الشيخ صباح اميرا للبلاد
فحبيت أحضرها ولو إنها انعرضت على الهوا بس شعور غير إني موجودة وأسمع القسم وانا أشوف الأمير الجديد أمامي
قبل يومين اكتبوا بالجرايد إن الجلسة راح يقتصر حضورها على المدعوين فقط
الوالد الله يحفظه بأمريكا ... اتصلت عليه وقلت له بحضر الجلسة بدعوتك
قلت حق أخوي الي أصغر مني تبي اتيي معاي الجلسة؟
اشلون احنا شخصين ببطاقة وحده?
آنا قلت له ما عليك احنا بنروح الساعة 12 حق الجلسة الثانية وراح ايدخلونا
رحنا مجلس الأمة وانا كنت أسوق
عند البوابة قالنا الضابط
ماتدخلون
ليش
قال ما تدخلون اهني
انتوا اتدشون من البوابة الرئيسية إلي على البحر
قلت له مصكوكة
قال يفتحونها لكم ... انتوا كبار الشخصيات
آنا استانست :) قلت
I love my daddyyy
دخلنا واكتشفنا إن كان المفروض انيي مع السايق ! لأن عفسة وإلي يدخل ما يقدر يطلع
دخلنا ودشينا تحت
I was the only girl :\
إي ما قلت لكم؟
شي طبيعي صح :p
العفاسي قرى آيات من القرآن الكريم
وبعدها قال الشيخ صباح القسم
الله يعينه صراحة الأمانة كبيرة وايد! شعب كامل تحت إيده
أخليكم مع الصور
-----------
آخر صورتين امصورهم أخوي