This post is dedicated to Laialy ;)

Fast Ride

Fast Ride
Originally uploaded by Daddy's Girl.

From now on ...

No one hurts me and gets away with it

"من صام رمضان وأتبعه ستاً من شوال كان كصيام الدهر"

Eidkom Embarak ...

تقبل الله طاعتكم
وعيدكم مبارك
وكل عام والجميع بخير
-------
at last I will have time for those :)

-------
enjoy the Eid :D

:)

Ray

and

طائر بلا وطن

nice to have you back you two !

---------

my new baby :D

click

تنزل السوق بعد أسبوعين

بس حصلتها واسطة ;p

----------

Utmost thanks for the tag and here are my answers

---------
إذا مستانسة : أقول حق كل الناس
اذا نفسيتي تعبانه : أمر على رفيجاتي

little big

ونورة

ونروح أ ي مكان حتى لو بس نتمشى لأنهم بيخلوني أضحك حتى لو شايلة هموم الدنيا كلها

وإذا ما حصلتهم أو ما قدرت أروح لهم أطلب من هارديز (مادري اشمعنه) واقعد بروحي

آكل واطالع فلم
اذا قامته شيء بقلبي وساكته : تتعب نفسيتي ومرات أمرض وإذا بقول أقول حق أحد قريب من قلبي وأثق فيه
اذا صمت : أستانس ويومي يكون عادي نفس باجي الأيام ونفس البرنامج حتى نادي رياضة أروح
اذا اندقرت : أبجي
اذا حسيت بضغط : أتخذ قرارات مهمة بتسرع ومن غير تفكير جدي
اذا بحس بحرية : أروح العبدلي أو أركب خيل أو أسافر
اذا احد بط جبدي : أقول له ترا تبط الجبد
اذا عصبت : ماحب العصبية وأشوف إن ماكو شي يستاهل إخلي الواحد يعصب

ويقولون إني ما أعرف أعصب ... برود اعصاب شسوي

الوالد الله يحفظه كله يقول

(العصبية درجة من درجات الجنون) lol
اذا بنحاش من أمر : أظل طول اليوم بره البيت وبروحي غالبا ما أروح مكان معين بس أسوق

just driving :/
:p اذا مفلسه : الله يعافي أبوي ما يقدر علي
إذا أمي دقت تلفون: ماتكلم بس أسمعها لأنها بتقول إلي عندها ومع السلامة وتصكه

hehhe
اذا ابوي اتصل : أطير من الوناسة وتشوفون ابتسامتي اشكبرها طول اليوم

:D
اذا بجذب : أخلي الجذبة مو جذبة ... شلون؟ أعطيكم دورة اعلمكم:p
اذا توهقت : أتصل على أخوي

eb9ara7a

حتى إذا كان بره الكويت
اذا استحيت : يصيرون خدودي حمر ورقبتي تدش داخل

LoL
اذا انظلمت : أصعب شعور! يعورني قلبي وايد ... أصك علي داري وانخش بالفراش وأبجي
ليلة العيد : أزهب هدومي والجنطة والجوتي نفس اليهال
اذا حسيت احد متضايق مني : أحاول أفهم ليش متضايق وأعتذر إذا كنت غلطانة
اذا تضايقت من مكان : أطلع منه
اذا ضايقتني امي : اقولها ماحبج

:/
اذا ضايقني ابوي : ماصارت من قبل
اذا صادفتني بليغة شف : أضحك بويهها

وبس :)

---------

------------------

'' Life is a Journey ''

LiTTLE BiG
san3a_wa_laken

iDip

Frankom.com
Delicately Realistic

3baid

Яeema
mishari

Q8ibloger

Q8Lioness

uTMoST

Mother Courage

bojsoom

الطارق

Raed

Salty-C

moklet-choka

Arabian Princess
loco

kila ma6goog

أجرنا وأجركم إن شالله ومشكورين على تعليقاتكم بالموضوع السابق

ما مداني أرد على كل واحد بالموضوع نفسه

وشكرا لكل من سأل ومن لم يسأل! وأدعو الله تعالى أن يحفظ الجميع من كل شر

------------

''CN tower''

لقطة صورتها من السفينة اتبين تورنتو :)

click on it for a better view.

----------------

" at least i have done something ''

كان تحدي مع أخوي يقولي انتي ماتعرفين تطبخين شي

سويت هالكيك وترى عجب الكل :p

الله يخليكم لا تسئلون عن الوصفة !

(._.)

-----------------

'' my nephew ''
اشوية من شطانته
أخلي الصور تتكلم

:)

-----------------

إنا لله وإنا إليه راجعون

ليلة خميس قضيتها عند إحدى قريباتي

لم ننم ليلتها حتى الساعة الخامسة فجرا من يوم الجمعة
استيقظت الساعة 12 ظهرا لأجد مكالمة لم يرد عليها من
eb9ara7a
فأتصل عليه في جدّة
ألو
ألو حبيبتي عظم الله أجرج
شنو؟
شنو ما تدرين؟
شنو عظم الله أجرج
ليش انتي مو بالبيت؟
لأ!
شنو؟ منو؟
ممم
واحد من عيال عمج
اهو مو كبير ولا مريض
توفى بحادث اليوم الصبح

( ... ويعطيني مقدمات!)

...
قووول منووو ؟؟؟
فلان
!!!

لا أدري كيف تجهزت للخروج وأخذت أغراضي وقدت السيارة حتى بيت عمي
أبكي وشريط طويييل من الذكريات يدور
غير معقول! لا يمكن !صدمة كبيرة مؤلمة جدا

...
هل تذكرون موضوعي هذا (...) وجروحي والنزيف؟
هو الذي أتى مسرعا للشاليه وأخذني للمستشفى
نعم هو !
...
أرجع للوراء أكثر منذ ولدنا ونحن لا يفصل بيتنا عن بيتهم سوى حائط
فيوم نحن عندهم ويوم هم عندنا
نرجع لمنازلنا بعد تناول وجبة العشاء معا
نذهب لمدارسنا في سيارة واحدة
نأكل معا ونشرب معا ونلعب معا
رحمه الله تعالى
توفي في يوم جمعة وبعد أن صلى الفجر في جماعة
خاتمته حسنة بإذن الله وهذا ما يطمئننا
أمضى أول ليلة له في قبره وحيدا وهي ليلة رمضان
فالحمدلله
عمي -والده- يحضنني ويبكي و يدعو الله أن يحفظنا !!!

أبي تدمع عيناه !!! إخواني وأصحابه والجميع !!!
كل العائلة في صدمة ... قلبي يؤلمني ...
أخي المقارب لعمره والمقرب له جدا كان أشد المتأثرين
لم يكلم أحدا لأيام
كان معه ليلتها وتبادلا السيارات كما يفعلان كثيرا
أخرج كل يوم لأجد سيارته رحمه الله تعالى كما تركها أمام باب بيتنا
أطل من نوافذ سيارته حيث لا أريد فتح بابها ...

أرى حقيبة ظهر ... كتب ... عصير لم يكمل شربه ...

علبة هاتف نقال جديد !
قدر الله وماشاء فعل
أشياء كثيرة وأماكن أكثر ستذكرنا فيه
ذهب فجأة وبسرعة فالموت لا يسبقه إنذار
كان الأقرب لوالديه بار بهما لا يراهما إلا ويقبلهما ثم يحضنهما ويسأل : راضين عني؟
اللهم صبر قلب أبيه وأمه وأخواته وإخوانه وكل من يحبونه
اللهم اغفر له واجعل قبره روضة من رياض الجنة
:'(
والحمدلله على كل حال

VERY sad Ramadan :'(

Toronto ( 2 )

-------

---

-

مبروك للائتلافية كلية البنات بالتزكية حيث لم تنزل قوائم أخرى

وبالتوفيق للجميع في انتخابات الاتحاد يوم السبت

:)

Toronto ...

Me and brother waiting our room keys ...
Yonge steet is the longest street in the world ...
see the red square I put in the pic?

this is where I met Juddy Abbot!

it was the first time we meet :)

and she is a cool person ;)

it seems that I am enjoying meeting bloggers :p

إنا لله وإنا إليه راجعون

el 3am Bo Bader (Abdullah Al-Ali Al-Mu6awa3) tewafa

الله يغفر له ويرحمه ويسكنه فسيح جناته ويجعل قبره روضة من رياض الجنة

:'(

insan ma ga9ar eb a3mal el khair o khedmat el Islam

--------------

----------

-----

I am in Montereal

8:15 am

-----

---

-

Update ...

I had to tell dad about the death of el3am BoBader Allah yer7ema

before he checks his cell phone and sees the msgs :/

tekadar o thag khelga since he is a special friend

whom he loves and respects ...

well we lost a GREAT person!

I cant say more ...

---

9/9

I am in Kuwait :)

---

from Canada ...

salam alikum ...
inshaAllah all bloggers eb khair?
I am posting from Toronto ...
It was a VERY LONG trip from Kuwait ...
ely0m obooy (baba) kallamna men Amreeka o gal inna he coouldnt get a Visa yet! we were expecting him o shakelhom mara7 ya36oona since he is coming to Canada by car and mako daleel inna he is going back 7ag Amreeka 3ala golat-hom! lol
he gave them all documents they asked for o warahom el tickets ilee men amreeka le leKwait and they are still not convinced :/

ohwa theyg khelga o e7na ba3ad coz 9arla cham shahar fee Amreeka mo shayfeena :(
today gallena he can go back to Kuwait and make a visa to Canada then comes @@
we told him NO! 7ram ebyet3ab wayed tekhayelaw men amreeka le lekwet ba3den men lekwet le Canada !
ma teswa esalfa although we miss him wayed ... he will try again and again to get the visa for Canada o Allah kareem bas le7temal eth3eef :/
anyways yom safretee before going to the airport I met a blogger for the first time and at last! :D
She is Blasha :)
I dont have time to write about our meeting right now maybe later but she is a nice girl and I hope that she liked me :p

okay I have to go ...

Closing my bags

Goodbye everyone and take good care of yourselves

No not to China :)

I am traveling to Canada inshaAllah

مع السلامة

EH :P

Girls! just wanna have fun :)

P.S. (long post ahead including 10 photos)

-------
On Thursday 27-July

Me and my friends spent the day in my uncle's beach house (shaleh)all girls, no boys, no parents,

only maids and a driver in case of an emergency!

We arrived at 11 am and planned to go back to our houses

at around 9 pm

-------

-------

Everything was just perfect and we had so much fun

doing alot of things

سباحة

تشمس tanning

شوي

طبخ

جنجفة

أونو Uno

حرب الثلج

etc...

------- -------
-------
-------
-------
-------

الساعة 6:30 بدينا نطلع من البحر وانا نطرتهم كلهم يطلعون عشان أطلع آخر وحدة

كان في بنت عمرها 8 أو 9 قاعدة تبجي شلتها على ظهري

وقعدت أمشي بطلع فجأة دست على صخر حاد

-------

-------

مابي أطيح وتتعور البنت فحطيت إيدي على الأرض وكان صخر بعد

فدشت إيدي بالصخر ومع ثقل البنت

so imagine what happened @@

-------

وقفت ولا البحر حولي أحمررر طالعت إيدي كلها حمرة من جدام وورا وكلها دم

مت من الخوف أول مرة أنزف وايد توهقت لأن حولي كله صخر

ماقدر أوصل نعالي مقطوط على التراب

الحمدلله كانت وحدة من البنات بره الشاليه ناديتها وقطت لي نعالها لبسته وقعدت أمشي بسرعة

دشيت الشاليه رفيجاتي مساكين اخترعوا آنا أبجي وماسكة ايدي كلها دم

يقولون لي اشفيج؟؟؟ ما أتكلم ! ودوني عند المغسلة قعدت أصب ماي على إيدي والدم ما يوقف

يابولي ثلج وقعدوني فجأة وحدة من رفيجاتي قالت شنو بقع الدم هذي على الزولية؟

خنشوف ريلج ! شافوا ريلي من تحت كلها جروح وتنزف من مكانين وانا ما كنت حاسة

اتصلنا على ولد عمي نسأله وين أقرب مستشفى قال لنا آنا في بنيدر! الحين أييكم

حظنا الحمدلله يا بسرعة وخذاني مستشفى الزور وكان بعيد ! زين ما خلص دمي :/

وصلنا ودشينا نظفوا جروحي وطلعوا التراب والصخر قالوا لازم إبرة تسمم

طبعا ما رضيت الطبيب يقول لازم إبرة ولازم الحين آخر شي قزني إبرة واهو معصب!

أمي اتصلت علي كأنها حاسة إن صاير شي

وينكم؟

بالشاليه

i lied :(

لي الحين ما مشيتوا يالله طلعواالحين

يايين إن شالله

-------
لفوا إيدي وريلي

بالطريج لي الشاليه ولد عمي دايس حتى على المطبات! قتله حرام عليك ما بقالي إلا إيد وحدة وريل وحدة

طبعا ماكو فايدة

boys :)

وصلت الشاليه رفيجاتي ناطريني وتأخرنا على أهلنا يمعنا أغراضنا بسرعة ومشينا

بالبيت أمي شافتني خافت عبالها كسورلما قتلها السالفة قالت عسى مافي غرز أو خياط؟

لا ماكو شي

زين الحمدلله

أمي دايما ببالها إن الخياط يترك أثر مايروح واتفضل إن الجرح يلتئم بروحه
المهم ثاني يوم الظهر رحت مع أمي مستشفى مبارك عشان أجيك على الجروح وينظفونهم

قلت حق أمي بسوي أشعة

قالت لأ لا اتسوين الأشعة مضرة

قلت حق الطبيب أبي أسوي أشعة

قال امبين مافي كسر ما يحتاج أشعة

قلت لهم أبي أسوي أشعة

قالوا ماله داعي

بسوووي أشعة

أوكي على راحتج !!!

ودوني غرفة الأشعة وبعدين رجعت حق الطبيب طالع الأشعة مدة

بعدين قال ودوها غرفة ثمانية وصلنا غرفة ثمانية مكتوب

غرفة العمليات

عمليات الحوادث

@@

نطرنا الطبيب نفسه لما يا ودخلني ما رضى أمي تدخل بس آنا دشيت وقفل الباب

غرفة عمليات صجية نفس الأفلام الفراش أصعد له

2 steps

كل شي أخضر

والسيستر لابسة أخضر

why the operation room?

no this is a small operation room

:/

وأسمع صراخ بالغرف الي يمي صوت ريال يصرخ وصوت يهال يصرخون ويبجون

أسأل السيستر

what happened to the man?

تحقرني !!!

والطبيب بعد ما يتكلم! امنزل نظارته وحاط الأشعة على الليت ويطالع

وبعدين ايطل بالجروح ويرد يطالع الأشعة

آخر شي فكر يتكلم

عظام القدم مافيها شي بس الإيد فيها شي

اشفيها؟

ما أدري فيها شي بس مادري شنو

روحي مستشفى الرازي الحين لأن تخصص عظام واخذي الأشعة معاج

ونروح انطق طريج لي الرازي
بعدين دشيت الدكتور رد فتح اللفاف

bandeges

فتح إيدي قتله لا تفتح ريلي

قال ليش?

عشر مرات افتحوها اليوم واحد يفتح وواحد يربط والطبيب قال الريل مافيها شي بس الإيد

قعد يطالع إيدي ويطالع الأشعة

هذي الظاهر صخرة ما طلعوها أو انها شي قديم من أول

قتله ولا مرة صارلي شي الحمدلله

قال عيل صخرة لازم انطلعها

وإذا خليتها شيصير؟

يا إن تتكون عليها ألياف وتبقى ما اتضرأو الجسم ايحس إنها جسم غريب

ويدزها لما اتبين شوية وانطلعها أسهل

عيل بخليها

قال لحظة وقعد ايكلم دكتور بالتلفون

قال لي دكتور متخصص بالإيد ياي بعد شوي

hand surgent

نطرته لما يا وكان دكتور مصري رد فتح اللفاف إلي على إيدي

قال لي لازم نفتح إيدج واندور الصخرة

يمكن نلقاها ويمكن لأ@@

قتله مابي بخليها مدام ماراح اتضرني

قالي انزين انسدحي ومدي إيدج على هالطاولة خنشوف

بعدين قال تتكلمي عربي؟

إي lool

ok tell me how did this happen?:/

قعدت أفص له السالفة

فجأة دشت بإيدي إبرة اتموووت

إبرة بنج!!!

اتطول مو مثل الإبرة العادية بسرعة ايقزونها

دخلها فجأة واهو يسولف وانا مادري عن شي !ألم مو طبيعي ما حسيت مثله بحياتي:'(

إيدي بدت تتخدروبعدها بدا يشتغل

فتح إيدي وقعد يدور وانا لافة ويهي الصوب الثاني ودموعي اتخر

لو بس ألتفت يسار اقدر أطالع كل العملية

أهو يكلمني وانا حاقرته

اسمك إيه؟

...

اسمك أمل؟

...

يسأل أمي : اسمها
حنان؟

أمي : ما أدري

ويضحكون اثنينهم

وانا امعصبة مابي أحد ايكلمني

...

ما تتكلمي يا جميل ليه معصبة إحنا زعلناك بحاقة؟

...

آه احنا لقيناها

وقعد يخيط يربط ويقص خلص جان يصرخ

يا بنت !!!إحنا خلصنا خلاص

وانا ولا كلمة

قعدت وكلمت السيستر

where is the stone? dont drop it I wan to keep it

جان تعطيني إياها وكانت صخرة صغيييرة

خذيتها وقعدت أطالع حولي الغرفة عفسة وكل مكان بقع دم حتى على الأرض

شنو امسوين مذبحة بإيدي @@

رديت سكت لبست نعالي وطلعت من الغرفة ولا كلمة

حتى ما شكرت الدكتور ولا شي كأنه مو موجود

والله فشلة :p

طلعت الناس يخزوني يبطون الجبد

والهندي ماسك الويل جير يلحقني وانا أقوله مابي أقعد

وأمي تقول لي عيب

وانا حاقرتهم وأمشي بالغصب

شافني شايب كويتي قالي اشفيج؟

loolتعالي أوديج عند الطبيب

وواحد ثاني يقول لي سلامات سلامات

شنو يعني بس اليهال اتدمع عيونهم لما يتعورون؟؟؟ والله ما ايخلون الواحد بروحه

:/

رحنا مستشفى الصباح خذينا الأدوية

أمي مسكينة كسرت خاطرها امعصبة عليها واهيه مالها شغل

راحت شرتلي عصير وايد أنواع وبطاط وكيك وكاكاو

وانا بقلبي أقول والله وناسة كل هذا حق الطريج :p

-------

-------

افتحوا ريلي أمس الحمد لله

حسافة خلاص ماكو نعل حق الدوام والله كان أريح وأحلى شي :)
إيدي لي الحين لازم يشيلون الخيط الله يستر

-------

-------

very beautiful flowers I got ... I got gifts too n_n

thanks for everyone who asked about me :)

-------

-------