;) يوم ممتع
توني واصلة البيت ومزاجي مزاج كتابة بالبلوق
والله زين من زمان ما يتني هالحالة صايرة كسولة
-----
بالنسبة للرحلة الأخيرة المذكرات والصور موجودة
كنت أكتب يومياتي في دفتر بس لما أصير نشيطة إن شاءالله راح أكتبها في مذكرتي الالكترونية
إلي هي هذي المدونة طبعا
:)
-----
يمكن إلي مخليني مستانسة وأبي أكتب وأكتب
المعجب إلي راح أتكلم عنه بنهاية الموضوع والي شفته بالشارع قبل شوي!
-----
اليوم الظهر رحت مع البنات فلم هندي
أول مرة أروح فلم هندي بالسينما
ولا عمري رحت فلم عربي بالسينما
بس دايما أروح أفلام أجنبية
-----
الصراحة الفلم عجيييب
أكيد عرفتوا إن
My name is Khan
لأن صاير حديث الموسم
حتى الهنديات والصينيات بالصالون قالوا لي عنه وإن لازم أشوفه !
-----
![](https://blogger.googleusercontent.com/img/b/R29vZ2xl/AVvXsEjL3bAeMGGpDTXw_lGpWGVzXr2mtnEnsDNv_bsD3cgZUXAJ9bZJNbHJoCjwT_ArsLcPj6N4-OgoajSK7EQ6MRigc6rjjzcbF9vU0fSCrTOmgBmatOaGvmIPtgI9DJ44j2CiVxx03A/s400/my-name-is-khan-first-look.jpg)
-----
الفلم مدته ثلاث ساعات وكان في استراحة
قصة الفلم غريبة ما توقعتها جذي
مابي أحرقه على الي ماشافوه
بس مطلعين الإسلام والمسلمين بصورة وايد حلوة
وفيه دعاية قوية حق أوباما
بالنسبة لي بجيت وايد بالفلم
فيه أشياء تعور القلب
وأيضا فيه شغلات تضحك
بس بصورة عامة الفلم مؤثر وتصويره وايد حلو
حبيت كل شي فيه وشكلي بشوفه مرة ثانية
:p
-----
بعد الفلم تغدينا في مطعم فاتح قبل يومين اسمه
Let's Burger
والبلوقرز سبقوني ونزلوا عنه صور
-----
المطعم كبير وهادي
والخدمة سريعة
آنا جربت الستيك ساندويتش
Steak sandwich
وايد لذيذة
وذكرتني في مطعم بانيني
Panini
كنا نطلب منه أيام الدوام
نفس الطعم :)
-----
بعدها رحنا نحلي في كافيه كاكاو
caco
أتوقع جذي تنكتب :p
أول مرة أجربه
كان عادي ما شفت فيه شي مميز
بس خدمتهم حلوة والكراسي الخضر يونسون
lol
-----
بعد الطلعة الحلوة رحت النادي أحرق إلي كليته!
ودشيت كلاس يوغا
yoga
مدة ساعة وبعدها سويت رياضة وطلعت
بالطريج للبيت مرت يمي سيارة وحسيت أحد يأشر
التفت جان أشوف ولد عمره سنة ونص أو سنتين مو أكثر
ماشاءالله جميل اينن
ويبتسم ويأشر لي
لما أشرت له قعد يطرش لي بوسات
flying kisses
هههه يونس يحليله
الله يحفظه ويخليه لأهله
-----
كل ما أتذكره أضحك
شكلي بنام مبتسمة الليلة
:)
تصبحون على خير يا قرائي الأعزاء !