Tuesday, October 28, 2008

وأخيرا دشيت مكتبة عامة !

-----
كان المفروض أرجع من البحرين يوم السبت
ولكن ماحصلت حجز
وبعد محاولات حصلت على يوم الأحد عصرا
على أسوأ طيران
طيران الخليج
ومو غريب عليهم إن يصير تأخير في آخر لحظة ويصبح الموعد في الثامنة ليلا
كلمت موظف السفريات في الكويت وطلبت منه حجز على أي طيران
حتى لو ترانزيت وقال مافي
وبعد فترة اتصل وكانت المفاجأة أنه حصل على الكويتية وتطير في السابعة أي فرق ساعة فقط
ولأني معصبة قلت له إحجز ! ولو أن ساعة واحدة لن تأثر
جلست في البوابة أنتظر وأنا متوقعة تأجيل الكويتية أيضا
تخيلوا أن بوابة الخليج بجانب بوابة الكويتية
وانا قاعدة وماسكة بوردنج للطيارتين
2 boardings
أدري تبذير :p
وقلت إلي بتطير قبل أركبها
LOL
-----
سفرتي هذا الأسبوع كانت مختلفة وحلوة
لأن تعرفت على بنت من الجامعة معاي وحجزنا في نفس الفندق
في الموضوع القادم أكتب لكم شنو سوينا مع الصور
She is an amazing girl
and we had fun :)
-----
الأسبوع الماضي كنت أدرس معاها بالكويت حق امتحاناتنا
والصراحة شجعتني وايد على الدراسة
وحبيت الجامعة لأني صرت أعرف أحد الحين
اكتشفنا مكان سري
مكتبة عامة
مكان هادي وممتاز
كل يوم نروح ندرس هناك
بس بالويك إند يصكون فندرس في بيتنا
احفظونا وقاموا يدخلونا كل يوم حتى أيام الشباب
وعندنا غرفة بروحنا فيها
وعادي ندخل أكل وكل شي معانا
ومتى ما ملينا خذينا استراحة رحنا ستاربكس أو الجمعية
-----
في يوم رحنا ولا أول مرة نشوف واحد قاعد بغرفتنا !
شايب قاعد يقرا جرايد وحاط له راديو
ومطارة شاي
شاي الوزة
LOL
بس شوقنا رحنا طلبنا جاي من ستاربكس :p
هالأسبوع خربت المقاطعة :/
-----
كلمنا موظفة المكتبة قالت ما عليكم 5 دقايق ويطلع
كل يوم إيي بس يقرا الجرايد ويروح
إحنا حطينا أكلنا وكتبنا وقعدنا ندرس
وانا يومها شارية من هارديز
فشلة :)
سوينا إزعاج بس ما طلع !
أذن المغرب طلع صلى ورجع
أذن العشا راح صلى ورجع
آخر شي رفيجتي تقول لي وايد برد
جان يتكلم !!!
قال لنا: إي برد بس ما يقدرون يصكونه
وهذ المكيف يشتغل على الماي طول اليوم
والمكتبة قديمة أصلا شوفوا الطوف
زين ما تطيح علينا
وفيها كتب يخافون تحترق أو شي
وقعد يسولف
وبعدين راح على وضع الكويت
وبعدين مجلس الأمة
والنواب
والبلدي
وطلع عضو سابق بالبلدي واحنا طايح من عينه :)
وكلمنا عن مشاريعه ومقترحاته
وقص لنا قصص صارت له بعد الغزو
واحنا توهقنا خذا من وقتنا وايد وما خلصنا دراسة
بس الصراحة سوالفه تونس
آخر شي قام يشتكي ويقول: آنا لحقت على عز الكويت
والحين الوضع كل ماله ويتدهور
واندمج بالموضوع لما شال أغراضه وطلع واهو متضايق
مسكين لو ندري ما خلينا يسولف :/
بس والله ضحكنا ذاك اليوم
-----
وفي اثنين غيره كل يوم تقريبا نشوفهم بالمكتبة بس مو بغرفتنا
إيون يقعدون يقرون كتب وبعدين يطلعون
والله زين عندنا مثقفين :)
-----
أكيد الموظفات والحارس والشياب فاقدينه هالأسبوع
:D
-----

11 comments:

Big Pearls said...

sounds interesting..3ad ana wedi adres shay chetheeh intedab in Bahrain..which college are u attending?:)

Cotton Candy said...

hey ! i miss hal ayaam .. ma3a inha kanat loya wayed oo mako ra7ah bs wanasa ;-)

Inssan basee6 said...

هههه من صجكم؟؟
اصلا الدراسه بالمكتبه لها طعم ثاني بس الغلطه كانت؟؟؟؟؟
انكم عطيتو الشايب مجال انه يسولف
المفروض تعرفون ان الشياب يموتون على السوالف

Nemo said...

sha'7bary maktaba 3amah lol
glad u had fun :)

Mr_CHoCoLaTe said...

البحث عن مكان بره البيت هادي للدراسه و القراءه جهد يستحق المثابره

لان احس يتشجع الواحد ان يدرس او يقرى بره البيت ما ادري ليش هي هي

انا في مكان كله اروح له بس مابي اقول وين حالياً

باي

Eb9ara7a and His Wife said...

الحمدلله على السلامة

رايي -بصراحة- ان الجزيرة أسوء طيران او على قولتهم أسوء تاكسي جوي
!

The Wife :)
أشوا لقيتي أحد يشجعج عالدراسة
ويفكني من الحنة
واعليه قلبتواالمواجع على الشيبة
:)

3bady said...

اذا درست بالبيت امل وقت الضغوطات و اذا درست بره الها ما اركز بالكتاب

فيه جم غرفه بمكتبة الجامعة فاضية اقول بخليهم حق دراسة وقت الضرورات

بس هل راح اعرف ادرس ؟

احلى شي لما اتقعدين مع شايب و يسولف عن شي انتي مو سامعة عنه مو مار عليج

ساعات تنصدمين صج !

و الله يوفقج و الحمدالله على السلامه

Hitman1 said...

kaaaaak that was so funny about the boardings.... the battle of the worse airline in the gulf :)))

So which one took of first? I'm so interested to know

Ra-1 said...

Big Pearls ...
Gulf University :)

Cotton Candy ...
Hey nawar leblog!
Walla wanasa :) I miss you :*

Inssan basee6 ...
LOL
شكله هادي وجم ساعة ساكت ما توقعنا يسولف هالكثر :)

Ra-1 said...

Nemo ...
عاد تصدقين أول مرة أروح؟
:p

Mr_CHoCoLaTe ...
إي حده ماعرف أدرس بالبيت
:)
وين مكانك السري؟

Eb9ara7a and His Wife ...
بالعكس مواعيدهم مضبوطة جربتهم أكثر من مرة

The Wife ...
هاهها :)

Ra-1 said...

3bady ...
شد حليلك بالدراسة
:)
الله يسلمك

Hitman1 ...
LOL sheft eshlon? :)
I took Kuwait Airways and it arrived on time el7emdella!