Sunday, June 29, 2008

I haven't studied in years!

-----
راحة نفسية إني خلصت من الامتحانات
امتحانين كانوا وايد صعبين والثالث سهل الحمدلله
الله يستر من النتايج :)
-----
هاذي الصورة الوحيدة إلي صورتها بهالسفرة
بما إن صارلي سنين ما درست فقلت أصور لقطة وانا أدرس :p
-----
قبل أسبوعين لما رحت حق محاضراتي أول مرة
كان الوضع غريب شوي
كل إلي معاي بالطيارة معاي بالجامعة وكلهم ارجعوا معاي بنفس الطيارة
وبالمطار كل الموجودين نفسهم إلي شفتهم بالجامعة
LOL
إلي اقعدت يمي بالطيارة حدها اتينن
سولفنا طول الطريج من الكويت لي البحرين
وصادفتها بالجامعة جم مرة بس إهي تدرس بكالوريوس
آنا استغربت لما سمعت وحدة تناديني وانا ماعرف أحد
استحيت لما شفتها لأنها احفظت اسمي وانا نسيت اسمها :/
عندي مشكلة مع الأسامي بس أحفظ الويوه !
-----

حسافة أخوي إلي سجل بنفس الجامعة دوامه عكسي
يعني الأسابيع إلي ما أروح أهو يروح
هاهها يعني ما أشوفه :)
يمكن بس بالصيفي مقسمين الكليات
احتمال الكورس الياي يصير دوام كل الكليات نفس الوقت
-----
أول يوم اشحلاتي مداومة بعباية
بس تخيلوا الدوام من 8 الصبح لي 10 بالليل وفي ناس لي 11 !
الوضع ما يساعد ثاني يوم داومت بتنورة جينز وجوتي رياضة
والشباب كلهم نفس الحالة أول يوم دشاديش وغتر
وباجي الأيام هدوم رياضة و شورتات !
-----
وايد تعب كل محاضرة 3 ساعات ومتروسة معلومات
لأن مواضيع أسبوعين يعطونا إياهم بثلاث أيام :/
إي ومعانا ثلاث نواب بالجامعة
:p
-----
قمت أأجر سيارة كل ما أروح
البحرين سهلة
الجامعة بعيدة عن الفنادق يعني لازم أطلع قبل نص ساعة
الناس ويك إند وانا أقعد الساعة 6 :(
-----
وأول ما أوصل الكويت سيده أنام وثاني يوم أرجع من الداوم أنام وأقوم بالليل
وهاذي حالتي كل ما أرجع
أمريكا مو البحرين
هاهها :p
-----
خارج الموضوع
Tag
1- اذكر أسم من طلب منك حل الواجب
2- اذكر القوانين المتعلقه بحل هذا الواجب
3- تحدث عن ستة أسرار قد لا يكتشفها من يقابلك للمرة الأولى
تفضلوا حل الواجب :)
(1)
وايد ناس بعد ما أتعرف عليهم يقولون لي أول مرة شفناج عبالنا مغرورة بس طلعتي طيبة
يقولون طريقة نظراتي توحي إني مغرورة وبعد لأني ما ألقي ويه
(2)
ما أعرف أجامل ولا أحب أجامل
وهذي الصفة تسبب لي مشكلات أحيانا
بس مو مقتنعة أغيرها أحس إني لما أجامل أجذب
مثلا ليش أبين لوحدة إني أحبها وانا بالصج ماحبها ولا أبلعها؟؟؟
(3)
طبيعتي هادية وأستحي
بس إلي يعرفوني عدل يدرون إن فيني شطانة ومرحة ورياضية
(4)
لما أشوف شي غلط أصير شخصية ثانية
يعني عادي أتدخل وأتكلم ناس ماعرفهم
مثلا وحدة بالسوق ما تكلم أمها باحترام
ولا اثنين بالشارع يسبون بعض
ولا وحدة تطق ولدها الياهل
في مواقف تخليني أعصب من داخل وماقدر أسكت !
فأرز ويهي وأعطيهم جم كلمة تخليهم يفكرون بإلي سووه
وإلي معاي ينصدمون هاهها
(5)
ماعرف شنو بعد!
سإلوا إلي يعرفوني :p
-----

19 comments:

Big Pearls said...

ay jam3a tadresen?:)

eshda3wa said...

allah ywafgich inshallah ya rab!

Q80-Chill Girl said...

i will later read the full post and comment بذمه و تركيز

but i wanted to say, how sweet OR is :} i adore this subject! its a part of my study that i greatly enjoyed, i اغبطك for studying it, i still keep all its text books from ayam el jam3a :D

i love OR

الطارق said...

الحمد لله على السلامة ، وبالتوفيق إن شاء الله لك ولأخوك :)

New Bride said...

alaah ewafgich enshalaah :)

entay so sweet o ana mn zmaan mo3jba feech o bashkh9eetich o lama 3rftich akthar halfatraa 7abeetich zyaada :)


الظاهر سالفه انج ما تسكتين على الغلط طلعت وراثه بالعايله طالعه على بنت عمج

;)

Anonymous said...

اموت على الارقام والسيركيتس
شنو هالمادة؟

Ra-1 said...

Big Pearls ...
Gulf :)

eshda3wa ...
Thank you sweetie :)

Q80-Chill Girl ...
Hehhe I love it too and I had good grades
but this one is different it is Advanced! very complicated te3aqadt :)

Ra-1 said...

الطارق ...
الله يسلمك :)

New Bride ...
I love you too :*

Anonymous ...
Information Resource Planning :)

AAajed said...
This comment has been removed by the author.
Ra-1 said...

Majed ...
What language is this?
:)

AAajed said...

الجوال للبيع !!! ا

يقولونى مايرد الكريم إلا اللئيم :) ا

شكلنا ندرس في نفس الجامعة ياروان

Ra-1 said...

Hmmm
مادري ماعرف سعوديين :)

Deeeeeee said...

OmG! Pert diagram? I feel oooooold!! Good luck with OR! :)

Ra-1 said...

Deee ...
Sheno Pert diagram?
And dont worry I am older than you :p

Deeeeeee said...

I thought the network diagram in the photo was a pert diagram. Pert diagrams are a type of network diagrams, but you make several calculations related to critical path, "earliest time" and "latest time". It is used in large projects to capture precedence of one activity to the other or define parallel tasks. Don't worry it is easy. :)

Btw, I love the prevalence of the red color in the photo!

Ra-1 said...

Deee ...
Yes this is it, but I didn’t know that it is called Pert Diagram :p

و ما الحياة إلا عقيدة و جهاد said...

موفقه يا الغاليه
اجمل شي في الوجود طعم الانجاز و حلاوة الانتاج
عقبال ما نباركلج بالتخرج

Technogal said...

Study Hard :) Mwafega Inshallah.

Ra-1 said...

و ما الحياة إلا عقيدة و جهاد ...
مشكورة :)

Technogal ...
Thank you :)