Sunday, April 24, 2011

الحمدلله على كل حال

كنت أعتقد أن الموت هو أكبر واعظ
وفي مواقف العزاء نحس شكثر الدنيا ما تسوى
بس أمس اكتشفت إن في شغلات غير الموت
في مواقف تصير للإنسان وأخبار سيئة يسمعها
تخليه يحس إن الشغلات الحلوة إلي يملكها ما تسوى شي
ومالها معنى
وإن الأشياء الي يحبها تافهة جدا
وإن الكابوس شي ممكن ايي للإنسان وهو صاحي وقاعد
مو بس وهو نايم
وإن الحياة مو بيدنا
وخيرها وشرها بيد رب العالمين
وإن مالنا في هالدنيا غيره سبحانه
وكثر مايحس الإنسان باليأس لازم يؤمن بالمعجزات 
وبقوة الدعاء
وبرحمة الله سبحانه وتعالى
وبالحكمة الإلهية في كل شيء
وأن الله كريم
الله يفرجها على كل مهموم وكل مريض وكل محتاج وكل مظلوم
ويارب تسهل أمور كل مسلم
آمين

Tuesday, April 19, 2011

الحياة صدف وعجائب

الصدفة هي التقاء حدثين في الزمان أو في المكان أو فيهما معا
بشكل مفاجئ غير مدروس و لا محسوب بشريا
في ناس يحبون الصدف وانا منهم
وأعرف ناس ما يحبونها!!
عموما الصدف أنواع


وكلها من تقدير الله سبحانه وتعالى
في مواقف تصير لما نقابل شخص مر علينا في حياتنا من سنين مضت واختفى!
وفي مواقف الي نلتقي بشخص لأول مرة بالصدفة وبعدها يصير جزء من حياتنا
وفي مواقف مثل الي بتكلم عنهم الحين
وهي أشخاص مجهولين بالانترنت
نلتقي فيهم بالواقع من غير تخطيط وبالصدفة !!
خلال هالشهر صار لي موقفين آخرهم أمس :)
-----
الأول كان مع بنت في تويتر
وكانت كاتبة عن استقبال زواج بتروح له وفي منطقة نفس الي بروح لها وعندي

فيها استقبال ولما وصلت هناك أرسلت لي شنو هي لابسة عشان أتعرف عليها
ولما التفت أدور لقيتها قاعدة يمي ههه
وطلعت تصير حق العروس الي متزوجها ولد عمي
-----
موقف أمس كان مع وحدة في تويتر أيضا وهي بلوقر بعد
وهذي مدونتها
Click Here

اكتشفنا آنا وروبي من فترة إن احنا نشتغل في نفس المكان


ولكن في طابقين مختلفين


وكان اقتراحها إن نخلي التعارف للصدفة


ومرت الأيام والشهور


إلى أمس ...


كانت معاي باجتماع لمدة يومين وانا مادري


وأمس ركبنا الاصنصير مع مجموعة بنات


فشفتهم يباركون لها بيوم ميلادها


وتكلموا عن تويتر


آنا ربطت المعلومات


وفاجأتها بكرت على مكتبها وترا مازلت مجهولة بالنسبة لها ههه






لا تضحكون على خطي!

Wednesday, April 06, 2011

My birthday was amazing ...

This is part of my man's gift :)
He got me the latest Canon & a pink Om 9achma :p


-----
وأخوي الي في أستراليا فاجأني بورد وايد حلو
وأهم شي إن حاط النك نيم على الكرت :)


-----
ومثل كل سنة يصادف يوم ميلادي راس السنة الميلادية
(لا حلفي؟)
LOL
بس هالمرة كنا بالعبدلي




-----
I would like to thank everyone 
who made that day so special :*
1/1/2011