Saturday, September 29, 2007

قرقيعان 2007

-----




القرقيعان كل سنة يتغير عن السنة إلي قبلها




كل مرة أشياء ييديدة وغريبة




المعروف إن القرقيعان شي شعبي مو حديث ومتطور




modern




صار القرقيعان علب كشخة وقواطي ماركة وعلى سيارات وحيوانات




شنو علاقتهم بالقرقيعان




LOL




هذا غير اللبس إيون يقرقعون لابسين جينز سواء البنات أو الأولاد




وهذا غير الخدم إلي أكثر من اليهال




إيون أربع يهال مع ست خدامات




واليهال مستحين يغنون والخدامات يغنون ويصفقون ومعاهم جياس بعد



hahha


خايفين على عيالكم طرشوا خدامة وحدة اشدعوه كل الخدم إيون !




وفي ناس يطرشون عيالهم بالسيارة




نطلع نلقى السايق ناطرهم !!!




الشي إلي يضحك




لما يوا يهال ومعاهم أربع شباب لابسين عبي




LOOOL




كل واحد لابس ملفع أسود وعباية على راسهم
يستعبطون

خالي يطالعهم مو مستوعب إن الويه ويه ريال




جان يقولون له




عمي اشرايك؟




جان يقولهم مبروك عليكم




واقعدوا يضحكون




هاهها







بس ما يستحون يدشون بيوت الناس على أساس انهم مع اليهال
ومادري شنو سالفة العبي !



في مجموعة غيرهم لابسين كل واحد باروكة اشكبرها وفوقها غترة
!!!
-----


قعدت أتذكر قرقيعان قبل




نطلع مع عيال عمامي كلنا من بيت يدتي الله يرحمها
ونمشي العديلية كلها



إخواني وعيال عمامي



كل واحد يشيل قوطي نيدو وعصاية



يقظون القوطي ويحطون حبل



يعلقون القوطي برقبتهم ويطقطقون بالعصاية جنه طبل



واحنا البنات نصفق



ولما ندش بيت نغني كلنا من قلب
ما يبقى اسم واحد بالبيت ما نغني له


يالله بعدين يعطونه قرقيعان



يعني نتعب عشان نحصل


:p


وعادة أهل البيت يسإلونه منو عياله؟




وإذا اعرفونه يلقطون منا الأخبار




فلانة تزوجت؟




فلان شخباره؟




etc.




واحنا بكل براءة نجاوبهم ونعطيهم كل المعلومات


:)

لما نخلص نرجع البيت




وكل واحد يكت الجيس ماله




نقعد نطالع شنو يمعنا




وكل واحد يبادل الثاني بالأشياء إلي يحبهم




وإلي يحصل أنواع حلوة يحر الثاني




والله وناسة




ذكريات حلوة :)







-----




أخليكم مع صور من القرقيعان




صورتهم أمس وقبل أمس


-----


Yousif


Yousif



Yousif, Yousif, Thamoree & Yousif



Yousif



My baby cousin


-----

وعندنا بعد يوسفات !
أغلب عيال خالاتي وخوالي اسمهم يوسف على يدي
kelohom anadeehom Yoyo :)
-----

14 comments:

نورجان said...

ما شاء الله ماحلاااهم
عندنا مدري شستوى حارتنا حارة أموات
رحنا حارات ثانيه نشوف الربشة

على فكرة، عندنا يسموه قرنقشوه بالقااف = Qaranqashoh

^_^ كل عام وانتم بخير

Mohammad Al-Yousifi said...

أحلى اسم

Anonymous said...

cool pics I like them

wafa'a said...

أذكر الابتسامة العريضة لمه انقرقع و يعطونا كت كات :P

و أذكر لمه يلحقونا الصبيان و يحذفون علينا تراب و صخر !!
مجرمين :\

قرقيعان الحين مثل الماي
لا لون له و لا رائحة و لا طعم :P!

ماشاءالله كلهم يوسفات ;p
احنا عندنا 2 و اقول وايد :>
الله ايحفظهم لكم.

ray said...

الله يزيد اليوسفات بالعايلة

ترى كل يوسف طيب :)

LAVENDER.Q8 said...

اي والله قرقيعان قبل واااايد احلى

ونستااانس لي عطونا بفك والا كتكات وساعات خردة ( بو 20 فلس ) ونشوف جم يمعنا

وكنا نخاف لي صادفونا صبيان علشان ماياخذون قرقيعانا :(

والله يخلي لكم اليوسفات :)

LAVENDER.Q8 said...
This comment has been removed by the author.
Kuw_Son said...

والله خاشة خوش صور :)

الله يحفظ يهالكم ..

قرقيعان أول فعلا غير :)

::heba:: said...
This comment has been removed by the author.
::heba:: said...

ياسلام على القرقيعان
وياحلو اليهال حبيت القفل الي مسوينه
حده عجيب :P

وفعلا قرقيعان قبل يختلف عن الحين
كنا صج نستانس واحنا نقرقع ونحس بمتعه موطبيعيه :D

chatterbox said...

كل عام وانتي بخير
وعساكم من عوادة
وكل قرقيعان وانتي بالف خير :)

Anonymous said...

7ata ana aby a9eer Yousif :(

Ra-1 said...

Thanks everyone :)

Nooni said...

very nice photo's..
7asasteeeny eb jaw il kuwait bermethan..

wayeed 7abeeet hal post.. it reminded me of our days of gerge3aaan.. we used to run from one house to the other o akher il youm yewakloona 3asal :P 3ashan il 9oot raye7