Sunday, September 21, 2008

Ebda3ati + ebay!



-----
أمس إختي تبي أحد يروح معاها معرض إبداعاتي

لأن صديقتها مسوية معرض كيك هناك


وديتها وكان بفندق موفمبيك بالمنطقة الحرة


الزحمة مو طبيعية بدون مبالغة كل الكويت هناك


استغربنا لأن المعارض عادة ما يحضرونها ناس هالكثر


ولا طلع شنو!


فيلا مودا مسوي خصم 90% بالخيمة إلي مقابل الفندق

:/

فتخيلوا عدد الناس إلي يايين غير إلي يايين حق المعرض ماشالله !


وبالطلعة انحكرنا بالزحمة بس الحمدلله ما تأخرنا على صلاة القيام


فكرة المعرض اعجبتني وايد


المعرض كبير بالنسبة حق المعارض الشبابية وكانوا ماخذين قاعتين


الشباب والبنات كلهم كويتيين وأعمارهم بالعشرينات وفي أصغر وحتى الحضور نادرا ما تلقى أحد كبير


كان وايد حلو وكل واحد عارض مواهبه ومشاريعه


وفي شغلات غريبة


واحد يسوي سوشي ولابس لبس ياباني


:)

وفي مصورين عارضين صورهم
وأحلى شي إن المعرض منوع وكل قسم مختلف عن الثاني
وشعار المعرض
جهود شبابية بأيدي كويتية
يستاهلون الشكر إلي قاموا على الفكرة وشجعوا الشباب

-----
It was nice seeing a lot of people I know
and some old friends :)
-----

ولد خالتي يبي الكبوس مال فلم هانكوك

وقال لي الكبوس مو موجود إلا في

ebay

لأن

limited edition

ويبي يحصله بأي طريقة !

آنا قلت مو معقولة مو موجود

قعدت أدور في الانترنت وصج ماحصلته بأي موقع ثاني!

الحين آنا عمري ما شريت شي من

ebay

والكبوس معروض بالمزاد

ماعرف له !!!

وولد خالتي يتصل باليوم عشرين مرة يسألني شريتي ولا لأ؟

جان أسوي لي أكاونت

وأدش المزاد

موفاظية كل شوي أدش وأزيد السعر وأجيك إذا أحد حط سعر

وبعدين الكبوس إلي انباع قبل جم يوم وصل سعره 300 دينار

أحد يشتري كبوس صوف عادي ب 300 !!!

لا وإلي يضحك إن إلي يبيعون الكبابيس محصلينهم ببلاش

لأن السينما ببريطانيا وزعوا الكبوس في أول عرض للفلم

-----

النتيجة إني قعدت أزيد السعر لمدة 3 أيام

وآخر يوم قلت بدش قبل مايصك المزاد بنص ساعة

عشان أشوف إذا أحد حط سعر أعلى

بس نسيت :p

وتوهقت لأن ولد خالتي يتصل وانا حاقرته

ونوعه إذا اتصل ومارديت يشكل مايوقف

LOL

بس رديت البيت جيكت وكان المزاد صاك وانا مو متوقعة إن فزنا

ولا واصلني إيميل يباركون لي وفاتورة عشان أدفع

@@



:D

والله وناسة حسيت إني فايزة بمسابقة ولا انتخابات
hehhe
والأحلى إن الكبوس وصل بأقل من أسبوع
وولد خالتي يقولي حطي بالج عليه الله يخليج لا يصير فيه شي
ويوصيني عليه ألف مرة
هاهها اشدعوة كله كبوس !!!
ومسكين قعد يشكرني نص ساعة
قلت له أييب لك إياه باجر
-----
يوم رديت بيتنا ولا طلع ياي بيتنا وماخذ الكبوس!
مو قادر ينطر
وحاط لي ظرف في الفلوس
وكاتب بخط اشكبره
THANK YOU RA-1
-----
بشوف بالشتا بيلبسه ولا شاريه يخشه بس
:p
-----
شكلي بصير إدمان
ebay
حده وناسة
:)
أدري حدي قديمة
-----

29 comments:

:::ShoSho::: said...

لول يحليلج والله

عمري ما جربت الا اي بي..

Cat said...

looool

la la mo qadeeema !

ana 3omry ma sharait shy men el net !

ma a3rf !

etha enti qadeema ana sha6la3 :)

Big Pearls said...

I find e bay interesting but never tried to purchase from them.

weeknds said...

wow, wanasa
plz 7i6elna a detailed post about ur experience coz ana minziman o ana at7allam abi ashtiri minna o hayba

AL7ESIN said...

كله اعيب عليهم شلون يكتبون "مبروك، انت فزت بالشغلة الفلانية" يخلون الواحد يحس انه فايز ومو قاط شي من جيبه هههههههه شياطين

djandal said...

ok eshlon ta6lben mn hatha el site lazm 3ndch 9andoq wala ywa9lon lee el house ?

Purgatory said...

I was there yesterday, went in and out in 10 minutes, too confusing.

Eb9ara7a and His Wife said...

salam

نبي نشوف هالكبوس الخطير ، وين صورته ؟
زوجتي شاكة إنه قبوع أو قبوعة في رواية أخرى
:)

عجايب بهالموقع ، نوبة شفت عندهم بدلة صدام ! عارضها مارنز سابق شارك بالعراق

New Bride said...

واااي ابي اتعلم عفيه لازم تعلمينا
كله احس انه ما نقدر نشتري و بعدين انتي حاطه صندوق بريد ارامكس و لا الكويت


على طاري المعرض اخوي مسكين حن علي اني اروح لأنه مشترك فيه اهما شباب عندهم شركة مونتاج و تصوير
حسافه ما رحت

Ra-1 said...

:::ShoSho::: ...
خلاني أجربه غصب :p

Cat ...
You cant be serious!
:)

Big Pearls ...
Try it its fun :)

Ra-1 said...

weeknds ...
Hehhe walla kanat tajreba naj7a :) o tara it is easy!

AL7ESIN ...
حدهم شياطين عشان ننسى جم دفعنا
LOL :)

djandal ...
ma 3endee 9andoog, we9alnee lelbait :)
بس يعتمد على الشخص إلي بتشترين منه بعضهم مايوصلون الكويت يعني لازم صندوق بأمريكا مثلا فلازم تتأكدين

Ra-1 said...

Purg ...
Ee za7ma!

Eb9ara7a and His Wife ...
ما صورته حسافة
باخذه أصوره إذا سمح لي طبعا :p
شنو قبوع؟ LOL

New Bride ...
لا مو حاطة أرامكس حطيت عنوان البيت :)
ما شفت أخوج!

Mishari said...

كبوس بال300؟ عساني ما لبسته :(

بعدين نصحينا في شى يسوي؟ بهالمكان؟

feelingstalk said...

ana 3ala bali ena u cant use e-bay ela etha kan 3ndech US credit card !

Did u use kuwaiti visa or not !!

o b3dain enty mo gadima .. ana le al7eeen ma est5dmtah .. bas shawagteneeeeeeee

3bady said...

معرض ابداعاتي شكثر سمعت عنه و قريت فيه عند البلوجرية حسافة يريتني لو رحت :)

ههههههههه يمكن فزتي فيه بحظ المبتدئين :P

يبليج اتروحين برنامج المزاد :P

Nemo said...

9ej eb cham 6ala3 el kaboos? :P

3alaih bl 3afia .. weld '7aly chethy etha yabi shay wara ba3ath lama neshterelah @@

Anwar Al-Ballam said...

لووووووووووووول عدل الاسبوع الي طاف كنت بالمستشى وواحد قاعد يتكلم بصوت عالي تنزيلات فيلا مودا والناس تخزه لوووول

بس ياريت لو تقوليلي شلون سويتي الأكاونت وشنو الفيزا ولا الماستر الي استخدمتيها
ودشيتي على إي بي امريكا ولا عندهم نظام اوروبا او الشرق الأوسط :))

eshda3wa said...

7ade ta7asaft i didnt get to go to ebda3ati!

oo ya7laila weld khaltich
3alaih bel3afya

oo laa mo 7adich qadeema
i never ebayed still!

:: ENG DaLooLa :: said...

Athkiya malot elm3reth :)

What's up weya villa moda a7ed yswe 5a9em 90% mbyen ina btha3a tgleed !

Ra-1 said...

Mishari ...
إي في شغلات حلوة بس حط بالك ترا إذا تعودت عليه تصير مدمن :)

feelingstalk ...
La 3adee I used a Kuwaiti visa card :)

3bady ...
شنو برنامج المزاد؟ ماعرفه :)

3bady said...

برنامج يحطونه على الوطن

المذيع هذا شسمه مممم براك الوقيان شي جذي

الي كله دعايته يقول اللعب معانا بالحلال

:))

Ra-1 said...

Nemo ...
زين أحد سأل !
طلع 25 دينار :p

Anwar Al-Ballam ...
دشيت على الموقع عادي
وسويت أكاونت
دخلت المعلومات وعنوان بيتنا
والبطاقة إلي استخدمتها إهي تمويل نت
Visa Tamweel Net :)

Ra-1 said...

3bady ...
ما شفته بس شكلي إذا دشيته بفوز :p

Ra-1 said...

eshda3wa ...
:)

e3jebatnee ebayed :p

:: ENG DaLooLa :: ...
7adda!

weeknds said...

Ra-1 im serious, try 2 post about ur experience
we would love 2 learn from u :D

منطلقة بطموحي said...

عليكم بالعافية اللي شريتوه :)
بس اختي انتبهي ترى
ebay
تصير فيه حالات نصب
مرة واحد اشترى بلاي ستيشن 3 و وصلت له العلبة فاضية
شفت هالشي في برنامج تلفزيوني تكلموا عن الموقف

Ra-1 said...

weeknds ...
InshaAlla I will :D

منطلقة بطموحي ...
أوخ قوية @@
الحمدلله تجربتنا تمت بنجاح :)

AAajed said...

ياخوفي ان اللي قاعد يزايدك بالسعر ولد خالتك ,,, وانتم مو دارين عن بعض

Ra-1 said...

Majed ...
ودك؟
أهم شي إن بالنهاية أهوه إلي دفع :p