Friday, August 11, 2006

Girls! just wanna have fun :)

P.S. (long post ahead including 10 photos)
-------
On Thursday 27-July
Me and my friends spent the day in my uncle's beach house (shaleh)all girls, no boys, no parents,
only maids and a driver in case of an emergency!
We arrived at 11 am and planned to go back to our houses
at around 9 pm
-------
-------
Everything was just perfect and we had so much fun
doing alot of things
سباحة
تشمس tanning
شوي
طبخ
جنجفة
أونو Uno
حرب الثلج
etc...

------- -------
-------
-------
-------
-------

الساعة 6:30 بدينا نطلع من البحر وانا نطرتهم كلهم يطلعون عشان أطلع آخر وحدة

كان في بنت عمرها 8 أو 9 قاعدة تبجي شلتها على ظهري

وقعدت أمشي بطلع فجأة دست على صخر حاد

-------

-------

مابي أطيح وتتعور البنت فحطيت إيدي على الأرض وكان صخر بعد

فدشت إيدي بالصخر ومع ثقل البنت

so imagine what happened @@

-------

وقفت ولا البحر حولي أحمررر طالعت إيدي كلها حمرة من جدام وورا وكلها دم

مت من الخوف أول مرة أنزف وايد توهقت لأن حولي كله صخر

ماقدر أوصل نعالي مقطوط على التراب

الحمدلله كانت وحدة من البنات بره الشاليه ناديتها وقطت لي نعالها لبسته وقعدت أمشي بسرعة

دشيت الشاليه رفيجاتي مساكين اخترعوا آنا أبجي وماسكة ايدي كلها دم

يقولون لي اشفيج؟؟؟ ما أتكلم ! ودوني عند المغسلة قعدت أصب ماي على إيدي والدم ما يوقف

يابولي ثلج وقعدوني فجأة وحدة من رفيجاتي قالت شنو بقع الدم هذي على الزولية؟

خنشوف ريلج ! شافوا ريلي من تحت كلها جروح وتنزف من مكانين وانا ما كنت حاسة

اتصلنا على ولد عمي نسأله وين أقرب مستشفى قال لنا آنا في بنيدر! الحين أييكم

حظنا الحمدلله يا بسرعة وخذاني مستشفى الزور وكان بعيد ! زين ما خلص دمي :/

وصلنا ودشينا نظفوا جروحي وطلعوا التراب والصخر قالوا لازم إبرة تسمم

طبعا ما رضيت الطبيب يقول لازم إبرة ولازم الحين آخر شي قزني إبرة واهو معصب!

أمي اتصلت علي كأنها حاسة إن صاير شي

وينكم؟

بالشاليه

i lied :(

لي الحين ما مشيتوا يالله طلعواالحين

يايين إن شالله

-------
لفوا إيدي وريلي

بالطريج لي الشاليه ولد عمي دايس حتى على المطبات! قتله حرام عليك ما بقالي إلا إيد وحدة وريل وحدة

طبعا ماكو فايدة

boys :)

وصلت الشاليه رفيجاتي ناطريني وتأخرنا على أهلنا يمعنا أغراضنا بسرعة ومشينا

بالبيت أمي شافتني خافت عبالها كسورلما قتلها السالفة قالت عسى مافي غرز أو خياط؟

لا ماكو شي

زين الحمدلله

أمي دايما ببالها إن الخياط يترك أثر مايروح واتفضل إن الجرح يلتئم بروحه
المهم ثاني يوم الظهر رحت مع أمي مستشفى مبارك عشان أجيك على الجروح وينظفونهم

قلت حق أمي بسوي أشعة

قالت لأ لا اتسوين الأشعة مضرة

قلت حق الطبيب أبي أسوي أشعة

قال امبين مافي كسر ما يحتاج أشعة

قلت لهم أبي أسوي أشعة

قالوا ماله داعي

بسوووي أشعة

أوكي على راحتج !!!

ودوني غرفة الأشعة وبعدين رجعت حق الطبيب طالع الأشعة مدة

بعدين قال ودوها غرفة ثمانية وصلنا غرفة ثمانية مكتوب

غرفة العمليات

عمليات الحوادث

@@

نطرنا الطبيب نفسه لما يا ودخلني ما رضى أمي تدخل بس آنا دشيت وقفل الباب

غرفة عمليات صجية نفس الأفلام الفراش أصعد له

2 steps

كل شي أخضر

والسيستر لابسة أخضر

why the operation room?

no this is a small operation room

:/

وأسمع صراخ بالغرف الي يمي صوت ريال يصرخ وصوت يهال يصرخون ويبجون

أسأل السيستر

what happened to the man?

تحقرني !!!

والطبيب بعد ما يتكلم! امنزل نظارته وحاط الأشعة على الليت ويطالع

وبعدين ايطل بالجروح ويرد يطالع الأشعة

آخر شي فكر يتكلم

عظام القدم مافيها شي بس الإيد فيها شي

اشفيها؟

ما أدري فيها شي بس مادري شنو

روحي مستشفى الرازي الحين لأن تخصص عظام واخذي الأشعة معاج

ونروح انطق طريج لي الرازي
بعدين دشيت الدكتور رد فتح اللفاف

bandeges

فتح إيدي قتله لا تفتح ريلي

قال ليش?

عشر مرات افتحوها اليوم واحد يفتح وواحد يربط والطبيب قال الريل مافيها شي بس الإيد

قعد يطالع إيدي ويطالع الأشعة

هذي الظاهر صخرة ما طلعوها أو انها شي قديم من أول

قتله ولا مرة صارلي شي الحمدلله

قال عيل صخرة لازم انطلعها

وإذا خليتها شيصير؟

يا إن تتكون عليها ألياف وتبقى ما اتضرأو الجسم ايحس إنها جسم غريب

ويدزها لما اتبين شوية وانطلعها أسهل

عيل بخليها

قال لحظة وقعد ايكلم دكتور بالتلفون

قال لي دكتور متخصص بالإيد ياي بعد شوي

hand surgent

نطرته لما يا وكان دكتور مصري رد فتح اللفاف إلي على إيدي

قال لي لازم نفتح إيدج واندور الصخرة

يمكن نلقاها ويمكن لأ@@

قتله مابي بخليها مدام ماراح اتضرني

قالي انزين انسدحي ومدي إيدج على هالطاولة خنشوف

بعدين قال تتكلمي عربي؟

إي lool

ok tell me how did this happen?:/

قعدت أفص له السالفة

فجأة دشت بإيدي إبرة اتموووت

إبرة بنج!!!

اتطول مو مثل الإبرة العادية بسرعة ايقزونها

دخلها فجأة واهو يسولف وانا مادري عن شي !ألم مو طبيعي ما حسيت مثله بحياتي:'(

إيدي بدت تتخدروبعدها بدا يشتغل

فتح إيدي وقعد يدور وانا لافة ويهي الصوب الثاني ودموعي اتخر

لو بس ألتفت يسار اقدر أطالع كل العملية

أهو يكلمني وانا حاقرته

اسمك إيه؟

...

اسمك أمل؟

...

يسأل أمي : اسمها
حنان؟

أمي : ما أدري

ويضحكون اثنينهم

وانا امعصبة مابي أحد ايكلمني

...

ما تتكلمي يا جميل ليه معصبة إحنا زعلناك بحاقة؟

...

آه احنا لقيناها

وقعد يخيط يربط ويقص خلص جان يصرخ

يا بنت !!!إحنا خلصنا خلاص

وانا ولا كلمة

قعدت وكلمت السيستر

where is the stone? dont drop it I wan to keep it

جان تعطيني إياها وكانت صخرة صغيييرة

خذيتها وقعدت أطالع حولي الغرفة عفسة وكل مكان بقع دم حتى على الأرض

شنو امسوين مذبحة بإيدي @@

رديت سكت لبست نعالي وطلعت من الغرفة ولا كلمة

حتى ما شكرت الدكتور ولا شي كأنه مو موجود

والله فشلة :p

طلعت الناس يخزوني يبطون الجبد

والهندي ماسك الويل جير يلحقني وانا أقوله مابي أقعد

وأمي تقول لي عيب

وانا حاقرتهم وأمشي بالغصب

شافني شايب كويتي قالي اشفيج؟

loolتعالي أوديج عند الطبيب

وواحد ثاني يقول لي سلامات سلامات

شنو يعني بس اليهال اتدمع عيونهم لما يتعورون؟؟؟ والله ما ايخلون الواحد بروحه

:/

رحنا مستشفى الصباح خذينا الأدوية

أمي مسكينة كسرت خاطرها امعصبة عليها واهيه مالها شغل

راحت شرتلي عصير وايد أنواع وبطاط وكيك وكاكاو

وانا بقلبي أقول والله وناسة كل هذا حق الطريج :p

-------

-------

افتحوا ريلي أمس الحمد لله

حسافة خلاص ماكو نعل حق الدوام والله كان أريح وأحلى شي :)
إيدي لي الحين لازم يشيلون الخيط الله يستر

-------

-------

very beautiful flowers I got ... I got gifts too n_n

thanks for everyone who asked about me :)

-------

-------

17 comments:

Purgatory said...

Nice story, and nice to see you are getting better.

Anonymous said...

salaaamaaat

Allah e3eenich :/ sounds like a bad experience

take care and be careful next time

MASS said...

salamaaat,,
matshofeen sharr

wallah i felt so sorry for you,, especially when you talked about blood,, i know you get really scared from just one drop of blood

bass lol @ egyptian docotor..
hahaha ya gameel...

yalla you is a tuff Islamist
:P

take care your self dont be so matcho
peace

iliveinq8 said...

kha6ach el sooo!!!!!
can u post the stone's picture the one they took out of you!! I'd never through it!..

la salamaat wallah! 7emdellah 3al salama , 7asafa el re7la e6la3at min chabdich! i mean min eedich! or reelich! omg..

salamat again!!

ray said...

hey

salamaat, matshofeen shar. sorry tawni astaw3eb ina chethi ilsalfa

MiYaFuSHi said...

Ma itshofeen shar :)

Raed said...

سلامات و طهور إن شاء الله

MîshMêshâ™ said...

Slamaaaat Ra-1 , Al7amdeelah 3la Alsalama :)


Kant Re7la Enma Eeh ;pPp !


Ge9at El Operation 7adha Scary :o ! OMG Law Ana Mokanech Chan Met Oo Ohma Yswoole Kel Hatha Yoomaaa :O :O !!


Get Well Soon ;))

Ra-1 said...

Purg ...
thank u :)

bloboz ...
glad u enjoyed it :D

laialy ...
Allah esalmich, thanks dear :)

shopaholic ...
thanks sweetie :)

Q8ibloger ...
yeah I felt so bad seeing the blood actully I cried from looking at it and not from the pain :/
egyptian doctors are funny lol :)

Ra-1 said...

iliveinQ8 ...
Allah esalmik ... al7een a9awerlek the stone o I will upload the pic in flickr morning inshaAllah ...

Ray ...
Allah esalmich dear ... I thought ur sis told u :p

miyafushi ...
eshar mayeek/ch :)

Raed ...
Allah esalmik :)

mishmisha ...
Allah esalmich ... yes evrything was so scary :/
yalla el7emdella :)

Ra-1 said...

mishmisha!!! tawnee I figured out who u are ;)
aham shay we had fun that day and because of what happened to me I will never forget that day hehe :)

Diver said...

خوش قصة
اشوه رديتي لنا قلتي انج متعورة ضيقتي خلقنا
على العموم الحمد لله على السلامة
بس طلعتي زعزلة ها يلا الطيبين يستاهلون يكونون زعولين
سلامات مرة ثانية

MîshMêshâ™ said...

Oh ! I Thought You Know Who I Am Mn Account Flickr >> RaDeEnHa !!


HeHeHe ;p !

Sever said...

I still can`t read Arabic :-D
But I could get that you are fine now & had a perfect day.

Stay in good health & eat well as that day :P

Liked your photos as usual.

Be fine, Ra-1!

3baid said...

Ouch.. Glad it's all over now.

Ra-1 said...

Diver ...
hehhe :) Allah esalmik

mishmisha ...
tawnee adree :D

Sever & 3baid ...
THANK YOU :)

Mother Courage said...

aiii yi3awer =(

alf il7imdillah 3ala salamtich ;*