Monday, March 02, 2009

إشفيهم على أغراضي ؟؟؟

الإجازة كانت عجيبة والحمدلله وايد استانست بالسفرة
ما مداني أنزل الصور بس إن شاءالله قريبا جدا
-----
أول يومين قعدنا بمنتجع
صرت سمرة :)
بس يوم رجعنا من السفر وأمي شافتني عصبت
أمي ماشاءالله وايد بيضة وتحب البياض
كله تقول الناس يبيضون روحهم وانتي تسمرين روحج !!!
آنا ماحب البياض كلش :/
-----
تذكرون سالفة تلفوني والأرقام العجيبة والغريبة؟
في رقم يدق يدق يدق
حقرته بس لما طول جم يوم قلت الظاهر أحد أعرفه
بما إن أرقامي ضاعوا لما اخترب تلفوني
رديت جان يطلع لي واحد
إختي ممكن آخذ من وقتج شوية؟
منو معاي !؟؟؟
محمد
أي محمد؟
مو مهم ! انتي أصلا ما تعرفيني
وتبي منو ؟
شوفي آنا عندي لج عرض
شنو؟
بشتري خطج
خطي مو للبيع !!!
ميخالف بيعيه !
مابي أبيعه
ليش؟
هذا رقمي من زمان وكل إلي يعرفوني عندهم إياه
وبعدين الرقم مو حلو ! ليش تبيه؟
أهوه نفس رقمي الثاني بس آخر رقم غير
مابي أبيعه ! مع السلامة
عموما فكري واذا غيرتي رايج عندج رقمي
!!!
-----
الحين آنا مستغربة
الرقم كلش مو حلو حده مخربط كل رقم بصوب
وبعدين واذا نفس رقمه يعني بيمع كل الأرقام إلي نفس رقمه؟
شي غريب :)
-----
بعدها بجم يوم
بمواقف جمعية الشامية بركب سيارتي
وأسمع واحد يصرخ
لو سمحتي !
نعم؟
الموتر للبيع؟
شنو؟؟؟
سيارتج تبيعينها؟
لأ !
-----
ركبت سيارتي وصكيت الباب
وأهو يطالعني شكله كان بيسأل بعد أسئله
جان أنحاش وانا منصدمة
شسالفة!؟ مو كاتبة للبيع عشان يسأل
وبعدين اشفيهم الناس على أشيائي بيشترونهم !!!
هاهها
-----
اليوم بعد الدوام بروح أعيش ببيت خالي لمدة أسبوع
خالي وزوجته سافروا الصبح ووصوني على عيالهم يويو وهشومي
بصير الأم والأبو
وناسة :)
أحلى شي إن طريج الدوام بيصير دقيقة وحدة
بيتهم لازق بدوامي

22 comments:

Cotton^Candy said...

Sub7an Allah ! inty kil shy
3indich il nas tabeeh !! ana
la7ath hal shy hehhehehe

KarKoor said...

hehehe
your camera for sale ? :P

Diver said...

لو تسمحين
المدونة للبيع
اذا للبيع عندج ايميلي
:)

Anonymous said...

-1-

عن نفسي و يمكن لأني أبيض فأحب السمار
أحب الملح .. و البياض ما يجذبني صوبه كثر السمار

-2- ، -3-

ذكرتيني بسالفة يمكن مالها علاقة

أذكر أول ما اشتريت موبايل كان خطي جديد
و أيامها كانت فيه مشكلة بين زين و الوطنية

ما كنت أقدر أدق على خط وطنية و العكس بعد
اللي عنده خط وطنية ما يقدر يدق على خطي

في يوم اتصل علي واحد .. نفس رقمي بالضبط
عدا آخر رقم .. بالبداية على بالي أنا
داق على روحي هههههههه

و لا يطلع واحد سوداني

السلاااام عليكمممم

أنا : هلا

هو : يا أخي أنا عندي مشكلة ما أقدر اتصل
على خطوط الوطنية .. و قلت أشوف واحد
زي رقمي و أسألوووو ايش السبب

هههههه عاد علمته .. بس حده مو متضايق
و ماخذ راحته

عندي رقمه ودي أدق عليه الحين
:p

عموما و لا يخفى عليك .. بعض الشباب عياريين
تلاقينه لا يبي يشتري و لا قاله الله بس يبي
يفتح باب حوار أو دردشة

و الله عليم بالنيات .. أكيد مو الكل




-4-

موفقة .. أتوقع نجاح باهر
:)
و سلمي لي على هشام و يويو

كم عمره صار يويو الحين؟

Ra-1 said...

Cotton^Candy ...

هاهاهها إي أهم شي البحرينيين
:p



KarKoor ...

LOL :)

Ra-1 said...

Diver ...

عاد مدونتي مستحيل أبيعها :)

Ra-1 said...

Anonymous ...

تعليقك وايد قصير :)
إنت طائر؟

-1-

زين يعني مو بس آنا أحب السمار

-2- ، -3-

هاههها السوداني هذا وايد ذكي
LOL


-4-

هاشم مو هشام

يويو صار ست سنين أو سبعة
مادري اليوم أسإله :)

New Bride said...

hlaaa walah el7mdelaah 3laa elsalaamaa hehehe akeed khaltee bt39eb enich msawyaa tan ;)


و شفيه هذا اللي يبي الرقم ؟؟؟؟؟؟؟ هاهاها وناسة ديري بالج على اغراضج و الله الناس تحلى بعينها الأشياء لما تشوفها عند غيرها

و يالله نبي صور :)

Ra-1 said...

New Bride ...

هاهها إي تعرفين أمي ما تحب هالسوالف
:p

see you in the party inshaAllah ;)

Purgatory said...

welcome back

:ْ)

Ra-1 said...

Purg ...

Are you sure that is all you want to say?
Hehhe :)

Africano0o said...

السلام عليكم
انا من متابعين مدونتج بس اول مرة اعلق
هذي الحركة عادية من الشباب خاصة اذا كانت عاجبته البنية وحاب يتعرف عليها ومستحي يصارحها بمشاعره
عادي ترى اكيد معجبينج وايد
:)

{~المباركية~} said...

صورج ملوت الفلكر للبيع ؟

شدعوه لي هالدرجة اغراضج نادره

اعتقد محمد الي يبي يشتري خطج نفسه الي قالج سيارتج للبيع هذا والله اعلم

Anonymous said...

waiting the pictures:)

Abdullah said...

Congrats 3ala il stay ib bait your uncle.

Tanned all the way, hate hate hate white, bright skin.

ohh and the first attempt, the guy on the phone, maybe he was sincere, but the second attempt, the car thingy ?? that, my dear, was a flirt ;P

Aurous said...

Why do you hate white??!!

I don't hate it, but I agree that a (very very small) degree of tan is better :D


w el7mdellah 3alsalama... w good luck being a temporary mom and dad ;p

الحارث بن همّام said...

لوسمحتي اختي


تبيعين لي وظيفتج اللي كلها سفرات واجازات ؟

Ra-1 said...

Africano0o ...

وعليكم السلام
هاهها مادري صج معجب ولا لأ

حياك الله :)



{~المباركية~} ...

LOL!
لا تخرعني :)

Ra-1 said...

Anonymous ...

InshaAllah :)



Abdullah ...

Flirt? You think?
Well it did not work hehhe :)

Ra-1 said...

Aurous ...

من وانا صغيرة أقول أبي واحد أسمر :p

الله يسلمج

hehhe :)



الحارث بن همّام ...

تصدق مديري مانعني آخذ حتى يوم واحد إجازة؟
:)

مركبنا said...

اختي تبيعين ،،،،
ممممم
ممممم
ممممم
خل ادور شئ غالي عليج

قالوا خطج وقالوا سيارتج
وقالوا مدونتج

ممكن كامرتج ولاب توبج الجديد (=

ياحلوها امج
وانتي كل سفره بعدها لازم تنزفين على مخالفه
الي ماتقدرين عليه بالديرة تسوينه بره
بعيد عن امج


عموما
ترى في شباب عبط يسون جذي بس عشان يفتحون موضوع

Ra-1 said...

مركبنا ...

عاد واحد معاي بالدوام عرض يشتري اللابتوب
بس ممنوووع :)

حتى بالكويت اشدعوه أشوف أمي
LOL :p