Sunday, March 11, 2007

I love you Allah :)

قال رسول الله صلى الله عليه وسلم
"إتق الله حيثما كنت وأتبع السيئة الحسنة تمحها وخالق الناس بخلق حسن"
---
هذا الحديث القصيرلما الواحد يركز فيه يشوف إن في مفاهيم ودروس وايد
بالنسبة لي أكثر مفهوم استفدته وأحرص إني أطبقه
( أتبع السيئة الحسنة تمحها )
أوف إشكثر الله سبحانه وتعالى رحيم ويحبنا !
كل ما سوينا معصية نسوي بعدها فعل يحبه الله سبحانه وتعالى
فتنمحي سيئاتنا الناتجة عن المعصية إلي ارتكبناها
بهالسهولة !
---
طبعا لازم أكون نادمة على إلي سويته وأوعد نفسي إني راح أحاول
كثر ما أقدر إني ما أعيد هالغلطة مرة ثانية
بعدها أسوي فعل خير إلي راح يمحي هالذنب
أمثلة بسيطة
أروح أدور لي فقير أتصدق له سواء بفلوس أو ملابس أو أغراض يحتاجها
أشتري هدية حق أمي أو أبوي من غير مناسبة أو أسوي أي شي يفرحهم
أزور ناس من أهلى من زمان مو شايفتهم ولا ساءلة عنهم
أروح أعتذر من شخص آنا غلطانة عليه
أشيل قطوة ميتة من الشارع عشان ما يدوسونها لما تتنتف
:/
أعطي العمال إلي بالشارع ماي بارد خصوصا الظهر بالصيف
---
وفي وايد وايد شغلات سهلة أي واحد يقدر يسويها
إذا عندكم أفكار خلوني أستفيد :)

10 comments:

Ensan basee6 said...

ماشاءالله عليج كلام حلو واحنا بشر مو معصومين عن الخطأ الواحد يسوي الشي و نيته صافيه الله يعطينا على قد نيتنا انشاءالله و يعطيج العافيه

Kuw_Son said...

بارك الله فيج .. و كثر من أمثالج ..

حديث عظيم .. لو تفكرنا فيه لصار مجتمعنا أفضل في تعامله مع الآخرين

True Faith said...

thank you for the reminder :)

And your mistakes; oh God Ra-1 you're pure like a little baby :*

May God grand us his mercy because what ever we do is never enough.

mishari said...

خوش كلام ويعطيج العافية عليه وانشاء الله يكون فى ميزان حسناتج

i_live_in_Q8 said...

الله يجزاج خير انشاءالله
كلامج عين العقل

بس عندي تعقيب صغير

QUOTE : -----

أشيل قطوة ميتة من الشارع عشان ما يدوسونها لما تتنتف

----- : ETOUQ


7elfay? :p etsaweenha?

يعني الواحد الود وده يشيل القطاوة كلها :/

بس ميته بنص الشارع مع مصارينها المطشرة .. مادري..

انا افضل اعطي عامل النظافة اللي يشيلها صدقة على اني اشيل قطوه مطحونه

....

مادري اشسالفة القطاوة صايرين بايعينها ... مايشوفون سيارة مسرعه إلا هوووووووووب

تهقين زهقانين من وضعهم بالكويت عشان جذيه ينتحرون؟؟

Ra-1 said...

Ensan basee6 ...
Kuw_Son said...
mishari said...

مشكورين ويزاكم الله خير

TF ...
I wish I am :/

i_live_in_Q8 ...
طبعا ماراح أسويها بس آنا حالة خاصة لأن أخاف من الدم :/
وبعدين خوش فكرة تعطي عامل النظافة أو أ ي واحد يقدر يشيلها
---
Why did you delete your blog?

Q8ya said...

عليه الصلاة والسلام...

يا بعد عمري والله...الله يعطيج على قد نيتج ان شاء الله...:)

انا نفسج بعد مريت بهالموقف من فتره....لا شعوريا شريت هديه لامي...:)

بس كثري من الصدقات وااايد مفيده ...:)


موفقه...:)

Ra-1 said...

:)

kella met2a5er said...

ya7lelech..5osh bnayya wullah, allah ye5alech 7ag omech o babatech..o yekon fe mezan a3malech, ya36ech el3afya o klamech kella 9a7 bs shwy shwy ana bs agol shwy m9a5teha bsalfat elga6wa..ba3deen elg6awa 3endena belq8 y9eeron mortadella yallah a7ad yefaker yesheelhom..mesaken.

Ra-1 said...

إي مو عشان جذي قاعدة أٌقول لازم نشيلهم
كل يوم تقريبا نشوف هالمنظر قطوة ميتة بنص الشارع
إلي دعمها ما فكر يشيلها وكل إلي يمرون ما يفكرون بهالشي بعد :/
ما يصير
---
aham shay motadella LOL :p