Thursday, March 17, 2011

سوالف وصور من الآيفون

هذي هدية وصلتني بشهر واحد من النادي بمناسبة يوم ميلادي
شي بسيط بس فرحني وايد وحبيتهم أكثر :)

-----
أذكر إني مصورة نفس هالصورة وبجمعية العبدلي بس القديمة
وبسنة 2006 ! تلقونها أهني
Click Here
بس فرق بين الورقتين الحين تطوروا صارت طباعة :)

الظاهر لي الحين في ناس ياكلونه !!!
-----
من وجباتي المفضلة
وأكيد كلكم تحبونها
منو مألفها؟؟؟

أهم شي إني ما لقيت أصغر من هالفلفل آخذه معاي بالسيارة
بس لقيت عملاق :p
-----


دراستي شراح يصير عليها مع هالوضع بالبحرين !؟
البحرين يبيلها موضوع بروحه :(
شي يعور القلب ويخوف ويبجي
يارب تحفظ حبيبتنا البحرين وكل البحرينيين الطيبين
-----
قبل فترة يوم كان شتا كنت بالدوام



جان تمر وحدة يم مكتبي وتصرخ



يماااا ! @@



واي عبالي قطوة



ههه مسكينة خافت من جنطتي :)
---
هذي آخر صورة صورتها أمس بالليل في مجمع 360
بنت صينية ولا بسة اللبس التقليدي
تشوق ما قاومتها :*
قرقت مع أمها بالصيني ههه تقول إنهم من هونج كونج
أحبهم :)
wo i nee Jongwaren!

6 comments:

إنسان بسيط said...

ههههه اهم شي القطو الي دايسته بالسياره صار جنطه ؟؟؟؟
ياساتر

Ra-1 said...

عن الإشاعات الحمدلله ما دعمت قطوة
:)

Touché said...

الحين يوم تطورا من الكتابة ليه الطباعة ما فكروا يشوفون ترجمة عفوا ويغيرون هالـ take care

Ra-1 said...

Touche ...

ههه والسؤال الأهم الناس ما تطوروا وقاموا يعرفون إن هذا أكل حيوانات !!
:)

Hanan said...

أمبيه شكل الجنطة جنه قطوة أو جلب تكرمينّ
وأمبيه صدمتيني مو معقول في ناس ما يدرون إن هذا أكل حيوانات

Ra-1 said...

Hanan ...

إي والله شي غريب ههه :)