع
ودي أقول لكم إن عطلة العيد كانت حلوة
ويوم طلعت اليهال وديتهم مسرحية هذا يبيله بوست بروحه
LOL
-----
رفيج أخوي توفى أول يوم عيد
الله يرحمه
ويجعل قبره روضة من رياض الجنة
ويصبر أهله
-----
أخوي انصدم خصوصا إن قبلها بيوم متفطر معاه
وإن الوفاة كانت سكتة قلبية
والولد صغير عمره 19
:(
-----
أمس رحت العزا أمه تكسر الخاطر
لي الحين في صدمة حتى مو قاعدة تبجي !
الله يعينهم :/
-----
مابي أضيق خلقكم أكثر
وأبدي بموضوعي المهم
:p
الله يسلمكم آخر جم يوم من رمضان
خذيت إجازة
لأن كان فيني نقص نوم مو طبيعي
وبالغصب أقوم حق الدوام وبعد أيي متأخرة
فقلت فشلة كل يوم متأخرة مادري اشكثر
خل آخذ إجازة
وبعد عشان أرتاح
:)
-----
عاد لقيت عندي وقت وايد
قلت أحقق أمنية أبوي
وأطبخ شي
فطلعت كتاب الطبخ
ورحت الجمعية
أقرا بالكتاب الطلبات وأشتريهم
والناس يطالعوني شايلة كتاب اشكبره
وأيمع الأغراض
وأقرا كل شي جم كميته
جنه صج
LOL
-----
خلصت مهمة الجمعية ورديت البيت
هذي الأغراض مرتبة وزاهبة
( لتكبير أي صورة ... ضغطوا عليها )

إلي راح أسوي
Macaroni Cheese
معكرونة مع جبن أو بشمل
أتوقع نفس الشي
:p
-----

ترا الخلطة كلها آنا سويتها

ماكو شي زاهب

:D


----

وبعد ما طلع من الفرن

كان هذا الشكل النهائي

مو مهم الشكل :p

المهم إن ريحته عجييييييبة

yummy!

-----

وهذا أخوي قاعد ياكل ومستانس

ولو تشوفون ويهه الابتسامة اشكبرها

:)


-----

وكان الطعم وايد حلو

والأكلة ناجحة الحمدلله


وسويتها يوم ثاني بس غيرت شكل المعكرونة
وضفت الجبن
parmesan cheese

اطلعت أحلى
:D
-----
النتيجة إني اكتشفت إني أحب الطبخ !!!
واستانست وايد @@
سبحان الله :p
-----

15 comments:

kila ma6goog said...

بالعافية

Neyoma said...

الله شكلها خوش طبخة تسلم إيدج

و لو سمحتي ممكن تعطينا المقادير خنجربها :p

ولااااا سر المهنة ;p ?

و بالعافية

Judy Abbott said...

try cooking with your friend.. its even akthar wanasa...:)

bon apetite :)

loyalty said...

الله يرحمه برحمته و يغفر له :\

------

الظاهر كل أبو وده يشوف بنته طباخة

مو قادرة أتوصل لحكمة هالامنية اللي تراود الجميع :S

المهم إني
غير البيتزا ماسويت شي برمضان
hehe


--------

ننطر بوست المسرحية .. بس أي مسرحية محاكمة راشد؟ :P

Yara said...

El 6abkh 7ada wanasa me 2 bedait a6bakh and loving it :P try www.recipezaar.com
www.allrecipes.com

khosh websites fehom malyon 6abkha o a7la shay ena kel 6abkha feha Rating elnas msaweenha o mqaymeenha.. ana kela i search 7asab akthar rating :) o fe wayd aqsam tabin moqbalat, main course, dessert, diet o healthy, indian, italian.. kelshay

Purgatory said...

:) you ! cooking!

hahahahahahaha

what is this world coming to :)?

next time add coffee in it so TF can eat it :P

3baid said...

Tislam edaich :)

qc said...

Nice Cooking !

Kuw_Son said...

bring some with you in gatherings next time :P

طائر بلا وطن said...

@@

سبحان الله

:p

::heba:: said...

عورني قلبي على رفيج اخوج
الله يرحمه ووسع منازله
الواحد يموت فجأة والموت مايعرف لا صغير ولا جبير .... الله يرحمه ووسع منازله وصبر اهله...


----------------

الله طلعت موهبه يديد لج :D
نصور وناكل جنه :PPP

عليكم بالعافيه ولو اني ماذقت شغلج بس توقعاتي ان لج نفس بالطبخ :D

ابي اذوووق :PP

LAVENDER.Q8 said...

مبين عليها خوش وصفة

ياريت البوست الياي تكون الماقادير والطريقة
:P


والله يرحم رفيج اخوج ... اكيد الايوب!!

|:| DUBAI |:| said...

Salam 3laiCh ^_^

e9ra7ah il9oraH TeShehy !

TeSlm AyeedCh Lo ena N7n ma ThgNaa Shia : D !

Ra-1 said...

Thanks everyone :D
أهم شي عجبكم شكلها إلي يضحك
heh :)

Loyalty ...
نعم محاكمة راشد

Yara ...
Thanks for the website :)

Lavender ...
نعم ولد الأيوب الله يرحمه

Murqab said...

Niiiiiiiiiice plate ..

every girl has to get back to her roots .. cooking is for girls !