Sunday, February 28, 2010

;) يوم ممتع


توني واصلة البيت ومزاجي مزاج كتابة بالبلوق
والله زين من زمان ما يتني هالحالة صايرة كسولة
-----
بالنسبة للرحلة الأخيرة المذكرات والصور موجودة
كنت أكتب يومياتي في دفتر بس لما أصير نشيطة إن شاءالله راح أكتبها في مذكرتي الالكترونية
إلي هي هذي المدونة طبعا
:)
-----
يمكن إلي مخليني مستانسة وأبي أكتب وأكتب
المعجب إلي راح أتكلم عنه بنهاية الموضوع والي شفته بالشارع قبل شوي!
-----
اليوم الظهر رحت مع البنات فلم هندي
أول مرة أروح فلم هندي بالسينما
ولا عمري رحت فلم عربي بالسينما
بس دايما أروح أفلام أجنبية 
-----
الصراحة الفلم عجيييب
أكيد عرفتوا إن
My name is Khan
لأن صاير حديث الموسم
حتى الهنديات والصينيات بالصالون قالوا لي عنه وإن لازم أشوفه !
-----
-----
الفلم مدته ثلاث ساعات وكان في استراحة
قصة الفلم غريبة ما توقعتها جذي
مابي أحرقه على الي ماشافوه
بس مطلعين الإسلام والمسلمين بصورة وايد حلوة
وفيه دعاية قوية حق أوباما
بالنسبة لي بجيت وايد بالفلم
فيه أشياء تعور القلب
وأيضا فيه شغلات تضحك
بس بصورة عامة الفلم مؤثر وتصويره وايد حلو
حبيت كل شي فيه وشكلي بشوفه مرة ثانية
:p
-----
بعد الفلم تغدينا في مطعم فاتح قبل يومين اسمه
Let's Burger
والبلوقرز سبقوني ونزلوا عنه صور
-----
المطعم كبير وهادي
والخدمة سريعة 
آنا جربت الستيك ساندويتش
Steak sandwich
 وايد لذيذة
وذكرتني في مطعم بانيني
Panini
كنا نطلب منه أيام الدوام
نفس الطعم :)
-----
بعدها رحنا نحلي في كافيه كاكاو
caco
أتوقع جذي تنكتب :p
أول مرة أجربه
كان عادي ما شفت فيه شي مميز
بس خدمتهم حلوة والكراسي الخضر يونسون
lol
-----
بعد الطلعة الحلوة رحت النادي أحرق إلي كليته!
ودشيت كلاس يوغا
yoga
مدة ساعة وبعدها سويت رياضة وطلعت
بالطريج للبيت مرت يمي سيارة وحسيت أحد يأشر
التفت جان أشوف ولد عمره سنة ونص أو سنتين مو أكثر
ماشاءالله جميل اينن 
ويبتسم ويأشر لي
لما أشرت له قعد يطرش لي بوسات
flying kisses
هههه يونس يحليله
الله يحفظه ويخليه لأهله
-----
 كل ما أتذكره أضحك
شكلي بنام مبتسمة الليلة
:)
تصبحون على خير يا قرائي الأعزاء !

8 comments:

Hope said...

السلام عليكم

والله شكله قوي هالفلم
الكل يتكلم عنه، عاد مو نوعي افلام هنديه .. يسوى اشوفه ولا بيضيع وقتي؟

يحليله الياهل الله يخليه لاهله

بانتظار بوستات الرحله
=p

الـسـنـبـلـة said...

البوست بكبره يوّنس

و انا اقراه احس انا اللي شفت الفيلم و انا اللي اكلت
و لما قريت عن الياهل تخيلت شكله

انا بعد بنام مبتسمة تضامننا معاج :PPP

New Bride said...

هلا و الله :) اول شي انا ادعوك و بشده و اطلب منكي طلبا انج ترجعين تكتبين بالبلوق :) انتي من اوائل الناس اللي كان عندهم مدونات و لازم تستمرين

الفلم و الله الكل يتلكم عنه
بس عمري ما رحت فلم هندي

انشالله يا رب تظلين على طول تمتعينا بكتاباتج الحلوة يا حلوة و ما ينلام المعجب ;)

Ra-1 said...

Hope ...

ضروري تشوفينه صدقيني حلو :)

وان شاءالله أحط بوستات الرحلة قريبا

Ra-1 said...

السنبلة ...

حبيبتي مشكورة أهم شي انج استانستي
;)

Ra-1 said...

New Bride ...

تتوقعين أقدر أهد بلوقي؟ أحس صار جزء ضروري من حياتي
:p

ولايطوفج الفلم ترا عجيب


:*

mazyona said...

صج يوم ممتع
يالله انشاءالله كل أيامج حلوه

Ra-1 said...

mazyona ...

أجمعين :)