Monday, February 12, 2007

No WATANIYA in China !!!

بعد ما رحت الصين بجم يوم
استغربت من شغلة
إن بعض رفيجاتي ما قامت توصلني منهم مسجات
مع إن بأندونيسيا كل يوم يدزون لي
أدزلهم مسجات وما يجاوبون
شسالفة !!!
جم يوم
أسبوع
أصادفهم بالمسنجر يقولون والله إنرد على مسجاتج
إنزين ليش ما يوصلون !!!
لما يوم أمي طرشت لي مسج

إختج ليش ما إترد على مسجاتي؟ تلفونها مفصول؟
رحت سألت إختي
ليش ما إتردين على ماما؟
جان تقول
"ما وصلني منها شي !!! واتصدقين إن من وصلنا الصين ما وصلتني مسج من ولا أحد'
'ليلتها قبل ما أنام وانا أفكرطلعت الأرقام إلي بتلفوني وقعدت أطالع
كل إلي ما وصلني منهم شي بالصين خطوطهم وطنية
أخوي إلي خطه وطنية ما وصلني منه شي بعد
كل إلي خطوطهم اتصالات يردون علي عادي
إختي خطها وطنية
أهاااا !
حليت المعادلة !!!
آنا خطي
mtc
وما توصلني مسجات من إلي خطهم وطنية بس
لكن اهمه توصلهم مسجاتي
إختي خطها وطنية
ما توصلها مسج لامن وطنية ولا من
mtc
ومحد منهم توصله مسجاتها
النتيجة إن مسجات الوطنية ما توصل الصين وخطوط وطنية ما تشتغل بالصين
ليش وشسالفة !!!
ما أدري بطوا جبدي لأن حتى بعد ما وصلنا ما اوصلتنا المسجات إلي كانت تندز لنا
#%^&*
---------
سالفة ثانية
شي مينون سويته :p

بالصين كنا طالعين آنا وخواتي
رايحين مجمع
shopping mall
ست أو سبع طوابق وايد كبير
أبوي كل اشوي يدزلي مسج يتأكد إن إحنا بخير
كانوا خواتي بمحل آنا سبقتهم المحل إلي يمه
وأكدت عليهم إني بهذا المحل إذا خلصوا إيون
خلصت ومحد يا لي الحين
رديت المحل إلي كانوا فيه ما لقيتهم!!!
دورت بالممر كله
طليت بكل المحلات
ماكو أحد!!!
ما بقا صيني ولا صينية ما سألته
Have you seen my sisters?
اشدعوه يفهمون
وانا أمشي وأقول
you saw my sisters?
you saw my sisters?
you saw my sisters?
etc ...
دورت بكل الطابق ماكو فايدة
حدي توهقققت
:/
مو خايفة عليهم لأن أدري يدبرون نفسهم ويعرفون يتصرفون حتى أحسن مني
بس شعور بالمسؤولية
وإنهم ثنتينهم أصغر مني وانا مسؤولة عنهم بما إن أبوي مو معانا
وقعدت أحاتي شقول حق أبوي !مو قادرة ألقاهم
ومستحيل أرجع الفندق و أخليهم
بغيت أبجي حدي
وكل شوي أطالع تلفوني أخاف توصلني مسج من أبوي مثل كل شوي
{is everything okay?}
مابي أجذب وأقول له أوكي !
:(
بالغصب حصلت صينية تفهم جم كلمة إنجليزي
قلت لها خواتي ضاعوا شسوي !؟؟؟
قالت لي في مايكروفون ينادونهم
قصدها
paging system
قلت لها وين؟
دورنا شرطي واقعدت اتفهمه وقالت له يدليني المكان
أهو ماله خلق يقولها إنتي دليها واهي تقوله انته دليها
وكل واحد يزف الثاني يقوله انته روح
فاظيتلكم آنا الحين !!!
آخر شي استسلم الشرطي إلي ما يعرف ولا كلمة انجليزي وقرر يوديني
لحقته وخليته يشيل أغراضي وجنطتي
LOL
رحنا الدور السادس بعدين دري صعدنا نفس سطح في مخفرمكتوب
Police Station
يحليلكم مخفر فوق المجمع بالسطح؟
{هناك كله أستعبط وأكلمهم عربي!
أحلى شي ردت فعلهم هاهها
أهو يطالعني
no english
LOOL aham shay no English :p
دخلني غرفة ما رضيت أدش وقفت عند الباب وطليت
اثنين ضباط قاعدين مو فاهمين شسالفة ويكلموني صيني
قلت لهم مايكروفون
microphooone !
وقعدت أفهمهم بالإشارة
جان يقول
ok ok ok !!!
وأشرلي لحقيني
ردينا نزلنا تحت وصلنا الدور الأرضي
جان نطلع بره المجمع
شسالفة وين بوديني !!!
وصلنا عند باب نفس السجن
وفي زر بالطوفة فوق
جرس
قعد يرعصه بعد اشوي انفتح الباب
جان يدخل الشرطي ويأشر لي إن دخلي
قلت له
No! No
شنو يبي يبوقني :/
دخل وما طلع
طليت من الباب ريالين قاعدين ومعاهم مره وحدة
أشوه في مره خل أدخل
ولا ثلاثتهم مجابلين شاشات مراقبة ويراقبون داخل السوق كل الطوابق والممرات
وفي طاولة جدامهم عليها مايكروفون واحد
جان الشرطي يقول لي
No English
ويرعص زر بالمكرفون
جان أفهم إن قصده كلهم ما يعرفون إنجليزي
ويبوني آنا أنادي خواتي بالميكرفون
LOL استانست:D
جان أقول ليش أناديهم بالانجليزي
خل أنتهز هالفرصة وأناديهم بالكويتي
وأطلع حرتي ليش خلوني أحاتيهم وأتعب وانا أدورهم
جان أقول
{...} و {...}
تعالوا الدور الأرضي الحين

وعدت الجملة بكل الأسامي إلي نندايهم فيها
تعالوا الدور الأرضي بسرررعة الحين
جان الشرطي يأشر لي قولي بعد
هاهها وناسة
جان أقول
نزلوا تحت الحين بسرعة
ناطرتكم بالدور الأرضي يالله
:p
خذيت أغراضي وطلعت من الغرفة
حتى ما شكرتهم لأني شاكة إن صوتي طلع بالمجمع
يمكن قاصين علي
ماتوقع صج!!!

بعدين قعدت أفكر
شلون اوثقوا فيني؟ كنت أقدر أقول ترا في قنبلة بالمجمع
أو كنت أقدر أغني غنية
lol
وقعدت أفكر شنو الأشياء إلي كنت أقدر أقولهم
heh
رحت الدور الأرضي ولا بويهي اثنين عرب
جان أنحاش
قلت ويه الحين أكيد كل العرب ابينزلون تحت أو يطلون من فوق بيشوفون منو إحنا
@@
دقيقتين جان إيون خواتي
ميتين من الضحك
فشلتينااا
اشسويتي؟؟؟
صوتج بكل الطوابق
وليش اتنادينه بأسامي الدلع بعد
شنو شايفة في بنات عرب غيرنا إهني
محد نفس أسامينا أصلا !!!
وليش تعيدين الكلام جم مرة
يا المينونة
ردي عليهم كان : ء
أحسن تستاهلووون
hehhe
;)

12 comments:

kila ma6goog said...

لوول

اهم شي انه نو وتانية ان جاينا

عيل انا عندي نو أم تي سي ان دوباي

Mamloo7a Q8ia said...

عجيبة سالفة المجمع
خوووش طريقة جبتيهم فيها
:p

BLaSha said...

LOL!!!
walla law ana minich chan ga3t abchi :P

Purgatory said...

Always test MTC/wataniya lines in any country you go to and use the one that works best, so you need two lines. Also, in some cases getting a local line would be also a good idea.

wo shmswya in china!!!!!

Ensan basee6 said...

ههه والله مو خوش سالفه بس اهم شي عرفتي وتصرفتي صح كلمتي الشرطه

::heba:: said...

هاهاهاها والله ان تصرفج خلاني اضحك
وبصوت عالي وانا بالدوام :pP

وناسه ابيه حدج بدعتي ترى :Pp

ساعات الوحد بالمواقف هذي يبدع
بس اهم شي NO ENGLISH :Pp

True Faith said...

It's usually them baby sitting you :P

LiTTLE BiG said...

Nag9ech ana oo N 9a7 ? ;p

Ra-1 said...

kila ma6goog ...
lesh ma yeshte'3el there?

mamloo7a ...
:p

blasha ...
I almost did :p

Purg ...
emsawya many things :D

Ra-1 said...

Ensan basee6 ...
el7emdella :)

::heba:: ...
hahha :)

TF...
adree :p

LiTTLE BiG ...
Offf ! 7adda ;)

Nescafé said...

hahaha
لالا الموقف موطبيعي اللي بالسوق
واهم شي تدلعينهم ههههه اتخيل ويه خواتج واهما ميتين من الضحك

ترى استانست عالسالفه وقلتها حق امي وابوي يمي واضحكو ;P

Brava Valentia said...

LOL this is hilarious!!!

i can imagine your sisters faces! hehehe

have fun ;-)