Thursday, June 03, 2010

Tagged !!

حده من زمان عن سالفة التاق !!
هبينا فيها فترة بعدين انقطعت
واليوم نرجع لكم بعد ما وصلني الواجب ولازم أحله
-----
قوانين التاج السلطاني
اذكر اسم من طلب منك حل هذا الواجب
تحدث عن ستة أسرار قد لا يكتشفها من يقابلك للمرة الأولى
حول هذا الواجب إلى ستة مدونين، واذكر أسماءهم مع روابط مدوناتهم في موضوعك
اترك تعليقا في مدونة من حولت الواجب إليهم، ليعلموا عن هذا الواجب
-----
نيو برايد هي من طلبت مني حل الواجب
-----
عاد ليش أسرار؟
أسراري وايد هههه

بس خليني أختار ستة :)

أول سر
إن فيني برود أعصاب وماعرف أعصب
ويمكن الشي الوحيد الي يخليني أعصب لما أشوف أحد مايحترم أمه أو أبوه أو يقل أدبه عليهم
عاد وقتها يطلع الجانب الشرير من شخصيتي سواء كنت أعرف الشخص أو لأ !
طبعا في شي قبل هذا أكيد يخليني أعصب وهو اذا أحد غلط علي ديني الإسلامي

ثاني سر
إن أكثر بلدة أحبها وأموت فيها: الصين
ومتابعين بلوقي أكيد عارفين هالشي
بس يمكن مو عارفين إني أتكلم صيني وإني لازم أزور الصين كل سنة
وزرتها هالسنة لمدة خمس أيام تقريبا وما كتبت عن هالشي ;)

ثالث سر
كتومة وأحفظ الأسرار
ومادري ليش الناس تحب تخش أسرارها عندي
عندي أسرار الدنيا كلها :p
شي حلو إن أهلي وصديقاتي يثقون فيني للهالدرجة
ويلجؤون لي لحل مشاكلهم أو لمجرد سماعهم

رابع سر
ماحب الخضار وما آكل سلطات واذا باكل شي لازم يكون سادة ومافيه لون أخضر
:)

خامس سر
أحب الحيوانات وايد
بس ماحب الحشرات وأخاف منهم

سادس سر
إذا تكلمت أتكلم بأكثر من موضوع نفس الوقت @@
يعني عادي أقطع السالفة وأدش بموضوع معاكس تماما
رفيجاتي واخواني كله يزفوني على هالحركة لأن يكونون يسولفون بشي
وفجأة بنص السالفة أدش لهم بموضوع ثاني ماله شغل
بس والله الشي يصير تلقائي مو متعمدة :)
-----
وخلصنا الست أسرار والحين أنقل الواجب لست أشخاص

والشخص السادس مفتوح لأي واحد يحب يشارك
:)

8 comments:

الوتيــــــــــن said...

واو

وايد أشياء مشتركة

الكلام بوقت واحد باكثر من سالفة
العصبيه لمن احد يغلط على اللي اكبر منه وخاصة الام
الخضرة ماحبها .. ولمن يغصبوني آكل سلطة احس نفسي خروفة لول

مساج ورد يا ورد :)

شاي الضحى said...

مشكوره حبيبتي على التاغ

بس انا حليته من قبل :)))

وناسه انا احب الدول الي فيها سوالف غريبه مثل الصين بس ولا مره رحت لها

ويه ليش ما تحبين الخضار احلى شي ومفيده

انا 24 ساعه اكل خضرا جني ارنب ههههههه

شكرا :)

Hashimoto said...

الصين .. اي وايد اشوف صورج من الصين
وناسة تتكلمين صيني .. ابي !
لول !!

اي منطقة\مدينة تفضلينها بالصين ؟

shosho said...

Thanks just did mine :)

Ra-1 said...

الوتين ...

شي حلو إن شخصياتنا متشابهة واحنا مانعرف بعض :)

Ra-1 said...

شاي ...
LOL
والله زين تسوين آنا حاولوا فيني وايد بس ماكو فايدة :)

Ra-1 said...

Hashimoto ...

منطقتي المفضلة ما فيها سياح وعرب
اسمها شنزن :)

Ra-1 said...

Shosho :)