Tuesday, February 12, 2008

I am back to Kuwait ...

-----
مادري اشفيني مالي خلق أكتب شي
مع إن عندي وااايد أشياء أكتب عنها
أمس فكرت جديا في إني أصك لبلوق وما أكتب خلاص
اليوم كل شوي أفتح الصفحة بكتب وما أكتب ولا كلمة وأصكها
:/
-----
رديت حق الدوام والاجتماعات والعفسة
بس بعد السفرة أحس إني نشيطة ومشتاقة حق الشغل
دشيت مكتبي جان أنصدم إن مسوينه مخزن
وثاني مفاجأة إن في ثلاث موظفين يدد كويتيين مع إن الكويتيين عندنا شوية
والمفاجأة الثاثة إهيه منو أهمه هالثلاثة ... مابي أتكلم عنهم الحين !
بالنسبة لقرشة الحلاو مخلصة بس مخلين حلاوة وحدة
يعني ترا ما خلصناه
LOL
-----
السفرة كانت عجيبة الحمدلله
أونس شي السفر مع لصبيان بدون بنات :p
رحنا بس آنا وأخوي وأبوي
وماشالله أحس إن قعدنا أكثر من أسبوعين! لأن سوينا أشياء وايد
قعدنا بآخن جم يوم هناك ربع أبوي
بعدها رحنا بالقطار حق برلين
ببرلين زارونا أخوي وزوجته جم يوم بعدها ارجعوا جدة واحنا رحنا بالطيارة فرانكفورت
إي ونسيت بعد رحنا بوتسدام نزور الألمانيين المسلمين
وأحلى شي بالسفرة إن كانت إتييلي مدرسة خصوصية تعلمني صيني
:)
-----
أمي عطتني ورقة وردية واصلتني البيت لما كنت مسافرة
إيصال بعثية بريد ممتاز عاجل !!! سنترال كيفان !
وماكو اسم ولا دولة !
غريبة آنا مو طالبة شي وطول عمري لما أطلب يوصلني الطرد البيت
وبعدين ليش كيفان بيتنا مو هناك
أمي تقول يمكن وحدة دازتلج حق يوم ميلادج
ورفيجتي تقول يمكن رفيجاتج الأندونيسيات
وإلي تقول واحد دازلج حق الفالنتين :p
وإلي يقولون متفجرات !
وانا رحت سنترال كيفان ومادري ليش خايفة
LOL
عطيتهم الورقة وشافوا بطاقتي المدنية ووقعت
جان يعطوني كرتون اشكبره
@@
قالي عن إذنج لازم أفتحه !!!
آنا استغربت بس الظاهر طريقتهم جذي
طل فيه جان يقولي شنو ملابس؟؟؟
قتله مادري !!!
جان يقول خلاص إخذيه
طبعا ما نطرت أول ما خذيته جان أقرا مكتوب من أمريكا
فتحته جان أكره نفسي
LOOOOOOOL
نفنوف آنا طالبته من سنة يدي ! وناسية رايح عن بالي كلش
اتصلت على أمي أطمنها
وضحكت على نفسي
n_n
-----
: خارج الموضوع
I learned that life is about taking chances
-----

14 comments:

Mohammad Al-Yousifi said...

حمدالله عالسلامة

Anonymous said...

إشلج بالبلوق

تعالي عندي أطلب لج عشا من واسابي و نسولف

:P

Sara said...

- el7emdela 3ala el salamaa

- o salfaat lewregaaaa 7lwaaa > twaqa3t'haa hadeyaa ana b3d :>

alla yhaneeech bl nafnooooooof >> mshkella le 6alabnaa shay oo 6awaal .. men fatraa 6alabt 7 ashyaa o we9laany 6aaard shkobraaa feh bs shay wa7ed loool :>

eshda3wa said...

7mdela 3al salama ya gayyy min elsafarr

Anonymous said...

7amdillah 3ala elsalama, ha weeen 9o`3ty? :P

Anonymous said...

il 3al salamma, wb, o garrat 3ainechh, o gerge3an o gerge3aan =p

Anonymous said...

الحمدلله على السلامة

:)


ترو
....

البيت و واسابي؟؟؟

حدكم كووول
:P

Anonymous said...

7emdella 3ala sallama.. WB :)

NewQ8 Bride said...

الحمدالله على السلامه و اهم شي انج استانستي :)

و مو بكيفج تسكرين البلوق اذبحج :)

ولهت عليج وايد و على سالفه الدوام لي الحين انا مو مستوعبه الوضع بعد الإجازة

لا تطولين علينا و خل نشوفج قريبا :)

Ra-1 said...

kila ma6goog ...
الله يسلمك :)

TF ...
باجر إن شالله عندج ;)

Sara ...
LOL :)

Ra-1 said...

eshda3wa ...
Heh Allah esalmech :)

QC ...
Allah esalmek :)

outkasty ...
Huh?
:p

Ra-1 said...

طائر بلا وطن ...
الله يسلمك :)
إي حتى بالبيت! ما نقدر إدمان
:p

..::Amu::.. ...
Thanks Allah esalmek :)

New Bride ...
الله يسلمج
إن شالله أشوفج قريبا :)

Blogger said...

welcome back

Ra-1 said...

BB ...
Thank you :)